انا عندي ١٨سنه انا في اولي كليه ومخطوبه خطيبي اتقدملي من وانا في تانيه ثانوي عام كان عندي ١٦ سنه وبابا رفض عشان بتعلم وكده المهم انا مكنتش اعرفه بس هو خطيبي اللي هو دلوقتي ده كان بعد ما بابا رفضه هو كلمني علي الفيس وانا مكلمتوش غير لما اتقدملي ليا كذا مره عشان اتاكد من كلامه وبعت كذا مره مامته وأخواته وكده المهم بدأت نتكلم سوا وساعات كان بيجي ياخدني من الدرس وكده وكنت بتكلم معاه وتعرفنا علي بعض اكتر وبقيت أحبه وهو كمان حبني المهم كنت بكلمه لمدة سنتين كاملين بعدين بقا خلصت ثانوي عام ونجحت وكده وجي اتقدملي واتخطبنا مخطوبه حاليا بقالي ٦ شهور من ساعت ما ساعت ما اتخطبنا ولما نتخانق بقا يشتمني كتير اوي ويقول كلام يجرحني جامد اوى اوى ويهددني انه لو فسخنا هيكسر عيني وعين اهلي وبقا يتحكم فيا وفي كل حاجه أو اي حاجه ولما اعترض واقول ابويا وامي يقولي وهما كانوا فين ابوكي وامك دول مكنوش موجودين قبل سنتين ليهوبيشتمني بألفاظ مش كويسه هو الحوارات كتير اوي اوي بس انا مش هقدر اقول كل حاجه وانا عارفه اني خسرت كل حاجه وبقيت اشوف نفسي مش كويسه وخسرت كل حاجه ثقتي بنفسي وبأهلي وبقيت شخصيه تبذل وتتهان بس ولو جبتله حاجه عادي انا يبقي مبسوطه اني جبتها لكن هو لو جاب لي حاجه وبعدين اتخانقنا أو حصل تاتش يقعد يقولي ده انا بخليكي زي البنات وجبتلك وعملتلك وحاجات كتير ومواقف كتير اوي ومش هينفع افسخ عشان مش هينفع وانا بفكر انتحر بس خايفه من ربنا واني هكون خسرت كل حاجه انا حته معرفش حد يفيدني ولا لا بس انا مدمرة واهلي واخدين بالهم من شكلي بس انا مش قادره اقول حاجه مش عايزه اكسرهم اكتر من كده
انا هقولك حاجة بسيطة بالبلدى ...نص العمى ولا العمى كله تسيبيه دلوقتى وتتبهدلى شوية وسط اهلك ...احسن ما تتجوزية وفى يوم من الايام لا قدر الله ترجعيلهم بدمك ( ده انا كده بجيبلك اسوأ السيناريوهات اللى انتى فاكره انك لما تكملى معاه فانتى هتبقى قللتى الخساير مثلا ) مفيش اى خسارة زى انك تخسرى نفسك ..متخليهوش يضحك عليكى ويبتزك قصاد اى غلطة غلطتيها معاه. هيكسر عينك شهور ولا سنين ولا حتى مش هتتجوزى خالص ..صدقينى اكرم ليكى من انك تشوفى معاه ذل واهانه ...اهلك وقتها هيقولوا ياريتك كنتى فضلتى معانا احسن . هيكسر عينك واهلك هيتبروا منك ..والله بردوا احسن من انك تدوقى سم ومر كل يوم بجرعات زياده وتخسرى نفسك واهلك ودينك كلمى اهلك وعرفيهم اللى حصل بينك وبينه بالتدريج ...الاول عرفيهم انك كلمتيه بعد ما اترفض ...بعد كده لو فى اى حاجات اكبر عرفيهالهم وسجليله اى مكالمه فيها اهانه من اللى بيقولها وعرفيهم وقولى انا مش هرمى نفسى فى النار دى حتى لو هيحصل ايه وراضيه باى عقاب بس ميكونش عقابى انى اتدفن وانا عايشه مع الشخص ده
تم النشر الأربعاء، ٢٠ مارس ٢٠٢٤
فكرة الانتحار فكرة غير سوية تنتهي بالكفر والعياذ بالله لكن نحن في دولة قانون وتستطيعين حماية نفسك منه وافضل الانفصال عنه لتجنب ماهو اسوء اذا صارت الأمور الي الزواج لان أساس الزواج والارتباط المودة والرحمة والسكينة بين العائلتين والأهم الاخلاق
تم النشر الأربعاء، ٢٠ مارس ٢٠٢٤
اهلك هيزعلو شوي بس على الاقل مش هتكملي حياتك مع الكائن ده صدقيني الشخص ده هيتعبك اوي في حياتك وبعدين الاب والام عمرهم ما بيزعلو من عيالهم اسمعي من اختك وروحي صرحي امك
تم النشر الأربعاء، ٢٠ مارس ٢٠٢٤
ليه مش قادرة تفسخي الخطوبة ..؟ وبالنسبة لشخصية خطيبك فهل تتوقعي شخص مثلا بيهين وبيشتم وكمان بيتطاول على اهلك من وراهم .. ده يمكن ياتي من وراه اي خير؟ لان اللي بيحصل في الخطوبة ده نبذة لما يأتي بعد كده في الزواج
تم النشر الأربعاء، ٢٠ مارس ٢٠٢٤
تنتحري اي ي يبنتي دا اللي زي دا تسبيه وتكسري وراه زير ومطمنه كمان دا انتي مخطوباله يعني لو اتكلم كلمه ف حقك ميبقاش راجل دا عشان انتي لسه صغيره ومش فاهمه وهو عارف كدا كويس دا لازم يتساب ومتخفيش والله ميقدر يعمل حاجا بربع جنيه انتي عارفه دا لو كملتي معاه واتجوزتيه هيصبح بعلقه ويمسيكي بعلقه ولعلمك انتي لو انتحرتي مفكره هيزعل عليكي تبقي غلطانه دا يتجوز دا من تاني يوم دا غير خسرتي اخرتك دي لواحدها حوار اصلا مهم دا لما تسبيه تسبيه بشياكه مش بخناقه تختفي مره واحدا من حياتهتسبيه بحترام مش بي قلة ادب وفكك منه
تم النشر الخميس، ٢١ مارس ٢٠٢٤
اسمعينى بالله عليكى ... اولا ابعدى الانتحار عن دماغك نهائى اتفقنا ، ثانيا انتى غلطتى انك اتكلمتى معاه من غير خطوبه وانا متأكده انك مش هتكرريها تانى ، نيجى بقا للإبتزاز والتهديد اللى بيعمله انا اتعرضت للإبتزاز من كم سنه وكنت غبيه وكنت هنتحر وانا مش عاوزاكى تعملى زى ابدا ابدا انا هخليكى اوديه ورا الشمس لو عاوزه اول حاجه هتاخدى اسكرين للتهديدات تمام واى كلام بزئ تاخد اسكرين وانتى اتعامل طبيعي معاه وهتبحثى عن بيدج اسمها واقعى على فيس بوك هتدخلى تكلميهم أنه فيه واحد بيهددك وتحكى القصه وهم هيساعدوكى
تم النشر الأربعاء، ٢٠ مارس ٢٠٢٤
وانك تفكري في الانتحار دا اكبر غلط أولا هتخسري دينك وهتغضبي ربنا منك وتخلي وأهلك والناس اللي بتحبك يتحصروو ويتعبو عليكي يبقي لي علشان إنسان ميستهلكيش أصلا
تم النشر الأربعاء، ٢٠ مارس ٢٠٢٤
أولا يكسر عينك لي ..وثانيا اوعي تكملي مع الإنسان دا علشان وربنا هتخسري كتير اوي لما في الخطوبه بيقول كدا وبيشتمك ويهينك يبقي بعد الجواز اي ياحبيبتي اتكلمي مع أهلك وأهلك لما تحكيلهم عمرهم ما هيوفقه بالهانه لبنتهم بس انتي لسه في اولها فالحقي الموضوع قبل ما تتجوزيه
تم النشر الأربعاء، ٢٠ مارس ٢٠٢٤
انتحار لا ي حبيبتي اوعي تفكري في كدا ابدأ.. خطيبك دة سيبيه اقعدي مع مامتك وقوليلها انا عاوزة اتكلم معاكي واحكيلها كل حاجه حصلت وبتحصل امك وابوك عمرهم ما هيضروكي حتي لو انتي غلطانه وساعتها هما هيحطوا حد للي بيحصل دة إنما لو كملتي مع البني آدم دة هتخسري كل حاجه كل حاجه فعلا
تم النشر الأربعاء، ٢٠ مارس ٢٠٢٤
انا محتاجه اتكلم معاكى اكتر لو ينفع تليجرام ، بس بالله ابعدى الانتحار نهايئا عن دماغك ، انتى اصلا لو انتحرتى لقدر الله هيحصل الأسوء وأهلك الناس مش هتسيبهم فى حالهم وممكن يطلعوا عليكى مئة كلمه ، علفكره انا نفس عمرك بس مريت بالابتزاز من سنين وعانيت ولسه بعانى لانى كتمت جوايا ومقولتش لحد ، عاوزاكى تصارحى والدتك أو باباكى عارفه انك غلطتى وممكن تقولى لا مش هقدر تقولهم بس محدش هيحميكر منه غيرررهم ، محدش هيحميكى غير اهلك يا حبيبتى
تم النشر الأربعاء، ٢٠ مارس ٢٠٢٤
شلى فكرة الانتحار نهائى من دماغك انتى عاوزة أعوذ بالله تخالدى فى النار تانى حاجة اكتر ناس بتحبك وتخاف عليكى هما اهلك لازم تصرحيهم بكل حاجة والموضوع اقل اصغر من انتى شايفه كل حاجة ليه حل وأهم حاجة لازم تفركيشى الخطوبة وتحمد ربنا انه خلصك من هذا الشخص المريض وحفظه على الصلاة والأذكار واستعين بالله
تم النشر الجمعة، ٢٢ مارس ٢٠٢٤
حاضر
تم النشر الأربعاء، ٢٠ مارس ٢٠٢٤
لعرض السؤال في فدني اضغط هنا