انا طالب في رابعة كلية واعاني جدا الايام دي من فراغ عاطفي ، الحمد لله الواحد عمره ماكلم واحدة في حياته ولا حتي مجرد تعامل في مجال شغل او تعليم او اي حاجة ، الفكرة بقا اني ماكنشي بيهمني الأمر قبل كدا ولا حتي كنت بفكر في الموضوع ولكن دلوقتي وبقاله داخل ع سنة تقريبا بقيت بفكر ياما جدا في حوارات الrelation مع واحدة واني ارتبط بيها واقعد احكيلها كل حاجة في حياتي بمر بيها وناخد بعض كدا عن حب وتقعد تحكيلي هي عملت اي في حياتها واي هي مشاكلها واقدر احلهلها ، مش عارف بصراحة اعمل اية عشان حرفيا بقيت بتخيل ياما حاجات كدا واني معايا يعني واحدة قاعدة معايا وبتنام معايا والموضوع خايف الا يتطور لمشاكل نفسية وحاجات تخيلية ، مع العلم انا الحمد لله بصلي ومؤمن بربنا وبنسعي اهه ، لكن الحوار دا مش جاي معايا سكة خالص
ابعد عن السكة دي، دا شيطان وعايز يهزمك وهيحط قدامك بنات كتير بس تجنبهم، انت كشاب متربي وملتزم عايز بنت متربية ومفيش بنت متربية هتقبل تكلم شاب اصلا بل بالعكس، هتشوف الشاب اللي داخل يكلمها دا مش راجل اصلا لإنه راحلها هي مش لباباها بالتالي مش مستواها لإنها متربية كويس وعارفة تحافظ على نفسها واهلها ازاي. تقبل بنت تشوفك كدا وانت ملتزم؟! وحتى لو كنت قادر ماديا واعجبت بواحدة نصيحة ماتكلمهاش وكلم باباها لإنك هتقل في نظرها لو عملت غير كدا. ولو عايز ريلاشن فترة وخلاص هتلاقي بنات كتير بس البداية التي لا ترضي الله نهايتها لن ترضيك. وصعب جدا اصلا تحافظ على نفسك كل السنين دي و تضعف آخر كم سنة!!! يعني ربنا عايز يديك حاجة كبيرة جدا انت عايز تختار حاجة صغيرة؟!!!! فيه حاجة قريتها في كتاب رسائل من النبي هابعتها يمكن تفيدك.
تم النشر الجمعة، ١٣ سبتمبر ٢٠٢٤
هو اللي انتي فيه ده عادي بسب طبيعه السن وحاجه انسان الي رفيق ولكن حاولي تملي وقتك بالصلاة والمذاكرة وتركيز علي تطوير النفس وعدم دخول في اي علاقه غير رسمية ارضاء لله وخوفا علي نفسك واحتراما لاهلك ومش دايما حب هو عامل اساس في علاقات بل احترام متبادل ودايما ادعي ربنا بانه يرزقك بزوج صالح
تم النشر الخميس، ١٢ سبتمبر ٢٠٢٤
أخي العزيز، أقدر ما تمر به من مشاعر ورغبات في تحقيق الارتباط العاطفي. من الطبيعي أن يشعر الإنسان بالفراغ العاطفي، خاصة خلال فترة الدراسة والمراهقة. دعني أقدم لك بعض النقاط التي قد تساعدك في التعامل مع هذه المشاعر: التقبل : من المهم أن تعترف بمشاعرك وتقبلها. الشعور بالوحدة أو الرغبة في الارتباط ليس شيئًا خاطئًا، بل هو شعور إنساني طبيعي. توجيه الاهتمام : حاول أن توجه طاقتَك للتعلم و تطوير نفسك. انخرط في الهوايات التي تستمتع بها، أو شارك في نشاطات تهتم بها في الجامعة. ستساعدك هذه الأنشطة على توسيع دائرة معارفك وزيادة فرصتك في لقاء شخص قد تشعر بالارتباط العاطفي به لاحقًا. التوازن العاطفي : عَنْدَمَا تكون لديك رغبة قوية في الارتباط، احرص على أن لا تفرط في التخيل. فالتعلق بالخيال قد يؤدي إلى إحباط مستقبلي. كن واقعيًا وحاول فهم أن العلاقات تحتاج إلى وقت ونمو مستمر. المشورة الشرعية : ابحث عن علاقات مبنية على القيم والمبادئ الإسلامية. يمكنك محاولة المناقشة مع شخص موثوق مثل مُعَلِّم أو مُرَبٍّ أو أحد أفراد العائلة حول تجاربهم. الصلاة والدعاء : توكل على الله وادعُه أن يرزقك بالشخص المناسب ويُسهل الأمور عليك. الإيمان القوي يمكن أن يكون مصدر دعم كبير في الأوقات الصعبة. تذكر أن كل شيء يأتي في وقته المناسب، وأنه من المهم أن تكون مستعدًا لعلاقة قائمة على الاحترام المتبادل والفهم. أتمنى لك التوفيق في مسيرتك وتجاوز هذه المشاعر.
تم النشر الأربعاء، ١١ سبتمبر ٢٠٢٤
مش عيب انك تفكر في ده لانك في سن مشجع وانت كده طبيعي جدا واجمل شئ انك محترم ومدخلتش في علاقات والتخيلات والرغبة حاجة مش بإيدك ومش حرام لانك ملكش ذنب فيها الحل انك تفكر في الزواج او في خطوة رسمية وتكون جاهز لها ولما تعمل شئ برضا ربنا ربنا هيكافأك يبقى مش لازم ارتباط ممكن تشوف انسانة كويسة وتخطبها وتتزوجها وتحبوا بعض فالحلال وده اجمل حاجة واحييك على ثباتك في زمن الفتن ادعي ربنا بالثبات دائما ربنا يثبتك على طاعته انت شخص صريح ومؤمن بإذن الله ربنا مش هيضيع صبرك ويجازيك كل خير،ودايما ادعي ربنا انه يرزقك بالحب الحلال والزوجة الصالحة وقول:اللهم اغنني بحلالك عن حرامك
تم النشر الخميس، ١٢ سبتمبر ٢٠٢٤
لعرض السؤال في فدني اضغط هنا