كنت عايزة مساعده في الموضوع ده لأنه مضايقاني الموضوع يخص صاحبتي
صاحبتي بتحب ولد تقريباً بتكراش كل سنه او عل ولد بس مش بتتعامل معاه هي بس بتشوفه فتحبه والمشكله انها بتتعلق بواحد جديد تاني يعني السنه دي شافت واحد معاه في الدرس وحبيته المشكله أني بحس ان قلبها طيب انها بتحب تقريباً النااس كلها بس ده حرام والمشكله الأكبر انها أزهر أصلا يعني المفروض عارفة الحاجات انا مش عارفه اساعدها تبطل كده لانها اصلا مش عارفه هي ليه بتنجذب للولاد من النظرة الأولي..
تاني حاجه انها الاخت الاكبر وبجد عي مراعيه ومهتمه لاخواتها الأصغر منها وتعملهم اكل وتلعب معاهم وتهتم فيهم بابها ومامتها بيكونو بيشتغلو بره البيت فبتحس بمسئووليه كبيرة..
هي ماحكيتش لمامتها عن الموضوع ده..
بابها عصبي شويتين وبتحس أنها لازم تمشي عل القواعد وهي مش بتحب كده..
فبحس الموضوع متعب بالنسبة لها ونفسي أساعدها في موضوع انها بتحب ولد..
ياريت تساعدوني وشكرا 🥺💗💗
بصي هي صاحبتك واضح انها محتاجه تحس بشعور معين هي مفتقداه في بيت اهلها وده واضح جدا من كلامك هي في بيت اهلها كله متعود انها بتعتني بيهم وتلاعبهم وتعمل اكل وكده ولكن هي مش لاقيه حد يهتم بها ويقدر عطفها ورعايتها لاخواتها ويقول لها كلمه حلوة تزيد طاقتها للعطاء وتقديم الخدمات والمحبه فبتدور على ده في سلوك الاولاد ال قدامها - وهي عارفه انه حرام ولكن غالبا بيحصل منها بشكل تلقائي لا ارادي- يعني وارد تلاقيها تنجذب لولد لمجرد انه مثلا قلمها وقع وهو وطى واداهولها بلطف او ولد كلمها بطريقه مهذبة زياده او ساعدها في امر تافه هي محتاجه حد يعاملها بحنيه زي ما بتحن على اخواتها ربنا يحفظها ويبعد عنها الفتن ومصائب الاختلاط ويجعلك سبب في انها تلاقي ال مفتقداه معاك وتنصرف عن الاولاد
تم النشر الاثنين، ٦ فبراير ٢٠٢٣
شوفي ف سن المراهقه بيكون ده سلوك شائع انجذاب البنت للولد والعكس وهي مش مستقريه ع حد اصلا ...حاجه كمان هي عايزه تحس انها محبوبه وانها زي اي بنت ليها معجبين وحد يعجب بيها ويهتم بيها وده واضح ان في تقصير من ده اتجاهها ف البيت وطالما موصلش لحيز التنفيذ ف تمام ..لما تعمل كده قوليلها حاجه حلوه انها طيبه وجميله جدا وان اي حد يتمناها وان ربنا شايلها واحد يحبها جدا ويراعيها والشخص وارد جدا يكون شايفها دلخاو يشوفها ف اي وقت ف المستقبل وممكن خجول انه يتكلم ومش هيتكلم ولا يظهر غير ف الوقت الصح وقت ميجي بيت بباها يتقدملها ف حافظي دايما ع صورتي عشان ميحصلش منك سلوك تلقائي يوقعك من نظره او يغير صورتك عنده
تم النشر الأحد، ٥ فبراير ٢٠٢٣
انتى صديقة جميلة صاحبتك فى مرحلة مشاعر طبيعية واللى بيحصل معاها مش حرام انها تحس باى احساس. الحرام هو الافعال اللى هتحصل بسبب ده. فلو هى مثلا بتتابع الولد اللى عاجبها ده وتبص عليه كتير او تشوف صوره مثلا ....فانتى ذكريها دايما بغض البصر اللى اتأمرنا بيه كلنا رجال ونساء. احساسها بلاش تقاومية لكن اتعاملى مع الافعال وذكريها دايما بان الافعال هنتحاسب عليها . هى فترة وهتعدى باذن الله. سبب محتمل هو المسؤوليات اللى بتقوم بيها وكمان لو والدها جاف شوية ده بيكون حاجة بتهرب بيها لعالم اكثر لينا فى خيالها بس. ذكريها وذكري نفسك ويارب تكونوا خير صحبة فى الدنيا والجنة باذن الرحمن
تم النشر الأحد، ٥ فبراير ٢٠٢٣
اكيد هي عارفه ان دا حرام وغلط بس اكيد مراهقه وهي باين عليها من كلامك انها طيبه بصي حاولي انك تنصحيها وتقربيها من ربنا وتخليها من المسبحين فلما تكون قريبه من ربنا كل لما تشوف ولد هتفتكر ربنا فهتستغفر وترجع لعقلها القرب من ربنا بيعمل معجزات ومش بس تصلي لا شجعيها تطلع صدقه لما تشوفيها بتبص للشاب دا حاولي تشتتي انتباهها باي موضوع مره علي مره هتنسي دا رأيي الشخصي ياريت اكون افدتك
تم النشر الأحد، ٥ فبراير ٢٠٢٣
لعرض السؤال في فدني اضغط هنا