أنا كنت بكلم شباب كتير أوي وكل مره بيتقالي كلام حلو اوي بتبسط منه جدا بعد ما اعلق الشخص بيا أو كام يوم كده ابعد فجاه واسيبه ومره حبيت واحد وعملت مشكله وهو سابني اضيقت بعدها اوي وحاولت اعرف بعده حد بس فشلت عملت سيرش كتير اوي عن الحوار ده وطلعلي انو ده غصب عني ومش بايديا أنا اتحرمت من حاجات كتير من اهلي ومعنديش ثقه بنفسي ولا متخيله اني اتحب أصلا وبحاول ادور علي كل اللي اتحرمت من بره ،ممكن اعرف ازاي اتعالج من الموضوع ده !!
حبيبتي، انا حاسة بيكي ومقدرة مشاعرك جداً. مش سهل انك تحسي بالفراغ ده وتحاولي تملئيه بالشكل ده. أول حاجة خلينا نتفق انك قوية وشجاعة عشان تاخدي خطوة وتتكلمي عن المشكلة دي. أول خطوة تبتدي بيها هي انك تواجهي مشاعرك ومش تحاولي تخافي منها. جربي تعملي مدونة أو دفتر تكتبي فيه كل اللي جواكي، كل الأفكار والمشاعر بدون الحكم على نفسك. الكتابة ممكن تساعدك تفهمي نفسك أكتر وتكتشفي أساس المشكلة. ثاني خطوة، حاولى تعززي ثقتك بنفسك. ده مش هيحصل بين يوم وليلة، بس ممكن تبدأي بأنك تعملي حاجات بتحبيها وبتحسي انها بتمثل ذاتك. جربي تتعلمي مهارة جديدة، تلعبي رياضة مفضلة، أو حتى تقومي بمبادرات تطوعية تساعدك تحسي انك بتعملي حاجة ليكي وللآخرين. ثالث خطوة، فكري في زيارة معالج نفسي. الإنسان ممكن يحتاج شخص محترف يساعده يفهم أسباب تصرفاته ويشتغل معاكي على تحسين حالتك النفسية. المعالج النفسي ممكن يكون الداعم اللي انتي محتاجاه حالياً. وأخيرًا، فكري في بناء علاقات صحية وتدريجية مع الناس. مش لازم تكوني بتحبي أو بتدوري على حب فوري، خلي العلاقة تبدأ ببطء وتعريف أكتر عن الشخص قبل ما تتعمقي مشاعرك. افتكري دايماً انتي تستحقي الحب والتقدير. الحياة مليانة تجارب وفرص، ودايمًا في طريق لتحسين حالتك النفسية والعاطفية. أنا هنا دايمًا لمساعدتك، لو حابة تتكلمي أو تستفسري عن أي حاجة تانية.
تم النشر الأربعاء، ١٠ يوليو ٢٠٢٤
بصي انتي انسانه كويسه جدا انك عارفه اي اللي ناقص عندك وعارفه انك محرومه من حاجات ف بتحولي تلاقي الحاجات دي برا وعاوزه كمان تلاقي حل عشان تكوني انسانه كويسه دا ف حد ذاته حاجه حلوه اوي بصي عوزاكي تعرفي بس اني الحاجات دي مش بيجي من وراها غير وجع الدماغ وهتتعبي كتيؤ اوي ف حياتك مشاعرك وطاقتك هيخلصوا بدري اويي تخيلي يجيلك الشخص المناسب بس انتي تكون استهلكتي نفسياا ف ليه يحببتي تعملي كده بصي مشاعرك وقلبك ده عامل زي الخزان كل لما تتدخلي علاقه بنقص منه حبه لحد لما هتلاقيه خلص وبقيتي تزهقي علطول ومعندكيش طاقه لحاجه ف ليه يحببتي بلاش بجد حافظي ع مشاعرك وطاقتك عشان لما يجي الشخص المناسب يكون الخزان مليا ويكون ف الحلال وبلاش علاقات محرمه عشان عمرها مهتكمل ابداا والله يبنتي ربنا مش بيحرم حاجه الا لما يكون ليها اسببها اولهم ان قلبك هيدمر بدري ف لا عشان خاطر ربنا ونفسك توبي عن اللي فات وابداى من جديد وربنا يهديكي يحببتي يارب وموضوع اهلك اتكلمي معاهم لو محدش استجاب لكلامك خلاص مش مهم ربنا هيحاسبهم ع ده انتي عليكي بالدعاء وان ربنا يبعتلك حد يعوضك عن اللي شفتيه ف حياتك ده
تم النشر الأربعاء، ١٠ يوليو ٢٠٢٤
اولا لازم تقوى صلتك بربنا كويس بانك تصلى وتقرأى قرأن لان ده هيدى قلبك السكينة وهيخليكى تفكرى كويس غير انك مش من الصح انك تكلمى شباب الا لو كنتى مخطوبه ثانيا غلط تعلقى حد بيكى وبعدين تسيبيه
تم النشر الأحد، ٤ أغسطس ٢٠٢٤
لعرض السؤال في فدني اضغط هنا