السلام عليكم ورحمه الله وبركاته
أنا من مصر تحديدا الدقهليه في الصف الثالث الاعدادي الازهري بدأت أفكر في مستقبلي في كليه الحقوق نظرا لضعفي الكبير في اللغه الانجليزيه ، هل هذا اختيارا صواب أم لا وممكن نصيحه من الناس اللي جربت ؟؟ وشكرا مقدما
متحكمش علي نفسك ياحبيبي وانت لسه في أول عمرك وطالما عارف انك ضعيف في حاجة تقدر تقويها بدري بدري خد كورسات لغة واتعلم وطور من نفسك لكن متظلمش نفسك بالحكم وانت لسه الوقت طويل قدامك وخليك متفائل وخلي املك بالله كبير
تم النشر الجمعة، ٢ ديسمبر ٢٠٢٢
طب ليه كدا يا بابا انت لسه فى بداية الامر ليه تخلى هدفك حقوق. انا مش بقلل منها بس انت عارف مصر ومجتمعنا ونظرته لى حقوق وتجاره والكليات دى ايه بالظبط. انا كلية تجارة وحرفيا نفسيتى بتبوظ يوم عن التانى بسبب تقليل الناس من الكليه مع ان والله ما سهله واصعب من كليات كتير كمان نصيحة من اختك متغلطش غلطتى وتسيب نفسك فى اللغه كدا انت لسه فى البداية تقدر تسعى وتقوى نفسك فيها دور على مدرسين كويسين يحببوك فى الماده مش اللى يكرهك فيها حتى لو اونلاين لكن بالله الا اللغه بلاش تعملها انت تقدر تساعد نفسك بنفسك وتشد حيلك واسعى وربنا معاك وعايزه اقولك ان حتى فى تجاره وحقوق هتلاقى لغة انجلش ومش سهله والله وهتتعب فيها لو ركنت اللغه زيى كدا دى نصيحه من اختك الكبيره
تم النشر الجمعة، ٢ ديسمبر ٢٠٢٢
لو انت حابب الحقوق كمل فطريقك لو انت عاوز حاجه غيرها بس الانجليزي هو اللي مانعك فأنصحك تفكر تاني لأن دي حياتك.
تم النشر الاثنين، ٥ ديسمبر ٢٠٢٢
أهلا بك يا بني معانا أولا أحب أقول لك أن أنا كمان من مصر .. وأكيد انت تقصد كلية شريعة وقانون طالما أنت أزهري! نصيحة لا تحصر نفسك في خيار واحد من الآن وركز على التفوق في الثانوية وتحسين مستواك في اللغة الإنجليزية ولما توصل ٣ ثانوي إن شاء الله القرار هيبقى أوضح بكثير من دلوقتي
تم النشر الجمعة، ٢ ديسمبر ٢٠٢٢
استغل النت اللى انت فاتح منه دا فى كورسات وفيديوهات من اليوتيوب بتعلم من الصفر وبسيطة وسهلة جدا وان شاء الله ربنا يوفقك لو انتظمت فعلا
تم النشر السبت، ٣ ديسمبر ٢٠٢٢
حتى لو مستواك صفر بامكانك تحسنه فى ست شهورلو عندك ارادة
تم النشر السبت، ٣ ديسمبر ٢٠٢٢
بقولك ضعيف جدا فيها
تم النشر الجمعة، ٢ ديسمبر ٢٠٢٢
ماتقللش من نفسك من قبل حتي ماتدخل ثانوي و تشوف هتعمل ايه و تحدد قدراتك كده عادي انا كمان كنت وحشه فالانجليزي و جبت 48 من 50 بس عموما كليه الحقوق حلوه بس ماتفتكرش انها سهله و انك ارتحت لا اشتغل علي نفسك معاك وقت كبير
تم النشر الجمعة، ٢ ديسمبر ٢٠٢٢
لعرض السؤال في فدني اضغط هنا