كنت حاجا زي مرتبط كده يعني الموضوع قعد سنة و خلص عن طريق أن هي قالتلي اني ما ارضهاش علي حد من عيلتي فالمفروض ما ارضهاش عليها هي الصراحة عندها حق و انا معاها جدا في الرأي ده و لو قدامي طريقة اكلمها بيها مش هعملها بسبب اني ما ارضهاش عليها و بعدها الموضوع خلص و انا اكتأبت يامه اوي بسبب بعدها و اني حبيتها بجد و بعدها تأقلمت بس لسه بتابعها في سرية عالسوشيال بسبب الشوق ياريت حد يفيدني
انت عامل الحاجة الصح دلوقتى والافضل انك تكون حاسم مع نفسك فى الامر اكتر من كده ...زى ما عملت ووقفت تواصل معاها . يا اما توقف المتابعة وتنتبه لنفسك ولحياتك وتشوف بعد فتره لما يكون متاح تتقدم تقدر تشوف الوضع . غير كده المتابعه مش هتفيدك فى شىء . لو بتطمن عليها كل فترة يبقي مفيش مشكلة. لكن لو متابعة بشكل تعلقى ومرضى وموقفاك عن حياتك..فانت لو مش عارف توقف التعلق ده لوحدك ...ممكن تلجأ لحد حكيم يساعدك فى ده.
تم النشر الجمعة، ١٣ يناير ٢٠٢٣
اعرف واحد زيك فضل يتابع واحده من بعيد تعرف الحمد لله عامل ايه دلوقتي؟ مريض نفسي وجسدي وبياخد أدوية علشان ينام!. هي البنت كانت صح بالإضافة إنه حرام، متابعتك ليها هتزود المشاعر عندك فتتعذب اكتر! يبقى تسيبها وتلتفت لحياتك لحد ما تصادف بنت الحلال اللي هتروح تتقدملها من غير اي شئ لا يجوز بينكم. ولو انت عندك القدرة تتقدملها يا ريت.
تم النشر الجمعة، ١٣ يناير ٢٠٢٣
عارف ووالله بحاول و ربنا يعلم
تم النشر الجمعة، ١٣ يناير ٢٠٢٣
المشكلة اني بحبها بجد و دي حاجا صعبة تتنسي و اني مهما احاول ابعد الاقي نفسي بحن و اشوفها في الشارع و في الحلم علي طول و مابكنش متخيل اني اشوفها و ما اسلمش أو اني ادير وشي بعيد
تم النشر الجمعة، ١٣ يناير ٢٠٢٣
ربنا يعينك الفراق فعلا اصعب حاجه ربنا يدخل فحياتك ناس افضل ان شاءلله
تم النشر الجمعة، ١٣ يناير ٢٠٢٣
حاول تقرب من ربنا وتدعي انه يعينك ان انت تتخطاها لانه مش بالسهل ان احنا ننسي حد بنحبه بس بجد والله اتعلق بربنا شويه وانت هتعرف انه مافيش حاجه دايمه الا وجهه سبحان وتعالي وحاول ان انت ماتتابعهاش لان ده هيوجعك اكتر
تم النشر الجمعة، ١٣ يناير ٢٠٢٣
لعرض السؤال في فدني اضغط هنا