دلوقتي ليا صحبتي من حوالي ١٣ سنه جت من حوالي ٥ شهور كده قلبت وشها عليا وبعد كده عرفت انها فمشاكل عندها حاولت اني اروح البيت ليها واجبلها حاجه بتحبها تهون عليها كلمتني باسلوب ناشف اوي ومهتمتش كبرت دماغي وقلت عادي ربنا يعينها
بعديها اكلمها واتس ترد وشويه متردش ولو ردت ترد تقول انا مخنوقه و مش عايزه اتكلم ولو سألتها في ايه تقولي انتي بتضغطيني وما الي ذلك كبرت دماغي بس بقيت من كل فتره وشويه اطمن عليها شويه بقي ترد وشويه متردش ارن عليها فون متردش عليا طب تعالي نخرج تقولي لا مع ان بلاقيها منزله صور انها خرجت مع ناس تانيه اقول عادي يمكن انا مش الشخص المثالي اللي تحكي له من وجهه نظرها.
ويوم ارحلها البيت تتعامل معايا حلو وتاني يوم متعبرنيش ومهما سألتها مالك مترضاش تقولي جه بعد كده كتب كتاب اخوها عزمتني قلت ماشي كانت مطنشاني جدا قلت عادي اخوها بيتجوز وهي متاثره و كده جه بعد كتب كتاب عايزين يابنتي نخرج لا مش فاضيه شهر بتحايل عليها اشوفها او حتي ننزل اساعدها تقولي لا مش فاضيه قلت تمام.
جه فالفرح سلمت عليا زي زي المعازيم وقفت اسقف لقيتها واقفه بعيد جنب اخوها قلت عادي اخوها ومشغوله أفاجئ بإيه بقي ان لها واحده صحبتها تانيه واقفه بترقص جنبها و صحبتها دي مش من نفس مدينه بتاعتنا يعني البنت دي جت قعدت معاها وباتت كمان الله واعلم وواقفين بيرقصوا مع بعض اللي هو عندك طاقه لكل الناس وانا لا.
اضايقت جدا جيت امشي من الفرح لقيتها مدياني ضهرها اتكسفت و مشيت.
سؤال هنا دلوقتي عيد ميلادها قرب و انا قبل كل عيد ميلاد كنت بجبلها هديه و صور و كده انا بجد مش عارفه ابعت لها رساله ولا انزل صور وخلاص ولا ايه كذا حد من دايره معرفي قالي متعمليش حاجه للعلم سالتها كذا مره انتي يابنتي مضايقه مني فحاجه وكل مره كانت بتقولي لا
من ١٣سنه واتغيرت كدا اعرفي انها ماكنتش صديقه ليكي من الاول كانت صديقه مصلحه او لان مافيش غيرك فهي مضطره مش اكتر ولما لقت البديل سابتك لانك في الاول ماكنتش صاحبتها بالاضافه ان هي شايفه ان انتي معتبراها صحبتك ومش هاتقدري تستغني عنها وضامنه وجودك لان بالرغم من معاملتها ليكي اكتر من مره باسلوب وطريقه مش كويسه ولا حتي عملت اعتبار انكم المفروض اصحاب وكدا الا انها بتلاقيكي بتكلميها وتتحايلي عليها تخرجي وتروحلها البيت ومش معني ان حد عنده مشاكل او بيمر بظروف صعبه إنه يتعامل مع الناس باسلوب غير لائق وانتي ذكرتي كذا موقف يدل انها مابقتش عايزاكي في حياتها وهي حره طبعا وانتي كمان حره لما تفضلي تكلميها متردش تروحلها وتقابلك وحش وتستحملي بس نصيحه كرامتك فوق اي شيء العلاقات عباره عن معادله مدخلات ومخرجات طرفين بيتفاعلوا مع بعض بينتجوا علاقه سواء علاقه كويسه او مش كويسه لكن اللي انت بتحكيه دا علاقه من طرف واحد وموذيه بالنسبالك ولو انتي مش مدركه دلوقت هاتدركي دا بعدين بعد ما اذاها يزيد وبيان اكتر انصحك ابعدي عنها ونقي اصحابك كويس ومش اي حد تصاحبيه وتدخلي بيته او تدخليه بيتك اسفه للاطاله لكن دا رأي بناءاً عن تجربه شخصيه
تم النشر الخميس، ٣ أكتوبر ٢٠٢٤
اوعي تعبريها واعملي معاها زي ما بتعمل معاكي ويوم عيد ميلادها اتصوري مع اي واحده صاحبتي ثانيه و اعملو مثلا علامه قلب ونزليها عندك ولما تكلمك طنشيها و اوعي تجيبلها هديه و ان سلمت عليكي في مكان عام مترديش عليها و بس ربنا يوفقك وتلاقي اللي احسن منها🤲
تم النشر الجمعة، ٤ أكتوبر ٢٠٢٤
رأيي إن كفاية عليها كده. عملتِ اللي عليكِ وأعذرتِ. العلاقة المتعبة والتصرفات المتقلبة وعدم الصراحة والمعاملة دي انتي في غنى عنها. الشخص اللي ميقدرنيش أنا في غنى عنه وأستحق حد يقدرني فعلا ويبقى باقي على صداقتي وهي لو باقية على صداقتك مكنتش تصرفت كده. فأنتِ خلاص عملتِ اللي عليكِ، ركزي بقى مع حياتي واخرجي برا دايرتها واقطعي تعلقكِ بها. هتقولي بحبها وصداقة 13 سنة، هقولك هي مقدرتش حبك ولا سنين صداقتكم. ولو هي بدأت تتغير لأن مثلا حد وقع بينكم أو نقل لها كلام غلط على لسانك فكان أولى بها لو باقية على صداقتك وواثقة فيكِ إنها كانت سألتك أو صارحتكِ باللي مزعلها منك. لو عاوزة تكتب لها رسالة يوم عيد ميلادها كآخر حاجة وبعدها تقطعي معها خالص تمام، لو مش عاوزة تبعتي أي حاجة فيبقى أفضل. لو هي بقى بعتت تسألك ليه اختفيتِ وليه اتغيرتِ، ابقي قولي لها اسألي نفسك انتي عارفة الإجابة كويس.
تم النشر الخميس، ٣ أكتوبر ٢٠٢٤
السلام عليكم شوفي اختي انت عملتي الي عليكِ وزيادة ، حسب رأيي اتركيها لانها هاي العلاقة اسمها علاقة سامّة، شخص الي بيطنشني وما بيعملي قيمة لي انا اضل وراه؟ تمام بتفهمك انو في سنين عشرة ومش سهلة، بس مادامها سهلة عليها اكيد لازم تبعدي، بنظري كمان انت شوفي صديقة ثانية او مش بالضرورة صديقة شوفي حياتك، املأي فراغك، ابعدي شوي عن السوشال ميدا لحتى تنظمي افكارك، يمكن مع الوقت صارت تشوف انك ما بتشبهيها ولاقت شخص بشبهها اكثر، هاد اشي طبيعي وما بقول معها حق بالعكس العتب هون عليها، في اكرام الضيف يختي على الاقل... ما تتناقشي معها وعامليها زيها زي اي زميلة ثانية، وهاي هي وجهة نظري✋🏻
تم النشر الخميس، ٣ أكتوبر ٢٠٢٤
أختي العزيزة، من الواضح أنك تواجهين موقفًا صعبًا ومؤلمًا بسبب تغير سلوك صديقتك تجاهك. من المهم أن تفهمي أن العلاقات تتغير أحيانًا بسبب ظروف الحياة، ويمكن أن تؤثر الضغوطات على سلوك الأفراد. إليك بعض النقاط المتضمنة التي يمكنك التفكير فيها: التواصل الصريح: إذا كان لديك شعور قوي تجاه هذه الصداقة، يمكنك محاولة التحدث معها بصراحة عن مشاعرك. قد تحتاجين إلى خلق موقف مريح لها عن طريق دعوة للحديث بشكل خاص. احترام مساحتها: إذا كانت صديقتك تفضل أن تأخذ بعض الوقت لنفسها، يجب أن تحترمي رغبتها. لا تجعلي الأمر شخصيًا، فقد تكون مشغولة ببعض الأمور التي لا تعرفين عنها. عيد ميلادها: يمكنك أن تقرري إما إنها تبعثي لها رسالة بسيطة تعبرين فيها عن تمنياتك الطيبة في عيد ميلادها، أو ترك الأمر إذا شعرت أنك ستتعرضين للأذى من رد فعلها. فكر في ما يريحك في النهاية. العناية بنفسك: التفت إلى نفسك واهتمي بالأنشطة التي تسعدك. الصداقات لها دور مهم ولكن يجب ألا تجعلي مشاعرك تعتمد على شخص آخر. استشيري الآخرين: إذا شعرت بالارتباك، يمكنك التحدث مع أشخاص تثقين بهم للحصول على نصائحهم. في النهاية، المهم أن تكوني مرتاحة بتصرفاتك وأن تستخدمي أفضل ما في إمكاناتك للحفاظ على صحتك النفسية. أعانك الله على هذا الموقف وجعله خالصاً لوجهه الكريم.
تم النشر الخميس، ٣ أكتوبر ٢٠٢٤
انتي لسه بتسألي بجد ؟! ابعدي عنها اعتبريها مابقتش صاحبتك ولا عيد ميلاد ولا غير عيد ميلاد ولا عيد ولا غير عيد امش احسن دلوقت بدل ما تمشي هي واكيد هي هاتمشي وانتي اللي هاتتوجعي هي لقت البديل ماتقبليش انك تكوني بديل تبقي لوحدك افضل بكتير انك تبقي بديل لحد او ان حد يعاملك بمزاجه يروح يرجع وانتي تبقي متعلقه كدا هي اما صاحبتك او مش صاحبتك دا رأي والقرار في الاول والاخر ليكي
تم النشر الخميس، ٣ أكتوبر ٢٠٢٤
العفو اتمنالك تلاقي صاحبه بجد مش اي كلام الصاحب نعمه ورزق من عند ربنا ربنا يرزقك الصحبه الصالحه 🤲
تم النشر الخميس، ٣ أكتوبر ٢٠٢٤
تسلمي شكرا جدا
تم النشر الخميس، ٣ أكتوبر ٢٠٢٤
طب و عيد ميلادها
تم النشر الخميس، ٣ أكتوبر ٢٠٢٤
لعرض السؤال في فدني اضغط هنا