السلام عليكم ورحمه الله وبركاته
ايه الاسباب الي ممكن تخلي انسان كان احسن خلق الله والكل يشهد بتفوقه وقربه من الله وكل حاجه كويسه فيه ويحصلو صدمات تؤدى الي انعدام الثقه وانتهاء الشغف والبعد عن الله وعن البشر وكره الناس له فجأه ؟ يعنى نعالج ايه ولا ايه بالظبط وازاى نرجع نفسنا زى الاول واهم حاجه الشغف لانو بجد مات
اولا لازم تقرب من ربك ....وأخرج برا البيت اتمشي وانزل صلي في الجامع و روح العب رياضة و تفاعل مع صحابك في الدروس واول ما تلقي نفسك ومع مرور الوقت زود جنب الصلاة مرة قرأت القران مرة الازكار...مرة مع مرة قلبك هيتقبل الصلاة و القران ولازم تخرج يوميا متقولش أنا مش عارف اروح فين اتمشي ....حاول تصاحب ناس جديدة .....متزعلش لو حسيت بأن اللي عملته غلط و الناس بصتلي لا....أنا عايزك تلغي الاحراج من قاموسك ...اقعد مثل انك شخصيتك قوية لحد ما عقلك يقتنع ...خليك عارف ان في حرام وحلال ...مش صح وغلط ..متسكتش لم حد يهينك أو يضايقك رد من اول مرة ....نظافتك الشخصية متنسهاش ..خلي عندك حدود لو حد جه عنده يبقي متسكتلوش و تقوم تاخد حقك ..لو مش بتعرف تدافع عن نفسك اتعلم و اتعلم بشكل عام....خليك واقعي واهم حاجة الصبر والاستمرارية كل ده هيخليك جامد وبرفكتوا بس لو صبرت و استمرات
تم النشر الثلاثاء، ٣ أكتوبر ٢٠٢٣
وعليكم السلام ورحمة الله وبركاته السبب ابتلاء ...وده طبيعى ...اى حاجة بيضمنها الانسان اوى بيبتليه ربنا فيها عشان يختبره او يفكره بانه ضعيف ومهما كان هو محتاج ربنا . العلاج بيبدأ بتقبل الابتلاء وتجديد الصله بالله الاعتراف بالضعف نعمل ريستارت ونراجع مبادئنا وهدفنا والاشخاص االلى حوالينا مناسبين ليهم ولا لا . ونتوكل على الله ونعبده فى كل حركة و كل خطوة ....لان ده سبب وجودنا فى الاساس
تم النشر الاثنين، ٢ أكتوبر ٢٠٢٣
السلام عليكم ورحمة الله وبركاته شكرا لحضرتك ع المشاركة طبيعة البني آدم الخطأ قال الرسول صلى الله عليه وسلم "كل بني آدم خطاء وخير الخطائين التوابون " الخطأ هنا ممكن يكون ذنب اورد فعل علي صدمة بأسلوب غير متوقع من الشخص هوا نفسه ميسامحش نفسه عليه فيكّون عنده احساس بالذنب يخليه تدريجيا يبعد عن نفسه وعن ماكان يحققه من قبل اول حاجة ممكن تساعدك التقبل انك تتقبل انك بشر تصيب وتخطئ ونتعلم من الخطأ بقدر الامكان بدون احساس بالذنب واكبر دليل عملي قدامنا الطفل الصغير عند محاولاته المستميته للوقوف والمشي مع مايلاقيه من الم ووقعات وخبطات كل ده مش بيوقفه عن المحاوله تاني حاجة دورك فالحياة بتاعتك ايه ؟ بتقوم بيه؟ بتحاول تطوره؟ ايه احسن نتيجة ترضيني فيه؟ ثالث امر هل وجدت معني لحياتك ؟ المعني ده يوافق قيمك؟
تم النشر الثلاثاء، ٣ أكتوبر ٢٠٢٣
الاسباب لديك! محتاجين نعرف ده بدا معاك من امتى بالظبط؟ وايه اللي حصل علشان توصل للمرحلة ديه؟ هل فيه احداث او تغييرات جديدة او مشاكل معينه ادت للحال ده؟
تم النشر الاثنين، ٢ أكتوبر ٢٠٢٣
طريق نجاحك كان صلاتك وقربك لربنا لازم لازم ترجعي تصلي تاني الدعاء ادعي كتير اوي طريق ربنا والنجاح مش سهل ده رزق من ربنا فحاولي ترجعي تقربي تاني وربنا هيعينك وحاول تغيري يومك اعملي حاجه جديده زي انك اخرجي او لو بتذكري جربي تذكري في نادي او كافيه حاول تبسطي نفسك حاولي تختار ناس حوليكي عندهم طاقه ايجابيه بلاش تصاحبي ناس عندهم طاقه سلبيه اشتركي في نادي واخرجي او روحي اقعدي علي النيل وهاطي كتاب مفيده واقرئي ابعدي عن الناس المحبطه لان والله دي اكتر سبب لكل ده وحاولي تغيري اسلوب حياتك وده يرجع انك مش حطه لنفسك هدف عايزه توصلي لي ايه فزهقتي حطي هدف قدامك وتوكلي واول حاجه القرب من ربنا تاني لان ده او طريق لنجاح وترجعي افضل
تم النشر الأربعاء، ٤ أكتوبر ٢٠٢٣
لعرض السؤال في فدني اضغط هنا