السلام عليك ورحمة الله وبركاته،
اعاني من مشكلة سلس البول الفضى بمعني إن عضلة المثانة بتكون عاجزة عن تفريغ البول بالكامل في المرحاض فبعد ما بخرج من المرحاض في حال عملت اي مجهود زي العطس او رفعة شيء ثقيل او الجلوس على الارض او السجود في الصلاة بينزل مني قطرات بول
وانا معنديش استعداد إني أروح لدكتور بصراحة لاني شخص خجول جدا ومش عارف اكلم اهلى في الموضوع ده ده غير إني عندي لدغة في 8 حروف إلي هم س، ج، ص، ع، خ، غ، ه يعني انا لو رحت لدكتور مش هيفهم انا بقول إيه ولازم حد من يروح معايا وده بيحرجني جدا ومحدش في البيت عارف إني مصاب بسلسل البول منذ فترة طويلة جدا تقريبي 6 سنين وانا حاليا عندي 17 سنة.
انا عايز اعرف علاج المرض ده سواء كانت سلوكيات معينة او تمارين او ادوية معينة.
كمان عايز اعرف نقطة تانية، هل ده بيأثر على الصلاة انا لحد فترة طويلة كنت بصلي وبتجاهل قطرات البول إلي بتنزل عند السجود وكنت باعتبر إن ده عذر بسبب المرض بس بعد كده عرفت إن الكلام ده للي عنده سلس بول دائم هل من الافضل إني امتنع عن دخول المرحاض قبل موعد الصلاة بنصف ساعة وهل يكفي لتطهير الثياب المسح بالماء مكان البول او الافضل إني أضع حاجه تمنع وصول البول للثياب واخلعه عند كل صلاة
السلام عليكم ورحمة الله وبركاته، شفاك الله وعفاك وأنعم عليك بالصحة والعافية يا رب. أنا عارفة إنك رافض نقطة الذهاب لطبيب لكن لازم تعرف إن الله خلق لكل داء دواء، وغير معقول إننا نترك نفسنا نعاني بالسنين وربنا أعطانا القدرة على البحث عن التداوي. لازم تقاوم مشكلة الحرج من اهلك وتبلغهم بمشكلتك وتذهب للطبيب للتشخيص وإيجاد العلاج المناسب. بالإضافة إلى أنك سألت عن أدوية وغلط كبير تأخذ أدوية من دون رأي طبيب وإرشاده، ممكن تضر نفسك أكتر. وبالنسبة للصلاة، مش هقدر أفتي. بس مش عارفة، هل مسموح لك تأخذ بالرخص اللي ربنا أعطاها للشخص اللي ملوش علاج في الوقت اللي انت مجربتش تشوف فيه علاج حاسم لمرضك ولا لأ؟ انس تمامًا مشكلة الخجل والحرج وابحث عن السبب والعلاج وإن شاء الله تكون مشكلة بسيطة وتشفى منها. تحياتي.
تم النشر الأحد، ٧ يوليو ٢٠٢٤
وعليكم السلام ورحمة الله وبركاته. أولًا، عايزة أقولك إن مشكلتك دي مش محرجة زي ما بتعتقد، يعني فيها ناس كتير بتعاني من نفس المشكلة ومش عيب إنك تطلب مساعدة. طيب خليني أعطيك شوية نصائح وتمارين ممكن تساعدك: سلوكيات وعادات: راحة وتفريغ كامل: حاول تتأكد إن مثانتك بتكون فارغة تمامًا قبل ما تقوم من المرحاض. ممكن تستمع للراحة لبعض الوقت بعد انتهاء التبول، ثم تحاول مرة تانية. تجنب المنبهات : حاول تقلل من تناول الكافيين والمشروبات الغازية، لإنها ممكن تزيد من تسرب البول. تمارين: تمارين كيجل: هي تمارين تقوية عضلات الحوض. حط نفسك في وضع مريح وابدأ بشد عضلات الحوض كأنك بتمنع خروج البول. استمر لمدة 5-10 ثواني، بعدين استرخي. اعمل التمرين ده 10 مرات، 3 مرات في اليوم. أدويـة: أدوية: فيه بعض الأدوية التي ممكن تساعد في تحسين التحكم بالمثانة، لكن لازم تروح لدكتور عشان يوصفها لك، لأن الأدوية تختلف حسب الحالة. نصائح للصلاة: الطهارة : يُفضل تغيير الثياب إذا نزلت منك قطرات البول وتطهير الشعر بالماء. ممكن تستخدم حاجة زي الفوط الصحية أو أغطية بولانية تمنع قطرات البول من الوصول لملابس الصلاة، وتغيرها قبل ما تبدأ بالصلاة. التوقيت : لو قادر تمتنع عن دخول المرحاض قبل الصلاة بمدة، ده كويس. لكن الأهم إنك تكون مرتاح وتقدر تركّز في الصلاة. وأخيرًا، بخصوص الذهاب للطبيب، مش عيب ولا حرج إنك تاخد حد من أهلك معاك. ممكن تبدأ بالكلام مع والدتك أو حد من أقرب الناس ليك. لو محتاج مساعدة أو دعم نفسي، أنا هنا أساعدك. اتمنى لك الشفاء العاجل والقوة والشجاعة لمواجهة المشكلة دي. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأحد، ٧ يوليو ٢٠٢٤
لعرض السؤال في فدني اضغط هنا