فضلا ساعدوني
كنت ف ٣ اعدادي وكنت بحب واحد وحصل بينا تجاوزات ونا قلبي حاليا بيتقطع من اللي عملته وأهلي وقتها عرفوا اني كنت بكلم واحد معرفوش باللي حصل بينا ف توبت وخلاص بقي حاليا انا ٢٤ سنه ومخطوبه ربنا باعتلي واحد من السما بحد مش انسان خالص دا ملاك
ونا مش قادره اسامح نفسي وحاليا اخويا مبهدلي حياتي وقال ل خالي ان كنت ع علاقه قبل كدا وانا خايفه الكلام يوصل ل خطيبي اعمل اي بجد تعبت
وكلي امرك لله فهو حسبك وثقي فيه واكثري من لا اله الا انت سبحانك اني كنت من الظالمين .. اما اخوكي فقد أخرج أبو داود عن أبي برزة الأسلمي أن رسول الله صلى الله عليه وسلم قال: "يا معشر من آمن بلسانه ولم يدخل الإيمان قلبه: لا تغتابوا المسلمين ولا تتبعوا عوراتهم، فإن من اتبع عوراتهم تتبع الله عورته، ومن تتبع الله عورته يفضحه في بيته" .
تم النشر الاثنين، ١٩ فبراير ٢٠٢٤
شوفي ياروحي اول شيء لازم تفهمي انك كنت صغيره ومينل فينا ما بيخطئ الحياه عباره عن تجارب واذا ما اخطانا ما راح نتعلم وانت قلتيها اخطاتي وتعلمتي وتبت اما بشان خطيبك فلازم يفهم انك انت مو ملاك يا روحي من فين ما بيخطئ اذا رحت تبحثي عن خطيبك راح تلقيه خاطئ اكثر من 100 خطا مع هيك ما بيتكلم لك واخطائك هي في الماضي ستبقى في الماضي ونحن الان في المستقبل وانت قلتيها بفمك تبتي والله يوفقك انت وخطيبك ان شاء الله
تم النشر الثلاثاء، ١٢ مارس ٢٠٢٤
قابلت مواقف كتير وقصص كتير جدا والحل الشامل لكل دا خليكي واثقه ف ربنا جدا وف نفسك وخلي عندك يقين إن الحل عند ربنا اخطأتي وتبتي لربنا كلنا بنغلط الاختلاف بينا بس هو حجم الخطأ والأخطاء كتيره بأنواعها واشكالها وانتي الحمد لله تبتي بس في حاجه جايز البعض مأخدش باله منها أحيانا ربنا بيبتلينا بذنب أو غلط علشان عايز يسمعك وانتي بتقولي ياااااارب متسبنيش محتجالك انا عبد ضعيف عايزك تقربي منه أكتر وتلجأي ليه وتدعي وتقربي منه وتذكريه أحيانا بيكون الابتلاء دا امتحان صبر أو درس علشان يقويكي وتستفادي منه الدنيا مجرد دروس وامتحانات ومش هتخلص والله واللي ربنا كاتبه هيكون وجايز يكون الموضوع دا ظهر فجأه لان ربنا شايف حاجه ف الشخص اللي هترتبطي بيه انتي مش شايفاها لان كل حاجه بتبان بالعشره ف متحكميش علي حاجه قبل م تعيشي التجربه مفيش حد كامل اكيد والأهم من دا كله ان ربنا موجود دايما ف حياتنا اتطمني ومتقلقيش والله ليه نخاف ونقلق من الناس رغم وجود رب الناس والدنيا دي كلها خلي خوفك من ربنا خوفك علي زعل ربنا خوفك من إن مكانتك عند ربنا تتغير أو ثقته فيكي تروح كلنا مجرد اسباب لا أكثر قوي علاقتك بربنا وصدقيني عن تجربه شخصية كل مشاكلها هتتحل حرفيا الحل عند ربنا اتطمني والجأي لربنا وربنا هيلهمك وهتقدري تتغلبي علي اي حاجه تقف ف طريقك وبرضو لازم تتكلمي مع والدك أو والدتك أو حد متأكده انه يقدر يوقف اخوكي عند حده لازم جدا أو حاولي تقعدي معاه وتكلميه واسأليه هو بعمل ليه كده ثانيا دا جايز يكون امتحان صبر من ربنا سبحانه وتعالي علشان يعرف ازاي هتتعاملي مع المشكله دي وهل اتعلمتي من درسك اللي فات ولا وحاولي تراجعي علاقتك بربنا هل كنتي مداومه علي حاجه طاعه او ذكر معين وبطلتيه فجأه حياتنا كلها بتترتب علي طاعة وذكر الله سبحانه وتعالى ربنا عنده الحل صدقيني
تم النشر الأحد، ١٨ فبراير ٢٠٢٤
لازم والدك يتدخل ويوقف اخوكي على اللي بيعمله؟ والاهم تعرفي هو ليه بيعمل كده؟ ليه بيجيب في سيرتك بالشكل ده؟
تم النشر السبت، ١٧ فبراير ٢٠٢٤
بصي العلاقه دي كانت قبل ما يدخل حياتك ملوش حق يحسبك علي حاجه عملتيها قبل ما تعرفي والله بيحاسب العباد ربنا وانتى ربنا تاب عليكي وسترك متروحيش انتي تفضحي نفسك له ف الغالب هو لو عرف مش هيتقبل الامر ف لو التجاوزات الي حصلت مش هتاثر علي جوازك مكنتش حاجه كبيره متقوليش وادعي ربنا ف الايام المفترجه دى يتم عليكي ستره
تم النشر الاثنين، ١٩ فبراير ٢٠٢٤
الي هيفيدك بجد دكتور طب نفسي في المواضيع دي بالتحديد .... بس لو حد من الاهل الاب او الام عارف بالمشكلة دي بيقي تكلمي مع حد منهم وهو هيحل الموضوع دة معاكي
تم النشر الأحد، ١٨ فبراير ٢٠٢٤
لعرض السؤال في فدني اضغط هنا