السلام عليكم ورحمه الله وبركاته
انا مطلقه رفعت قضيه على طليقي انا قعدت اربع شهور بس هو اتجوز على العفش بتاعي وجايبين لي عفش قديم وانا رحت التسليم كذا مره ورفضت لانه قديم فالمحامي دلوقتي يساويني بالنسبه للعفش والنفقات انا جايبه عفش كتير جدا هو اتجوز عليه فانا رفضت استلم العفش ده وطلبت بداله ان هو يدفع حق العفش هم رافضين هو عليه أحكام بس مش بتنفيذ فانا مش عارفه اعمل ايه حد يفيدني
الحقيقة مش قُدامك حل غير إنك تغيري المحامي ده. الله أعلم هو متفق معه من وراكِ ولا لأ بما إنك بتقولي في أحد التعليقات إن حتى في النقطة بيبلغوه وقت حملة تنفيذ الأحكام. مش حابة أقولك تابعي حياتك وانجحي ومتفضليش غرقانة في مشاكل الماضي واتركيه لربنا هو يحاسبه على ظلمه، لأن في النهاية برضه ده مالك ومال أهلك. بس فعلا غيري المحامي لأنه غير أمين على موكلته ويا إما متفق معه يا إما عاوز يريح دماغه من وش القضية ويخلص. ونصيحة بجد أهم من المحامي والمحاكم وكل ده، الزمي قول (حسبي الله ونعم الوكيل) ردديها كتير يوميًا من قلبك وبيقين إن ربنا وكيلك وهيجيب لك حقك، وتأكدي إن ربنا مش بيترك ظلم حد، لو اقتص منه في الدنيا هيكون أرحم من لو أجل عقابه للآخرة. ربنا معك.
تم النشر الثلاثاء، ١ أكتوبر ٢٠٢٤
وعليكم السلام ورحمة الله وبركاته، أختي الكريمة. أتفهم مشاعرك وصعوباتك في هذه الوضعية. من المهم أن تعلمي أن حقوقك تستحق أن تُدافع عنها، ولا ينبغي أن تقبلي بجودة أدنى مما تستحقين. إليك بعض الخطوات التي يمكنك اتخاذها: التواصل مع المحامي : حاولي مناقشة الوضع مع محاميك وأقترحي عليه اتخاذ خطوات قانونية إضافية، مثل تقديم طلب إلى المحكمة لتنفيذ الأحكام الصادرة ضده، خاصة إذا كانت هناك أحكام غير مُنفذة. جمع الأدلة : تأكدي من جمع كل الوثائق والأدلة التي تدعم موقفك، مثل فواتير العفش الذي اشتريته، وأي صور تثبت حالته ومقارنة مع ما تم تقديمه لك. استشارة محامي آخر : إذا شعرت بعدم الراحة مع مشورة المحامي الحالي، يمكنك استشارة محامي آخر للحصول على رأي مختلف حول موقفك وحقوقك. طلب تدخل الجهات المختصة : إذا استمر الوضع، يمكنك التفكير في طلب مساعدة من مركز حقوق المرأة أو جمعية قانونية تتعامل مع قضايا الأسرة. تحلي بالصبر : هذه القضايا قد تأخذ وقتاً، لكن عليك أن تظلي قوية وثابتة على حقك. أسأل الله أن يفرج همك ويعينك على تجاوز هذه المحنة بالحق. لا تترددي في البحث عن الدعم من الأهل والأصدقاء خلال هذه الفترة.
تم النشر الاثنين، ٣٠ سبتمبر ٢٠٢٤
وعليكم السلام الموضوع ده بسبب الرشاوى بصراحه تنفيذ الاحكام عشان تنجزيه بيفرق انك تتابعى مع بتوع التنفيذ
تم النشر الأربعاء، ٢ أكتوبر ٢٠٢٤
اه
تم النشر الاثنين، ٣٠ سبتمبر ٢٠٢٤
السلام عليكم شكرا لحضرتك المحترم انا المحامي بتاعي هو اللي عايزني اقبل ا التفاوض ورافض ان هو يروح معايا ان انا امشي في اجراءات ان هو يتقبض عليه عشان اخذ حقي يقول لي ما ليش ان انا اروح معاكي اسمه او اي حاجه حتى اما رحت في ارض العفش وهو ما جاش معايا وبيصورني يقول لي خد العفش قصاد النفايات ان هو يعمل معايا اي اجراء قانوني عشان يتقبض عليه ولما قلت اسحب القضيه قالوا لي ما ينفعش عشان هيبوظ القضيه خالص
تم النشر الاثنين، ٣٠ سبتمبر ٢٠٢٤
حضرتك اوعي تسلمي حاجه خلاف اللي انتي جربتها..والمحامي اللي معاكي ده اسف في الكلام بيستهبل..انتي ليكي حق قانونا اوعي تضيعه
تم النشر الاثنين، ٣٠ سبتمبر ٢٠٢٤
حرام عليه طبعا حاجتك اللي جايباها من مالك مش من حقه ياخدها حاولي تشوفي حد من اهله يحل المشكلة لان المحاكم حبالها طويلة
تم النشر الاثنين، ٣٠ سبتمبر ٢٠٢٤
هو كده اخذ العفش بتاعك اتجوز عليه يعني اللي انت مجهزه بيه بفلوسك
تم النشر الاثنين، ٣٠ سبتمبر ٢٠٢٤
انا مقومه محامي فالمحامي اللي انا مقوماه عايز يخلص من القضيه عايزني استلم العفش البايظ كله عشان يخلص نفسه
تم النشر الاثنين، ٣٠ سبتمبر ٢٠٢٤
إذا الموضوع في ايدك..وكلي محامي محترم وحيرفع قضيه وحيرجع كل اللي موجود في القائمه غصب عنه ولو فيها اي خدش ممكن متستلمهاش كمان..يوصلها لحد العنوان اللي مكتوب توصلين لحد عندك
تم النشر الاثنين، ٣٠ سبتمبر ٢٠٢٤
ايوه في ايوه ماضي عليها طليقي
تم النشر الاثنين، ٣٠ سبتمبر ٢٠٢٤
حضرتك هل هناك وجود ورقه رسمي والتي تسمي بالقائمه العفش موقع عليها من طرفه أو هناك ايصال امانه عليه...إذا لم يكن ذلك موجود للاسف عليكي أن تتقبلي م هو متاح لكي لان للاسف لا يوجد م يثبت حقك
تم النشر الاثنين، ٣٠ سبتمبر ٢٠٢٤
المحامي بيقول لي ما ينفعش هو يقوم بالاجراء وبيقولوا لي روحي قدمي الاحكام عشان يتقبض عليه وينفذ بس المشكله عند التنفيذ بيجيب لي حاجات بايظه و المحامي عايزني استلمها وانا مش معايا امكانيه ان انا اولي محامي تاني فلو حد عنده حل بدون او محامي ثاني يفيدني يا ريت لو في اجراء ممكن اخده انا بدون المحامي
تم النشر الاثنين، ٣٠ سبتمبر ٢٠٢٤
لاء ينفع .. روحي اعمل استشارة عند محامي تاني و ياريت يكون واحد معروف عنه انه بيكسب النوع ده من القضايا ، تدفعي طبعا بس مش كتير و هتحكي له كل اللي حصل و شوفي هل فيه امكانيه ان يدخل بدل المحامي بتاعك ولا لاء .. لاحظي ان الدكاترة و المحامين بيشتغلوا جهل الناس بالتخصص بالعم و أحيانا بيطلع منهم حاجات مش مظبوطة ، بس ده مش حاجه بتحصل دايما الخصوبة الصح نستشير طرف تالت مالوش اي مصلحة و يعرفنا الإجراءات و ايه المطلوب و لو ينفع هو هيخليكي تغيري المحامي او فيه طلب بتقدم للمحكمة بتغيير المحامي الخاص بيكي ، الحكم طالما طلع لصالحك يبقي المحامي بتاعك موقفه مريب .. كل حاجه هيقوبهابك المحامي هتبقي منطقية لإنه بيتكلم لغة انتي و انا مش بتكلمها لغة القانون ، و الحكمة بتقول لا يفل الحديد الا الحديد .
تم النشر الاثنين، ٣٠ سبتمبر ٢٠٢٤
محتاجة متخصص قانوني محامي علشان يدرس الحالة بتاعتك و الإجراءات اللي حصلت معاكي و اللي مشيتي عليها .. و علشان تضمني الحصول علي كافة حقوقك .. و دي الطريقة الأسرع و تفادي تمامآ اي مقابلة مع محامي الخصم نهائي و اوعي توقعي اي اتفاق او تنازل معاه بدون حضور محامي خاص بيكي ..
تم النشر الاثنين، ٣٠ سبتمبر ٢٠٢٤
لعرض السؤال في فدني اضغط هنا