السلام عليكم ورحمة الله وبركاته
لو سمحت عندى presentation في الكلية ، الحضور طلبة ودكتور المادة
ازاى اقدمة حلو خصوصا ان الواحد بتوتر بزيادة
وعليكم السلام ورحمة الله وبركاته ان شاءالله هتقدمه باحسن شكل وانت بدأت باول حاجة اهو ١. التحضير الجيد والاستعداد...متخليش حاجة فى الpresentation لاخر وقت ابدا ٢. تقسم العرض بالوقت ) مثلا كل slide هتتكلم فيها قد ايه بالدقيقة ٣. تحط بديل اخر للعرض ( يعنى لو هتشتغل باللابتوب ..تحضر بردوا فلاشه عليها كل الداتا - ولو النور قطع تبقي عندك استعداد تشرح من غير الوسائل الديجيتال) ٤. وانت واقف بتتكلم تقف فى زاويه مش فى نص مكان العرض ٥. وانت بتتكلم تعدى بعينك على الحضور كلهم بس بدون ما تنظر ليهم فى العين مباشرة ( ده هيبعدك عن انك تتوتر ) ٦. تحافظ على ابتسامتك ٧. تحضر معاك ميه لو اتوترت روح اشرب شوية ميه ...ده مش هيبين توترك وهيديك فرصه تستعيد تركيزك. يارب اكون افدتك بالاجابة واتمنالك كل التوفيق
تم النشر السبت، ٢٦ نوفمبر ٢٠٢٢
اعمل الحاجات اللي بتحسسك بالرضا الداخلي زي انك تسلم علي والدك ووالدتك الصبح وتصلي تقرا ورد قرآن تسلم علي صحابك تلبس لبس شيك تحط برفان وحاجاتك انت بقي لترضي بيها نفسك وحاول تقرأ اي حاجه الصبح اي حاجه لو قرآن مثلا او كتاب
تم النشر الاثنين، ٥ ديسمبر ٢٠٢٢
جهزي كويس وادربي بدل المره عشره ثقي في نفسك وفي قدراتك وبلاش تهتزي اعرض البرزنتيشن علي زمابلك وحد خبير بتثقي فيه وعدلي وطوري لحد ما تحسي انك واثقه من نفسك
تم النشر السبت، ٣ ديسمبر ٢٠٢٢
اعمل بروفة مع زمايلك قبل ما تعمل العرض أمام الدكتور
تم النشر السبت، ٢٦ نوفمبر ٢٠٢٢
التدريب مهم جدا خصوصا لو اكتر من مرة
تم النشر الأربعاء، ٣٠ نوفمبر ٢٠٢٢
رتب أفكارك كويس وبتنظيم واهم حاجة تعمل بروفه قبل ما تقدم قدام المرايا أو اهلك او صحابك في الأول هتكون متوتر بس أول ما تدخل في الموضوع هتهدي خالص وهتعدي وسمي الله كدا بالتوفيق
تم النشر الجمعة، ١٦ ديسمبر ٢٠٢٢
لعرض السؤال في فدني اضغط هنا