ينفع ارجع الماضي ولا لا
انا واحده كانت دائما تنصح اللي حوليها إن الحب من ورا الأهل حرام وبعيد عن أنه حرام أنه مش يدوم وكنت دائما ثابته علي قراري ده بس في فتره مش قريبه لقيت شخص بعتلي وانا كنت اول مره أقبل أني اكلم شخص غريب بس انا الفتره دي كنت محتاجه حد اتكلم معاه بعيدا عن اهلي فمره وره مره بقيت اتكلم معاه ويوم ورا يوم اتعلقت بيه ولدرجه اني اتعلقت بيه كنت بسمع كلامه في كل حاجه علشان مش يبعد عني حرفيا كل حاجه كنت مغمضه عيوني وبسكت عقلي لما يفضل يقولي غلط ودلوقتي انا مش عايزه كده وتعبت حاسه نفسي متقسمه نصين بس انا مش عايزه اعمل كده تاني
ربنا سبحانه وتعالى قال فى كتابه الكريم ( وَلَا جُنَاحَ عَلَيْكُمْ فِيمَا عَرَّضْتُم بِهِ مِنْ خِطْبَةِ النِّسَاءِ أَوْ أَكْنَنتُمْ فِي أَنفُسِكُمْ ۚ عَلِمَ اللَّهُ أَنَّكُمْ سَتَذْكُرُونَهُنَّ وَلَٰكِن لَّا تُوَاعِدُوهُنَّ سِرًّا إِلَّا أَن تَقُولُوا قَوْلًا مَّعْرُوفًا ۚ وَلَا تَعْزِمُوا عُقْدَةَ النِّكَاحِ حَتَّىٰ يَبْلُغَ الْكِتَابُ أَجَلَهُ ۚ وَاعْلَمُوا أَنَّ اللَّهَ يَعْلَمُ مَا فِي أَنفُسِكُمْ فَاحْذَرُوهُ ۚ وَاعْلَمُوا أَنَّ اللَّهَ غَفُورٌ حَلِيمٌ) ولكن لا تواعدوهن سرا ده طبعا حرام لأنك فعلا هتتعلقى بيه ومن الممكن أنه ما يبقاش زوجك اصلا انا عارف ان الواحد بيمر بلحظات ضعف وبيحتاج حد يطبطب عليه ويفضص معاه بس خليني أقولك هو لو بيحبك بجد هيخطبك فى الحلال (واتوا البيوت من أبوابها) متيأسيش وحاولى تبعدي عنه وقربي أكثر من ربنا وصدقينى ربنا هيبعت لك ابن الأصول اللى يحبك ويصونك بجد 🤎🌸 بتمنى لك كل الخير والسعادة والهنا والتوفيق فى حياتك كلها 🌹🌹
تم النشر الجمعة، ٣١ يناير ٢٠٢٥
،، أولا أنا مقدر الظروف اللي بتمري بيها وعادي طبيعي في المرحلة دي تشعري بالإنجذاب للجنس الآخر الشباب يعني، تخيلي معايا موقف ممكن يكون عد عليكي قبل كدا صحابك البنات من سنتين أو تلات سنين كانوا بياعيروا الولاد والبنات أحسن من الصبيان وهم برده- الولاد- يعملوا العكس برده😁 طيب دلوقتي لا 😄 دلوقتي احنا بنمر بمرحلة تحول وهي فترة المراهقة طيب يعني ايه برده يعني بداية مرحلة البلوغ سواء عقليا أو جسديا لدى الجنسين ومع تتابع افراز الهرمونات عند الإثنين فتلاقي الانجذاب ابتدى يحصل تغيرات فدا من الطبيعي خالص،طيب اعمل ايه أنا خلاص بودع مرحلة الطفولة وببتدي أفكر لمستقبلي كلنا هنتجوز ودا برده بيكون من التخطيط للمستقبل بتاعي بس مينفعش لا حب دلوقتي ولا جواز دلوقتي لازم أشوف الأول دراستي وكل ما أكبر كل ما يزداد الوعي بتاعي وأعرف اختار شريك الحياة المناسب بإذن الله . اتمنى يكون كلامي فرق في حاجة 😸
تم النشر السبت، ١ فبراير ٢٠٢٥
عزيزتي، أشعر بحيرتك ومعاناتك، وأقدر صدق مشاعرك. من الطبيعي أن تشعري بالتعلق تجاه الشخص الذي تتحدثين معه، خاصةً عندما تضعي نفسك في موقفٍ تحتاجين فيه للدعم. لكن الحب الذي يأتي من خارج إطار الأهل أو العلاقات الصحيحة قد يؤدي إلى مشاعر متضاربة ويضعك في وضع صعب. من المهم أن تدركي أن التواصل مع الشخصيات الغريبة يمكن أن يجلب بعض المنافع، ولكنه في ذات الوقت يحمل مخاطر وسلبيات. إذا كنت تشعرين بأنك تعيشين حالة من الانقسام الداخلي، فالأفضل أن تأخذي خطوة للوراء وتعيدي تقييم مشاعرك وعلاقاتك. الأفضل أن تتحدثي مع شخص موثوق فيه مثل صديقة أو أحد أفراد عائلتك عن ما تشعرين به. التأمل في ما تحبينه في نفسك وكيف ترغبين في أن تكون علاقتك في المستقبل يمكن أن يساعدك أيضاً في اتخاذ الخطوات المناسبة. لا تترددي في وضع حدود لنفسك في ما يتعلق بعلاقاتك الحالية، وكوني صادقة مع نفسك بما تريدي تحقيقه. الله يعينك على اتخاذ القرار الصحيح.
تم النشر الجمعة، ٣١ يناير ٢٠٢٥
اسألي الشخص ده لو بيحبك بجد هيجي البيت و هيتقدم ليكي لو قال لا اعرفي انه مش بيحبك و ابعدي عنه لانك اكيد مش هتقبلي علي نفسك انك تكوني في علاقه مخفيه و بتستهلك من طاقتك من دون فايده في النهايه
تم النشر الجمعة، ٣١ يناير ٢٠٢٥
طالما عاوز حاجه غلط يبقي هياذيكي نفسيا ابعدي بسرعه عشان والله هتندمي اشد ندم ومش هتعرفي تخرجي من التعب النفسي اثبتي علي شخصيتك القديمه افضل واجمل وربما غفور رحيم
تم النشر الاثنين، ٣ فبراير ٢٠٢٥
لا للأسف هذا هو الواقع أما ان تتقبله وأما ان تبقى مصدوم بلا فائدة
تم النشر الجمعة، ٣١ يناير ٢٠٢٥
لعرض السؤال في فدني اضغط هنا