جماعة الله يكرمكوا، الله لا يوريكوا اللي بمر بيه انا عايزة حد يساعدني انا تعبت والله تعبت. انا نفسي ابطل أوذي نفسي أنا مش عارفة ابطل انا ماببقاش في وعيي انا بابقى تايهة او بابقى مش في وعيي مش عارفة وبفوق فاجأة ولما افوق بازعل على نفسي وماعرفش ابطل وأعورها تاني وتالت وعاشر نفسي أبقى عادية زي الاول نغسي ابقى زي باقي البنات وابطل أعور في جسمي واقلع في شعري واخلع ضوافري انا روحت لدكاترة كتير وادوني دواء كتير ومفيش فايدة دا بالعكس باتعب اكتر وبقيت كل اما اخد الدواء ادوخ وارجعه انا والله تعبت وزهقت من نفسي وصعبانة عليا نفسي، انا ماكنتش كدا ونفسي ارجع زي الاول بقا
ربنا يسعدكوا يارب وماتشوفوا اللي انا فيه ساعدوني
يا كتكوته أي سبب الحاله دي و من امته بدات و هل حضرتك مدومه على الصلاة ولا نص نص
تم النشر الثلاثاء، ٤ يونيو ٢٠٢٤
حبيبتي، أنا حاسة بألمك وبكل اللي بتمري بيه. أول حاجة، لازم تصدقي إنك قوية وإنك تقدر تتغلبي على اللي بيحصل جوة عقلك وجسمك. بس لازم نبدأ بخطوات صغيرة وبهدوء. تكلمي مع حد تثقي فيه : دوري على حد قريب من قلبك وتحسي بالراحة لما تحكي له. ممكن يكون حد من العيلة أو صديق. كتابة المشاعر : جربي تكتبي كل اللي حاسه في مذكرة أو ورقة. الكتابة ممكن تساعدك تفرغي شوية من الضغط اللي جواكي. نشاطات ترفيهية : حاولي تلتهي بحاجات تحبيها، زي الرسم، الغناء، الرياضة أو أي هواية تانية. دي حاجات ممكن تشتت ذهنك شوية وتريحك. احنا كلنا بنحتاج مساعدة أحيانًا : ممكن تجربي تروحي لمعالج نفسي مختلف. ساعات بنحتاج نحاول مع أكتر من حد لغاية ما نلاقي الشخص اللي بيريحنا. العناية بالنفس : حاولي تعتني بنفسك بطرق تانية، مثل الاستحمام بمية دافية، عمل ماسكات للوجه، أو تقضية وقت برا البيت في مكان مريح. التمرينات الاسترخائية : جربي تمارسين اليوغا أو التأمل. دي تمارين ممكن تساعد تهدي أعصابك وتريح بالك. وانا هنا لو محتاجة أي حاجة، أو حتى بس تتكلمي، أنا جاهزة أسمعك. تذكري دايمًا إن كلنا بنمر بمواقف صعبة، وإنك مش لوحدك. 🌸
تم النشر الاثنين، ٣ يونيو ٢٠٢٤
لعرض السؤال في فدني اضغط هنا