عندي مشكله كبيره وهي أني دايما مكسل و عندي فقدان للشغف جامد
فقدان الشغف مش حاجه مهمه اوي تننا نركز معاها .. عادي يبقى ملناش نفس نعمل اي حاجه ف يومنا ونبقى عايزين نقضي اليوم ف السرير .. الشغف ممكن يحركنا يوم او اتنين يمكن شهر .. لكن مش مستمر معانا ومش كلنا زي بعض ف النقطة دي .. اللي بيحركنا الالتزام والمسؤولية .. ودي شويه نصايح تساعدك تتغلب على الكسل .. 1- نحاول نكشف ونعمل تحاليل لو الموضوع مستمر ومش بنبقى قادرين فعلا اننا نتحرك ونعمل حاجه .. نتطمن اننا كويسين او لو في مشكلة نعالجها. 2- اتطمنا وكله تمام؟ .. نحدد لنفسنا حاجات نعملها الزامية كل يوم حتى لو نص ساعة رياضة مثلا. 3- كل اسبوع نزود مهمه جديده نعملها زي اننا نتعلم حاجه جديده او نشتغل وهكذا. 4- كل اسبوع ندي مكافأة لنفسنا حتى لو هتشتري لبان .. اي حاجه بتحبها المهم متبقاش المكافأة اننا هنأنتخ يوم ولا ناخد اجازة من حاجه الزامية ورانا. 5- لو قدرنا يبقى في ناس قريبه مننا تشجعنا ونستمد منها طاقة ودعم حتى لو بنعمل حاجه بسيطه مش على قدر كبير اووي من الاهمية بالنسبة للشخص ده. 6- لعب الرياضة والدش بتاع الصبح بيفوقوا وبيجروا الدورة الدموية ف الجسم وهيفيدونا ف اننا منرجعش للسرير تاني. 7- اي نشاط مهما كان مينفعش ابدا ابدا ابدا يكون على السرير.. ويفضل ان منبقاش ف الاوضة اصلا واي حاجه نعملها بره الاوضه عشان منكسلش ونلاقي السرير واخدنا بالحضن 😂. 8- منتضايقش من نفسنا ولا نفقد الامل لما نلاقي نفسنا كسلنا يوم ولا طنشنا الحاجات اللي ورانا .. ده طبيعي جداً خصوصاً ف الاول .. المهم اليوم ميجبش اللي بعده واللي بعده .. بوظنا يوم؟ مش مشكلة نبدأ تاني يوم.
تم النشر الأربعاء، ١٤ ديسمبر ٢٠٢٢
اهلا ومرحبا بك. ممكن تقولي يعني ايه الشغف! هل قصدك أنك تكون متحمس وعند قابلية جامدة بقى وكده أنك تبدأ في الشئ ده! للاسف موضوع الشغف ده بقى منتشر جدا ف إن كل الناس بتقوله، ولكن للاسف برده احنا مش فاهمينه صح. الشغف ما هو أنه يديك الدافعة الاولى للشيء اللي حابب تبدأ فيه. الحافزية بمعنى اوضح، ولكن مش دوره ف أنه يخليك تكمل، ولا أنك تكون مبسوط كل يوم، أو أنك في أبهى صورة كل يوم. لأ، الموضوع مش بيمشي كده، لأن مستحيل الإنسان يبقى يبقى عنده حافزية طول الوقت، مش معقول يبقى عنده دافعية، ومتحمس طول الوقت. ده مش ممكن ابدا، لأن مش ديه الطبيعة، الانسان عنده مشاعر كتير ممكن تكون على مدار اليوم متنوعة. فرحان، غضبان، حالة عادية، حزين. الإنسان ليس على وتيرة واحدة. وعلشان كده محدش بيبقى هيموت من الفرح أو متحمس اوي وهو صاحي من عز نومه والدنيا برد علشان يقوم يذاكر، هو صاحي علشان عنده هدف، عايز يوصله. الهدف هو اللي المفروض تركز عليه علشان توصل ل اللي انت عاوزه، مش الشغف. لازم تحدد أهدافك كويس .. لو فيه هدف وانت عندك إصرار وعزيمة فيه، يبقى سهل أنك تتغلب وقتها على كسلك. اتمنى ليكي كل التوفيق
تم النشر الأربعاء، ١٤ ديسمبر ٢٠٢٢
زي ما قرأت في الإجابات السابقه.. الشغف (١٠%) من نجاحنا والباقي في اصرارك، التزامك، احترام طاقتك وتوزيعها صح، احترام ظروفك، هدفك ونيتك، استعانتك بربنا، احترام مشاعرك، تقدير مجهوداتك. تقبل إنك ساعات مش قادر بس واجه نفسك وحاول دايما تعبر بورقه وقلم أو فويسات لنفسك أو صديق أو رياضه أي نشاط تفرغ فيه مشاعرك وترجع تكمل من تآني.. ودايما استعيذ من الكسل والحزن وسوء النفس واستعين بربنا.. اتمنالك كل التوفيق والنجاح والرضا🌻
تم النشر الأحد، ١٢ فبراير ٢٠٢٣
ولما بتكسل ...بتعمل ايه وانت صاحى او طول اليوم عموما؟
تم النشر الأحد، ١٢ فبراير ٢٠٢٣
اعمل حاجات بتحبها و حاول تلتزم في الصلاه لأنها بتعيد الشغف فعلًا و بتدي الانسان طاقة
تم النشر الأربعاء، ١٤ ديسمبر ٢٠٢٢
ده ممكن يكون بسبب انك بتجرب حاجات م جديده جرب تعمل حاجات جديده و تغير ف روتين يومك فقدان الشغف ممكن يجيلك يومين بس متديهوش الفرصه انه يبهدلك
تم النشر الجمعة، ٢٠ يناير ٢٠٢٣
لعرض السؤال في فدني اضغط هنا