أنا أكتشفت إن أنا بأنس وحده كل اللي حواليا ،أنا اللي بطبطب وأنا اللي بهتم وأنا اللي بسأل وأنا اللي بخفف عنهم ،للأسف لقيت نفسي أن أنا ولا حاجه عندهم يعني عطاء فقط،أنا دايما وحيده في فرحي في حزني في أي حاجه وحيده ،ودي أكتر حاجه خنقاني ،بحاول أشغل نفسي طول الوقت ،بس وقت ما بحتاج لوجود الناس مش بلقيهم لا أهل ولا صحاب ولا أي حد ،ورغم كده مش بقدر أشوف حد فيهم محتاج وأسيبه ،هل ده غباء مني ولا حنيه زياده وتأثر باللي حواليا ،بكرهه موبايلي لان مفيش حد بيحاول يطمن أنا المفروض أسال واطمني واسمع منهم واحلى مشاكلهم واهتم ،أنا مهما حاولت أشغل وقتي بهوايات وكتب واي حاجه اتعلمها ،ولا يعني ليه كل ده وانا وحيده ،أنا مش قادره أتكيف على الوحده مش قادره أعيش جو الصمت اللي في حياتي مش قادره أعيش التجاهل منهم ،أنا ربنا مخلقنيش أعيش لوحدي أنا بكلم ربنا طول الوقت كل حاجه صح وغلط بعملها بحكيها انا عارفه أن ربنا عالم بكل شئ بس أنا ربنا بيطبطب عليه في وحدتي ،
كنت هقولك كلام كله لغيته لما قريت اخر جملة هى بتبقي حاجة صعبه انك تدى ومتاخديش من نفس اللى بتديه بس هقولك ده حصل معايا زمان وانا صغيرة ...بس الحمدلله اتأكدت ان كل ده حصل عشان ربنا عاوزنى استنى اروحله هو والاقى الطبطبه منه هو وبس سبحانه ...وهو كان بيبعتلى طبطبه من ناس تانيه خالص . العطاء اللى بيطلع منك اكيد بيجيلك بس من ناس تانيه ..المشكلة بس انك مستنياه من صحابك دول بالذات . مع الوقت هتستوعبي وتتأكدى ان وجودك هو اصلا اللى مالى الحياه ...انتىوكل اللى زيك فى الدنيا هما علاج الوحده للبشريه كلها ..الناس اللى بتبادر ومعطاءة وجميلة من جواها وبتتمنى الخير للكل. بذمتك هو فى دوا بيستنا العلاج. هو بس احساس بايخ بسبب انتظار شىء معين من اشخاص قريبين لقلبك ....اعذريهم بس لان ربنا مخلقش جواهم نفس الجمال اللى فى قلبك. متقبليش الوحده وخليكى زى ما انتى بتاخدى انتى بايد كل اللى ممكن يبقي وحيد من غيرك.
تم النشر الأربعاء، ٨ مارس ٢٠٢٣
طبعا متفهمة مشاعرك جدا. ولكن لازم تختاري الدائرة اللي انتي عايزة تكوني فيها .. حلو اوي انك تكوني عايزة تساعدي كل الناس اللي حواليكي وتعبري ليهم عن حبك. ولكن هل ده بيضايقك لما بتعملي ده للناس؟ هي الحاجة اللي بتضايق انك تبقى فقط عامله توقعات بان الناس ديه هتعمل معاكي نفس اللي بتعمليه. بس التوقعات ديه للاسف عندك انتي بس. يعني مش شرط ابدا ان لازم علشان بتعملي كل ده معاهم ف هما يردوا ليكي اللي انتي بتعمليه معاهم. احساسك بالخذلان منهم انتي اللي عملاه مش هما، لانك انتي اللي توقعتي منهم انهم يعملوا ليكي حاجات هي مش هتحصل. ف دلوقت .. المفروض برضه تعملي ايه؟ لو عايزة تساعدي حد علشان انتي عايزة ده فعلا من باب المساعدة والانسانية طبعا ده شئ جميل، لو مش قادرة خلاص، ولكن لا تنتظري او تتوقعي من حد انه يعمل في المقابل حاجة. حاجة كمان .. حاولي تحاوطي نفسك بأنشطة تسعدك وتغير فيكي بجد، انزلي تطوع، انزلي جيم، انزلي اتعلمي حاجة جديدة، اشتغلي .. هتلاقي ناس برده بتشاركك نفس هواياتك. مش لازم تفضلي في نفس دايرتك القديمة .. غيري الناس اتمنى ليكي التوفيق
تم النشر السبت، ٤ مارس ٢٠٢٣
روحي جيم عشان تجديد نشاط الفرح و اذا اتمشيتي كل يوم نص ساعه متواصله هتحسي بفرق و عيشي مع الاغاني او اي حاجه بتحبي تسمعيها المهم انتي لسا جميله و خليكي زي ما انتي متخليش حاجه تغيرك للاوحش
تم النشر الجمعة، ٣ مارس ٢٠٢٣
ادي الاحساس متمنعيهوش لانه طاقه عندك طبيعيه ولكن هنعمل حاجه زياده هنطلب من الي حولينا نفس الاهتمام حتى لو وصلت انك تقولي انا وقفت معاكي ف كذا وكذا وكذا انا محتاجه منك ده دلوقتي تسالي عني تسمعيني لان العلاقه بينا رايح جاي مش استقبال بس اديتك مشاعر واهتمام حلو جدا مدتش يبقا تبدأي تقنني مشاعرك اتجاهم وابداي اعملي حجات تانيه ف حياتك زي القرأه روايات وكتب وممكن كمان رياضه واعمال خيريه وتطوعيه انك تزوري دور ايتام ومسنين الناس هناك محتاجه اهتمامك ومشاعرك الغير مشروطه والفرق انك هتحسي براحه انك بتدي حاجه ومش منتظره المقابل منهم
تم النشر الجمعة، ٣ مارس ٢٠٢٣
بصي انا مقدرش اقلك تملي احساس الوحده ده ازاي عشان انا نفس الحوار بظبط و بكون دايما نفسي في حد جنبي بس دايما عملي الناس زي ما بتعملك و كمان ماتخفبش عليهم بزياده و متحسسهمش انك دايما موجوده عشان مش هيهتموا بزعلك
تم النشر الجمعة، ٣ مارس ٢٠٢٣
للاسف الشديد حياتي جزء كبير منها نفس المشكلة ، هو انا هقولك على حل انا نفسي هبدأ احاول في ، الرياضة ، حاولي تنزلي تتمرني رياضة بتحبيها (تنس ، سلة ...إلخ) و ساعتها ممكن تقابلي ناس بيشاركوكي اهتماماتك دي
تم النشر الأربعاء، ٨ مارس ٢٠٢٣
لعرض السؤال في فدني اضغط هنا