سؤال للنقاش مع من تتفق ؟؟
يقول: دوستويفسكي : لايمكنك أن تُشفى فى نفس البيئة التى جعلتك مريضًا .. غادر
ويقول :جلال الدين الرومي :
هروبك مما يؤلمك سيؤلمك أكثر ، لا تهرب .. تألم حتى تشفى
انا بصراحه مش شايف انه في علاقة بين المرض و الألم. قد تكون البيئة سليمة و لكن يحصل للانسان مواقف تؤلمه مثل فقد صديق او حبيب. الذي يتحدث عنه دوستويفسكي هو البيئة المريضة الخبيثة التي قد تجعل الانسان ينحرف عن المسار الصحيح او يكتسب عادات سيئة و في هذه الحالة البعد عن هذه البيئة (مثل رفاق السوء) قد يكون أفضل حل
تم النشر الجمعة، ١٦ أغسطس ٢٠٢٤
شايفه الاتنين بيكملوا بعض ماينفعش اختار حاجه واحده يعني جلال الدين الرومي قال هروبك مما يؤلمك سيؤلمك أكثر لا تهرب تألم حتي تشفي ودا واقعي جدا وبيعلمنا المواجهه ونتألم عشان تتم مرحله الشفاء الهروب مش حل وديما هيرجعنا للصفر فعشان ننسي ونعدي نواجهه كل مخاوفنا ونكون صادقين مع نفسنا عشان نتشافي من الالم ودوستويفسكي قال لا يمكنك أن تشفي في نفس البيئة التي جعلتك مريض غادر ؟ لا أغادر ليه طيب لو حبيت ارجع ل موطني محيطي اللي جعلني مريض مش هعرف ما انا سافرت ليه من الأول ف هنا المفيد اتعالج واشفي في البيئة واواجهه حتي عشان اتحرر ما انا لو غادرت هعاني برضو عشان معالجتش مكمن الوجع
تم النشر الخميس، ١٥ أغسطس ٢٠٢٤
اتفق مع جلال الدين الرومي الهروب عمره م كان حل في اي حاجه علي العموم حتي الألم لازم نواجهه مش نهرب منه وفعلا تألم حتي تشفي
تم النشر الخميس، ١٥ أغسطس ٢٠٢٤
هنا فيه فرق دوستويفسكي: انت لا تشفي في نفس البيئه التي جعلتك مريضا هنا يقصد المحيط من حولك والأشخاص الثامه والبيئه المضره لك تجنب هؤلاء الناس يجعلك تتشافي لا يمكنك أن تتشافي وانت تخطلت بهم . جلال الدين الرومي: هروبك مما يؤلكك سيألمك أكثر تألم حتي تشفي هنا يقصد مواجه الحزن والصدمات والخذلان وبعض الأشخاص هروبك من المواجهة ووالهروب وعدم تزكر بعض المواقف ومواجهتها لن تشفيك تزكر وتألم حتي تعتاد وتتأقلم .. وضح الفرق الاثنين رأيهما صحيح
تم النشر الخميس، ١٥ أغسطس ٢٠٢٤
هحكيلك علي تجربه مريت بيها وانتي هتحددي بنفسك مع مين هتتفقي بس خليني اوضحلك فكره في الأول انك تتغلبي علي شئ مريتي بيه او حاجه بتسببلك وجع وألم دا بيعتمد بنسبه كبيره علي ثقتك انتي مثلا حصل مشكله ما بينك وبين صديقاتك تسببوا فيها بالإهانة ليكي وأنهم بعدوا عنك رغم حبك ليهم مع العلم دا مثال للتوضيح لو عندك ثقه في الاستمرار بنفسك في حياتك تاني من غير وجودهم وعندك دافع بيخليكي تنسي كل صعوبه بتواجهك دا هيساعدك تتخلصي متها بسهوله تجربتي هي اني دخلت في حاجه ملييش اني اعملها وغلط اني عملتها بس الحاجه دي او اللي كنت بعمله دا انطلقت بيه وكان شئ لازم في يومي اعمله واخدت حوالي سنتين مستمره في كدا ومع الوقت كانت الظروف بتثبتلي ان دا غلك واني لازم ابطله بس بسبب تعلقي بالعمل دا مقدرتش ابعد يعني لحد ما اتأذيت نفسيا وروحت اتعالج وكنت مرضت اووي وكنت في تالته ثانوي يعني كان في ضغط عليا من كل جانب بدأت علاجي بالدعاء والقرب من ربنا وبدأت افتكر كل اللي كنت بعمله واغلط نفسي غليه هقولك لي كنا بقعد افتكر كل الي عملته لان اول خطوه لحل المشكله هي الاعتراف بيها يعني متهرب من المشكله ولا من الاشخاص اللي سببو لينا الاذي بتواجيهم وبتعرفي بنفسك وبفضل ربنا أولا الهروب من المشكله هيزيدها مش هيحلها وفضلت احاول لفتره لا تتعدي الاربع شهور اصرارك علي التخلص من المشكله هي مواجهتها والمقصود من الهروب من البيئه اللي اذئتك انك متحاولييش ترجعي لنفس الأشياء اللي كنا بنعملها في المرحله اللي سببت لينا الاذي طبعا دا من وجهه نظري لان كتفسير ليها مش متقنها اووي للامانه بتمني اني اكون قدرت افيدك وبتمنالك التوفيق♥️♥️🥰
تم النشر الجمعة، ١٦ أغسطس ٢٠٢٤
انا شايفه ان المقوله ينقصها تعديل ويبقو هما الاتنين صح الاول غادر نفسيااا لانه هو الاهم التانيه لاتهرب من المكان جسديا لانه هتحمل الوجع معاك نفسيا لايمكنك ان تشفي في نفس البيئه التي جعلتك مريضا فغادر بروحك لاتهرب بجسدك لان هروبك جسديا سيؤلمك اكثر اهرب بروحك حتي برغم بقاء جسمك
تم النشر الجمعة، ١٦ أغسطس ٢٠٢٤
السلام عليكم انا هقول لك ان انا مع المقولتين. ولا معديه ولا مع دي لانه الاثنين مش عكس بعض بالشكل ده قوي يعني دي وجهه نظري انا ودي نظرتي انا يعني للموضوع هوصلها لك باللي انا شايفاه. المقوله الاولانيه بتقول لا يمكنك ان تشفى في نفس البيئه التي جعلتك مريضا غادر. طيب هو انا لما اخذ بعضي واغادر هل معنى كده ان انا تخلصت من القلم؟ هل المعنى كده ان انا سبت القلم الحقيقه ان في ناس بتغادر بس برده ما بتخفش الحقيقه ان في ناس بيعدي عليا المواقف وبتبقى ماضي اييي بس برده بتفضل متالمه وبتفضل بتعاني على اثر الذكرى دي طب ما هم غادروا اهم هم ما خفوش ليه هم ما خافوش بقى عشان ما عملوش بكلام وجلال الدين الرومي في المقوله الثانيه ان هروبك مما يؤلمك سيؤلمك اكثر لا تهرب تالم حتى تشفى. جلال الدين الرومي هنا بيتكلم على انك حتى من جواك ما تهربش من الالم ما تفتكرش انك لما خدت بعضك ومشيت انت كده هربت من القلم لا لو هتاخذ بعضك من المكان زي ما بنقول كده هتروح تعمل رحله استشفاء عشان لما ترجع المكان ده تكون. انت خلصت من القلم اللي جواك ومش بتهرب منه لا سيب المكان عشان تسمح لنفسك بظروف احسن.
تم النشر الخميس، ١٥ أغسطس ٢٠٢٤
هذا سؤال عميق جدًا ويفتح لنا مجالات متعددة للتفكير. من وجهة نظر دوستويفسكي، هو يؤكد على فكرة أنك بحاجة للابتعاد عن البيئة السلبية أو الضاغطة التي تسببت في معاناتك حتى تتمكن من الشفاء. يعني، أحيانًا بتكون البيئة المحيطة هي السبب الرئيسي لعدم تقدمنا. بينما جلال الدين الرومي يرغب في توجيهنا للتعامل مع الألم والتألم بشكل مباشر. هو يقول إنه الهروب لن يحل المشكلة، بل قد يزيد الأمور سوءً. بالنهاية، ممكن يكون الحل هو مزج الأفكار. أحيانًا نحتاج للاختلاء بأنفسنا وترك البيئة المحيطة إذا كانت سلبية، وفي أحيان ثانية، مهم نواجه الألم ونتعامل معه. عليك أن تختاري ما يتناسب مع تجربتك الشخصية، فما هو؟
تم النشر الخميس، ١٥ أغسطس ٢٠٢٤
على حسب البيئة اللي الانسان عايش فيها ممكن انها لا تستحق ان الانسان يضيع وقته ومجهوده و صحته وهو يحاول يتأقلم او ينجح فيها لكن لو البيئة دي بتديله فرصة لحياة كويسة وبتديله مجال انه ينجح رغم الصعوبات و المعوقات اللي فيها ممكن يستمر وممكن تكون البيئة دي كويسة بس مش مناسبة بقدراته و ميوله بمدة لازم يشوف بيئة تانية مناسبة لديه حتى لو اصعب بس طالما مناسبة بقدراته هيقد ينجح فيها
تم النشر الاثنين، ١٩ أغسطس ٢٠٢٤
انا شايفه ان المغادره من البيئه المؤذيه مش يعتبر هروب ليه منقولش اننا بنتجنب مشاكلها علشان نشوف حياتنا ف المكان الصح ومع الناس الصح... والل بيجعل الواحد قوي نجاحه ف المجال الل هو فيه حتي لو وقع مليون مره.. ف اتفق مع دوستويفسكي
تم النشر الخميس، ١٥ أغسطس ٢٠٢٤
اتفق مع جلال الدين الرومى، لأن الشفاء فى نفس البيئه يجعلك قويا، اما الهروب بمجرد الرجوع لنفس البيئه ستفقد قوتك مره ثانيه وكأن شئ لم يكن
تم النشر الخميس، ١٥ أغسطس ٢٠٢٤
اتفق مع دوستويفسكي اكيد اي حاجه تإذينا نبعد عنها طبعاً مفيش حاجه اسمها افضل ف مكاني وافضل اتعب لحد ما اتعود او ارتاح عمري ما هرتاح لو فضلت ف المكان المؤذي ده
تم النشر الجمعة، ١٦ أغسطس ٢٠٢٤
انا شايفه ان رأي الأول صح ليه ميكونش ان ربنا ارد يحصل كدا علشان امشي لان الناس دي المواقف في الأماكن دي بستنزف مني كتير وجودي مع الناس الصح هيسهل كتير عليا
تم النشر الجمعة، ١٦ أغسطس ٢٠٢٤
ولماذا لا نقول أن الإجابة تختلف باختلاف طبيعة الشخص؟ لا يمكننا أن نعمم تجاربنا الشخصية وردود أفعالنا تجاه المواقف، فما أجده مستحيل التقبل قد يجده غيري أمر مقدور على التعايش معه.
تم النشر الجمعة، ١٦ أغسطس ٢٠٢٤
المقولتان مختلفتان؛ واحدة عن الذي يؤلمك والأخرى عن المكان أو البيئة التي سببت لك الألم!
تم النشر الجمعة، ١٦ أغسطس ٢٠٢٤
جلال الدين . افضل اني اوجه افضل من اني انسحب.
تم النشر الجمعة، ١٦ أغسطس ٢٠٢٤
مع جلال الدين الرومي .. المواجهه هي حل المشاكل وليس الهروب والتخلي
تم النشر الجمعة، ١٦ أغسطس ٢٠٢٤
بصراحة الاتنين بيكملو بعض. في بعض المشكلات المواجهة بتكون فيها الاحسن و احيانا اخرى بيكون الانسحاب افضل على حسب المشكلة اللي موجودة
تم النشر الجمعة، ١٦ أغسطس ٢٠٢٤
أنا من وجهة نظري الاخذ بالرأيين بمعني لابد من مواجهة أي مشاكل او صعاب حتي يتعلم الإنسان وتصبح له خبرة في الحياة حتي لو هيتألم احيانا ولكن كل شئ له حدود ، ثم تأتي مرحلة مغادرة البيئة السيئة إذ استمر الحال علي ما هو عليه
تم النشر الجمعة، ١٦ أغسطس ٢٠٢٤
من وجهة نظري اتفق مع الاتنين ، لان في مواقف مفيش حل ليها الا الهروب والمغادرة ،وفي مواقف الهروب فيها مش حل خالص.
تم النشر الجمعة، ١٦ أغسطس ٢٠٢٤
انا شايفه اني حتي لو اتشفيت في المكان اللي عانيت فيه وواجهت الالم هفتكر معاناتي كل اما اشوفه ودي حاجه مش لطيفه ومالهاش فايده ولا نتيجه مرضيه
تم النشر الجمعة، ١٦ أغسطس ٢٠٢٤
دوستويفسكي كان يقصد البشر المؤذيين اما جلال الرومي يقصد انك تفضل في المكان الي عندك في عقدها لحد ما تتحل وجهه نظري
تم النشر الجمعة، ١٦ أغسطس ٢٠٢٤
نتفق مع جلال الدين الرومي اكتر من وجه نظره صحيحه
تم النشر الجمعة، ١٦ أغسطس ٢٠٢٤
تتالم وتتعلم من اخطاأك وتاخذ. حقك او تتركهم لله ثم تغادر هذا المكان حتي لا تتعرض لاي اذي مرة اخري
تم النشر الجمعة، ١٦ أغسطس ٢٠٢٤
أتفق مع جلال الدين الرومي لان المواجهة عموما بتكون احسن عشان الشخص ميبقاش عنده آلام كل ما يفتكر حاجةة. لان كلام دوستويفسكي شوفنا ناس بقت كويسةة فِ بيئة مش صِحيةة هما عددهم قُليل بس في ناس بتكون كويسةة
تم النشر الخميس، ١٥ أغسطس ٢٠٢٤
لعرض السؤال في فدني اضغط هنا