ليه ما عنديش ثقه في نفسي كل اما اجي اعمل اي حاجه ابقى حاسه ان انا مش هقدر اعملها حاسه اني عمر ما حد هيحبني عشان شكلي انا عاديه بس تخينه شايفه نفسي وحشه حتى اللي بحبه ما بيحبنيش وبصراحه بحسد اللي هو مرتبط بيها مش عارفه ليه مش بثق في نفسي ولا اجتماعيه ما بعرفش اتعامل مع الناس بحس ان انا تعاملي معاهم بيحسوا ان انا تقيله وبارده فما بحبش اتعرف على حد ولا اكلم حد وكلامي بيبقى قليل لو حد كلمني ما بعرفش اتعامل مع الناس حتى اهلي بحس ان اهلي انا بتكلم معاهم عادي ممكن يبقى طريقتي مع الناس مش زي طريقتي مع اهلي عادي بتكلم معاهم عادي بس بحس ان انا مضغوطه ساعات بحس ان انا عاوز اعيط من غير اي سبب وكل ما اعمل اي حاجه الحاله الوحيده اللي بهرب منها ان اروح انام واعيط لي شويه قبل ما انام مش عارفه اعمل ايه حاولت كثيره اطور من نفسي ومش عارفه حاولت ان انا اثق في نفسي بس مش عارفه كل شويه ارجع لنقطه الصفر وقول اللي انا وحشه وما استاهلش حد وعمري ما حد هيحبني وبحس ان انا بتاسف كثير للناس رغم ان انا ما عملتش اي حاجه حاسه ان انا عاوزه اموت بس انا عارفه انه حرام فانا مش هعملها بس نفسي اعملها مش عارفه اعمل ايه ما حدش حاسس ان انا مضغوطه بخاف انزل الشارع اما ابقى واخده اجازه طويله من المدرسه وبفضل قاعده في البيت ومش بنزل ببقى نفسي اخرج ونفسي اتفسح بس بفضل اقول لنفسي انا هنزل كده بالمنظر ده انا وحشه ما بحبش انزل بلاقي الناس لما بنزل بتفضل تبص لي وكمان ما بحبش انزل الدروس بس بنزل بالعافيه عشان مش عارفه اقول لاهلي ايه وبحس ان انا في الدروس ببقى لما ابقى قاعده بحس ان انا عاوز اعيط بس بمسك نفسي انا عندي صاحبتين عادي وكده بس رغم ان انا قاعده معاهم وكده بيكلموا واحده ثانيه صاحبتي انا ما بحبهاش بس بحس في وقتها اني عاوزه اعيط وعاوز اروح البيت وعاوزه انام
كل انسان لديه نقاط قوة و ربنا خلقة متميز في شئ .. ركزي على الحلو ال جواكي و تعلمي مهارات جديدة .. و اندمجي مع الناس و اسمعي اكثر .. و دائما رددي « ربي اني لما انزلت الى من خير فقير » دعاء سيدنا موسى
تم النشر السبت، ٢٩ يوليو ٢٠٢٣
صدقيني انتِي لو دورتي كويس جواكي هتلاقي فيكي حجات حِلوة كتِير ممكن تلاقي شويةة فِ أخلاقك شويةة فِ طريقة تفكيرك شويةة فِ تعامُلك مع اللّي حواليكِي كِده فاهمةة،لو انتي شايفة ان وزنِك حساه عامل ليكي نتِي مشكِلة ليكي نتي مش لحد تانِي هقولك انتي محتاجةة تظبطي شويةة أكلك كُلي كل حاجةة بس بكميات ومع الوقت هتلاقي فرق،وأرشحلِك بجد حاجةة حِلو انك تحاولي تتمشي الصُبح كده بتكون ريحة الجو منعنشة أوي ريحته بتكون حِلوة جربي ده، متخديش بالك من نظرات اللّي حواليكي انتي ممكن تكونِي مفكرة ان الناس بتبصلِك و الناس اللّي بتبصلك تفكر انك بتبصلهم كده فهمانِي فَ متخديش بالك معلش هونِي على نفسك كفايةة الضغط اللّي جواكي اتبسطي بوقتك والفتره اللّي انتي عايشاها مضيعيش وقتِك ايوة هيجي وقت وهتزعلي وهيكون جواكي كبت وكِده بس معلش هونِي عليِك شويةة،شوية بشويةة الدنيا هتكون كويسةة خليني اقولك ان انتي وكل البنات كلنا الاسبوع اللّي بيكون قبل الدورة نفسيتنا بتكون مش تمام الوقت ده فَ معلش ممكن نستحمل نفسنا ومنحطش نفسنا تحت ضغط ف الفتره دي ماشي، اشتغلي على نفسك احضري دورات ع اليوتيوب شوفي حجات تعرفك بِ ربنا كِده ده هينفعك أوي بجد لو انتي مُسلمة أرشحلك قناة ياسر ممدوح جميلةة الصراحه، خليكي لما عينك تيجي ف عين بنت انك تبتسمي ليها كده ممكن تقوللها ازيك كده فاهمةة أتمنى اكون قدرت افيدِك حاجةة بس حابه اقولهالك كل اما يكون عندِك مهارات فِ حياتِك هيزيد استغنائِك عن الناس وهتزيد حاجةة الناس ليكي اشرحلك بودكات تتفرجي عليه بودكات فنجان مع دكتورة ياسر الحزيمي ربّ يبارك فيك اتمنى تكوني بأحسن حال.
تم النشر السبت، ٢٩ يوليو ٢٠٢٣
البقلظة نص الجمال يابت اسمعي مني 🥰 بصي يا مومو فكرة الثقة في النفس طالما عندك فيها مشكلة فا صدقيني مش هتبقى مشكلة جسمك بس لا لان سهل تخسي وفي ايدينا نعمل ده لكن انتي الفكرة عندك نفسية وبس مش جسم وشكل وارتباط عشان بتحبي توجدي مشاعة اخطاء تعلقي عليها اخطاءك وتحطي عليها غلطك فا لو خسيتي هتقولي اصل لما خسيت مبقيتش حلوة اوي اصل لوني مش الابيض ولا شعري الاصفر انا كان نفسي ابقى شبه فلانه هتبدأي تدوري ع شماعة غلط تعلقي عليها فشلك في علاقة ما او عدم وصولك لهدف معين عشان كده فكك من الجسم والشكل ونركز في نفسك ونفسيتك لازم تتعدل وتتصلح وتتقبل الوضع الراهن ونحاول نعدل عليه ونصلح من شأنه لكن فكرة الاستسلام والاستسهال بالهروب من الواقع دي فكرة مميته مع الوقت فا اول خطوة تكون تقبل الوضع الحالي العمل على نقاط قوة شخصيتك التطوير الذاتي طووووويل المدى مش قصير المدى عشان تقدري تعمليه وتكمليه ما تتعبيش بسرعة وتستسلمي
تم النشر الجمعة، ٢٨ يوليو ٢٠٢٣
متتجهيش للبرامج خالص هتخسرى جامد
تم النشر الجمعة، ٢٨ يوليو ٢٠٢٣
يحببتي فكك من الشغل دي دي شغل عيال وربيي الي هيحبك هيحبك لزاتك وزي مافي بنات وحشه ف كويسين ويستااهلو انما جو الشباب دي فكك منو وركزي ف مستقبلك ولو جواكي احساس بالنقص بلاش تعوضيه بحجات غلط فوقي نفسك الاول وبعدين ابقي صاحبي... هو عشان نعيش لازم نصااحب ممكن تكوني مكتفيه بنفسك عادي بس شوفي صديقه او اتنين كويسين ويستااهلو كلمه صاحب ونفسيك اولا ومتعتمديش ع حد
تم النشر الجمعة، ٢٨ يوليو ٢٠٢٣
اقولك حاجه قربى من ربنا هتعرفى قد اى انك جميله بجد وتتحبى يشهد ربى انى معرفكيش اهو بس ارتحتلك وباين انك شخص عسول خالص حبى نفسك وحطى صورك خلفيه لموبايلك واهتمى بدراستك ومستقبلك لانك لما تبقى شخص ناجح صدقينى عن تجربه الكل هيتمنى انو يكلمك حتى
تم النشر الجمعة، ٢٨ يوليو ٢٠٢٣
ربنا يجبرك ويوصلك لطريق صح
تم النشر الجمعة، ٢٨ يوليو ٢٠٢٣
ارجعي تاني نا مريت بفتره زي دي ف اولي ثانوب بس كنت اتخزلت من الكل بس ادرجت ان نفسي ونفسيتي ومستقبلي اهم من اي حدد واني دايما افكر ف نفسي قبل اي حد ممكن تبقي حتهه انانيه سيكا بس فادتني وقوتت ثقتي فنفسي ومبقاش يهمني راي اي مخلوق فياا....
تم النشر الجمعة، ٢٨ يوليو ٢٠٢٣
بصى هقولك حاجه حبى نفسك مش قصدى ابقى انانيه اقصد حبى ملامحك هلاقى كل اللى حوليكى بيحبك خليكى تلقائية مع الناس يعنى على طبيعتك واتاكدى انك مش وحشه لان ربنا اللى خلقك وربنا مبيخلقش حاجه وحشه ابدا 🌚 انتى جميله كدا كدا واتعاملى بان طظ فى الناس طلما انتى مرتاحه وبتعملى الصح وخليكى دايما واثقه فى نفسك لانك تستاهلى ❤
تم النشر الجمعة، ٢٨ يوليو ٢٠٢٣
يقلبي والله نتي جميله ربنا قال اي لقد خلقنا الإنسان في أحسن تقويم حتي لو الكل شايفك وحشه نتي دايما كوني مقتنعه انك. حلوه ومتبصيش لاي حد ولا تاخدي براي الناس انزلي دروسك وزاكري وبصي دايما لنفسك بنظره انك حلوه وتستااهلي حجات كتيره اوي ودايما خليكي فاكره ان كلامنا لنفسناا هو اكبر مؤثر ف خلي كلامك دايما ايجابي
تم النشر الجمعة، ٢٨ يوليو ٢٠٢٣
تفكيرك من الاول غلط انك دايما شايفه نفسك قليله وانك مش قادره تثقي ف نفسك بصي يحببتي جربي واتعلمي واتعرفي ع ناس كويسه وانسي حبيبك دي لو تعرفي وخلي عندك ثقه ومتخليش كلام اي حد مهما كان ياثر عليكي لان ف الاول والاخر دي مجرد كلام ومجرد راي ودايما قولي لنفسك كلام ايجاابي وصحاابك مش شبهك ابعدي عنهم اكتفي بمفسك والله مش عيب ومتخليش اي حاجه تزعلك مهما كان لان نفسيه الانسان لو ادمرت والله مهترجع والانسان عباره عن نفسيه فقط..
تم النشر الجمعة، ٢٨ يوليو ٢٠٢٣
وبقول لنفسي ممكن لو مش لقيا أصحاب ممكن لصاحب من علي النت لحيث أن محدش يعرف هويتي فا بنزل برامج اكلم منها البنات مش بترد عليا اصلا في البرامج دي والولاد كل الي عاوزينو يشوفون شكلي وجسمي وبيفكرو في حجات تانيه وكلهم بقولي تعالي نتكلم فديو احلي علشان يشوف جسمي ويتكلمو في حجات وحشه بس انا مش بعمل كدا وبقوم ماسحه البرنامج وانزل واحد تاني الاقي فيه كدا بردو لحد مزهقت وكرهت الموضوع ده
تم النشر الجمعة، ٢٨ يوليو ٢٠٢٣
بحاول وبكلم نفسي وادي طاقه ايجابيه لنفسي وفي الاخر برجع تاني لنقطه الصفر بحاول ومش بقدر
تم النشر الجمعة، ٢٨ يوليو ٢٠٢٣
لعرض السؤال في فدني اضغط هنا