السلام عليكم ورحمة الله وبركاته
انا بنت عندي21 سنه ومعنديش ثقه في نفسي خالص، مع اني كل صحابي والناس بيقولوا اني جميله وصفاتي كويسه جداا واي حد بيتكلم معايا بيحبني وهكذا بس انا بحسهم بيكدبوا عليا مش عارفه اعمل ايه عايزه حل للموضوع ده تعبت نفسيا بجد
الثقة بالنفس بتبدا باسلوب التربية من واحنا صغيرين عشان تزودي ثقتك بنفسك دلوقتي، في كذا حاجة ممكن تعمليها خلي ليكي هوايات وانشطة تكوني بتتبسطي بيها وشاطرة فيها اشتركي في انشطة جماعية ، تزود عندك مهارة الكلام والمناقشة وعرض رايك اسألي زمايلك وصحابك ايه الصفات المميزة فيكي اكتبي في ورقة عندك كل صفاتك الحلوة وكل الحاجات اللي بتعرفي تعمليها كويس وعلقيها قصادك زودي ثقافتك واطلاعك ، بقراية في الكتب المفيدة ، كتب تعلمك ازاي تزودي ثقتك بنفسك ، وتفهمي الناس اكتر (كتاب زي كيف تكسب الاصدقاء وتؤثر في الناس ممكن يساعدك كبداية) زودي مهاراتك عموما اللى هتنفعك للشغل بعد كدا ، زي اللغات ، الكمبيوتر ، التدريب والعرض .. الخ لازم تراقبي نفسك وتشوفي بتتكلمي مع نفسك ازاي ، شجعي نفسك ، شوفي الحلو اللى فيكي ، واهتمي بنفسك اكتر ، اهتمي بمظهرك بشكل معقول مش مبالغ فيه ، دا بردو بيحسسك براحة اكتر وانتي في وسط الناس اهتمي بدراستك ، وركزي فيها ، لان النجاح والانجاز والتقدير الكويس بيساعد في احساسنا بثقتنا في نفسنا وقدرتنا على انجاز اي حاجة مطلوبة مننا في النهاية الثقة بالنفس بتبدا من جوانا احنا ، نبقى عارفين قيمة نفسنا ، ومميزاتنا وصفاتنا الحلوة ، ودا بينعكس على كل حاجة في تعاملاتنا مع الناس
تم النشر الاثنين، ١٧ فبراير ٢٠٢٥
وعليكم السلام ورحمة الله وبركاته. شكرًا لمشاركتك مشاعرك ومخاوفك. من الواضح أنك تواجهين صعوبة في تحقيق الثقة بالنفس، رغم أن الآخرين يعبرون عن تقديرهم لجمالك وصفاتك الشخصية. هنا بعض النقاط التي قد تساعدك في تعزيز ثقتك بنفسك: تقدير الذات : حاولي أن تكتبي قائمة بالصفات الإيجابية التي تمتلكينها، سواء كانت جسدية أو معنوية. أظهري لنفسك أنك تستحقين الاحترام والتقدير. التقبل الذاتي : من المهم أن تقبلي نفسك كما أنت. اعلمي أنك بشر، ومن الطبيعي أن تكون لديك عيوب. التركيز على الجوانب الإيجابية يساعد في تحسين الصورة الذاتية. تحديد الأهداف : حاولي وضع أهداف صغيرة لنفسك، سواء في مجال العمل أو الهوايات. كلما حققت هدفًا صغيرًا، كان ذلك دافعًا لتحسين ثقتك بنفسك. التواصل الاجتماعي : استمري في تكوين صداقات جديدة، وتَذكّري أن الأشخاص الإيجابيين في حياتك يمكن أن يساهموا في تعزيز ثقتك. الاستشارة : إذا استمرت مشاعر عدم الثقة، فقد يكون من المفيد التحدث مع مختص نفسي يمكنه مساعدتك في فهم جذور مشاعرك بشكل أعمق. تذكّري أن الثقة بالنفس ليست شيء يُكتسب بين عشية وضحاها، بل هي عملية تتطلب الوقت والجهد. كوني لطيفة مع نفسك في هذه الرحلة. وفقك الله.
تم النشر الأحد، ١٦ فبراير ٢٠٢٥
فكري إيه اللي بيسبب ليكي عدم الثقة؟ هل هو مقارنة نفسك بناس تانية؟ تجربة سابقة مريتى بيها ؟ محاولة فهم السبب أول خطوة للحل.. سؤال تانى لو حد انتقدك وقالك على حاجة سلبية فيكى بيكون شعورك اي ورد فعلك؟
تم النشر الأحد، ١٦ فبراير ٢٠٢٥
ممكن افيدك واكتبلك كلام كتير مش مش هفيدك زي ياسر الحزيمي في بودكاست فاهم للعلاقات العامة هتلاقي فيه كل حاجة محتاجاها
تم النشر الخميس، ٢٠ فبراير ٢٠٢٥
لعرض السؤال في فدني اضغط هنا