السلام عليكم ورحمة الله وبركاته
اتمني تكونوا بخير هو ممكن ترشحولي كتب او قصص تكون هادفه يعني مضيعش الوقت وخلاص واكون شيقه كده بحيث اني مملش من اولها
كتب المذكرات والسير الذاتية مثل حياتي لأحمد أمين ولو عايزة قصة جميلة مش كتير يعرفوها اقرئي قصة الجزيرة الخضراء لمحمد عناني
تم النشر الأحد، ١٩ فبراير ٢٠٢٣
الخروج عن النص كتاب كويس جدا
تم النشر الاثنين، ٢٠ فبراير ٢٠٢٣
مكتبتي كلها كتب علم نفس و بيزنس ودينيه كان نفسي افيدك فحوار القصص بس هو أنا قرأت كذه حاجه لأحمد خالد توفيق بصرآحه أسلوبه ممتع جدا
تم النشر الأحد، ١٩ فبراير ٢٠٢٣
لو كتب و هتنزليها من الانترنت فيه موقع مكتبة نور فيها و فيه موقع عصير الكتب .. كتب pdf مناسبة الموبايلات الاندرويد و كتيرة قوي شوفي التخصص اللي عايزاه .. اما لو مفكرة ان الروايات و القصص لعب عيال و مش مفيدة تبقي غلطانة .. الهدف من اي قصة العبرة و لو القصص مضيعة للوقت مكنش رب العزة علمنا القصة في القرآن ، مع الفرق طبعا ان سرد ربنا ليس كسرد و اسلوب البشر حاشا لله .. و فيه فرق بين سرد الاحداث الحقيقية في قصة من كلام الله و بين سرد البشر لقصص خيالية . النقطة المهمة بقي ان في لذة في الروايات مش هتلاقيها في الكتب العلمية الا لو انت بتحبي القراءة و المطالعة فعلا ، انا مثلا بدأت بحاجات تناسبني كشاب زي سلاسل رجل المستحيل و ملف المستقبل .. و بعدين سلسلة كوكتيل و سلسلة فارس الأندلس الخ .. بعد كده غيرت الكاتب و بقيت اقرأ لدكتور احمد خالد توفيق قريت برضه سلاسل جميلة زي سلسلة ما وراء الطبيعة و سلاسل فانتازيا و سفاري بكلمك عن سلاسل كاملة مش مجرد قصة .. لو عايزة نصيحة او ترشيحات ممكن تقري مثل ايكاروس ، يوتوبيا ، الآن نفتح الصندوق ، و مؤلفات احمد خالد توفيق موجودة في كل مكان ، برده فيه كاتب اسمه احمد مراد مبحبوش بس لو انتي عايزة تعرفي ليه تقدري تقري اي عمل ليه زي موسم صيد الغزلان ، أيضا فيه روايات حلوة قوي جوها جو مغامرات و فانتازيا زي أرض زيكولا و أماريتا ، قواعد چارتين ، و دول ل عمرو عبد الحميد و فيه برضه ، فتاة الياقة الزرقاء ، و فيه تامر ابراهيم .. قريت له حاجات بس ممكن متبقاش مناسبة ليكي زي صانع الظلام .. منزل السيدة البدينة ، الليلة الثالثة و العشرون ، الذي لم يمت ، الذي فعلته ، و فيه رعب قاتم برضه و مقبض ل حسن الجندي .. زي إبتسم فأنت ميت في حضرة الجان ، الجزار .. و دي روايات متنفعش ليكي خالص اولا جوها كئيب مقبض جدا علي الشخص العادي .
تم النشر الأحد، ١٩ فبراير ٢٠٢٣
لعرض السؤال في فدني اضغط هنا