اوحش حاجه أن الإنسان بيتعامل مع ناس محبطه وكلامهم مؤذى جدا طول عمرى بحلم انى افتح قناه علي اليوتيوب وانجح فيها وفكرة المحتوى يكون زى محتوى ساره هانى لو تعرفوها كل يوم حرفيا بحاول اشتغل علي حجات بحبها بس محدش مؤمن بيا نهائى حتى اقرب الناس ليا وده شىء مدايقنى جدا ومشككنى ف نفسي ودايما بسأل نفسي هل أنا حد فعلا فاشل ومش هنجح ؟ وخايفه لما احقق الاحلام الي ف دماغى الناس الي عارفنى زمان أو الناس الي حواليا يتربقوا عليا وعلى الأمر واهدافى ويتريقوا عليا وانا بضعف جدا جدا قصاد كلام الناس لأن سعات كده بيجيلك كلام ف الصميم خصوصا لما تكون متعشم بكلام حلو يشجعك علي تحقيق أحلامك وانا بقيت حاسه انى فعلا فاشله وعمرى ما انجح
هي كلمة قالها زويل قبل كدا. الغرب بيشجعو الفاشل لحد ما ينجح وعندنا بنحبط الناجح لحد ما يفشل. بس عايز اقولك ع نقطتين. اول نقطه/ نجاحك لنفسك ، فمتركزيش غير مع النقد الايجابي، وابعدي عن الي بينتقدوكي بالسلب. ممكن تسمعيهم عادي بس متركزيش معاهم، حتي لو كانو اقرب الناس ليكي. تاني نقطه/ ، متتكلميش عن افكارك، لان الناس سهل تنتقد فكرة ع الورق، ظبطي امورك ونفذي وانجحي، الناس صعب تنتقد ناجح والي بينتقد ناجح، دا حاقد مش ناقد. وطبعا انا معرفش مين ساره الي بتتكلمي عنها، بس طالما هتعملي محتوي مفيد للناس اتوكلي ع الله. ولو شخص واحد بس استفاد منك دا سبب كافي انك تكملي الي بدأتيه.
تم النشر الجمعة، ٢٤ نوفمبر ٢٠٢٣
النجاح بيكون نجاح اعظم كلما كانت التحديات اصعب النجاح حتى لو كان هناك داعمين ومشجعين فبيكون هناك نوع اخر من التحديات التحديات تحتاج عزيمة متجددة وايمان بالحلم والهدف رغم التحديات وشكلها ونوعها . تحتاجين تشجعيا ابحثى عن من يؤمن بافكارك واستقى التشجيع منه ...ولا تنتظرى من اشخاص لن يؤمنوا الا بالناتج النهائى ...حتى ولو لم يؤمنوا ابدا ...يكفى ان نجاحك ينال وسام الاستمرار رغم كيد المحبطين . كل المميزين لقبوا بالمجانين ايام وسنين ...لستى وحدك ,,,عينك على هدفك ..لا تلتفتى للمشتتات فتغفلين اتجاهك
تم النشر الجمعة، ٢٤ نوفمبر ٢٠٢٣
الإنسان الي يستحق اللوم هو الإنسان الي قاعد مبيعملش اي حاجة في حياته ، ف طالما دماغك بتفكر وانتي بتحاولي تعملي حاجة ، ف ده شئ تستحق عليه التحية ... اما بالنسبة لحتت انك خايفة م الفشل ، م اي يعني !! م تفشلي ، هيحصل اي يعني هو انتي خسرانة حاجة ، و ايا كانت النتائج ف مفيش خسارة مع التجربة لان اكيد اكيد التجربة دي هتعلمك حاجات و تلفت انتباهك لحاجات تانية مكنتش واخد بالك منها و تفتحلك ابواب تانية ، ف الكسبان هو الي دايما بيفكر يعمل حاجة وبياخد خطوات فعلية ل ده، بالعكس الي ماشي مع الموجه و زي ما توديه
تم النشر الجمعة، ٢٤ نوفمبر ٢٠٢٣
الناس اختلفت علي الانبياء وعلي ربنا مش هتختلف علينا !!! وساعات بيبقي هجوم الشخص الاخر عدم معرفته الكامله عن حلمك او انتي عايزه تعملي ايه بالظبط . وخليكي مؤمنه ان احنا عايشين نجرب ونغلط ونتعلم ونجرب تاني وهكذا لحد اخر الدنيا هنفضل نجرب وما عليكي الا السعي ومتحمليش نفسك فوق طاقتك ف ضمان النتائج ولا في اراء الناس . عشان الناس والله مش بتجيب غير لورا بس .. هما الكتالوج بتاعهم كده ( الا من رحم ربي ) .
تم النشر السبت، ٢٥ نوفمبر ٢٠٢٣
لعرض السؤال في فدني اضغط هنا