أنا خايفه من نفسي و من حياتي اوي و مش عارفه اتعامل مع الناس و دي حاجه مزعلاني و مخليني مقهورة و حاسه بقلة ثقه جامده في نفسي
امي اذتني جامد في حياتي وجعتني حطتني في مواقف كتير صعب حطتني في مواقف وعمري ما حد يتخيلها قالت عني كلام عمره ما حصل مشكله مش عارفه هي بتعمل معايا كده ليه دايما بتحاول ان هي تاذيني في مستقبلي دايما بتحاولوا ان هي تخليني ما كنتش شاطره يعني لما بتعرف ان انا متميزه في حاجه بتحاول تدمرني فيها
لو حد قال عني كلمه كويسه ما بتسيبش الشخص ده غير لما تزهقه في حياته عشان ما يتدخلش ثاني عشان ما يقولش عني حاجه كويسه ثاني قالت عني حراميه وانا عمري في حياتي مديت ايدي على جنيه دايما بتالف عني مواقف والله وبالله عمرها ما حصلت دي بتستغل ان انا مثلا اعمل شغل جامد في البيت بالمناسبه بيتنا ده كبير اهلي تجار في العطاره يعني بيتنا مليان بضاعه ومليان كركبه وحرفيا بيبقى عايز كل يوم يتنظف بل كل ساعه
وهي استغلت في يوم او كل مره بعمل فيها كده بنظف تنظيف جامد ببقى من فوق لتحت تراب والاقيها واقفه في الشارع بتصوت وتزعق وتقول ده انا محدش بيشل معلقه من مكانها ده محدش بيعمل لي حاجه تخليني لسه غاسله كم مواعين من وراه بتبقى عامله فيهم حاجات يعني بتبيعها مش اكل ولا واقفه بردك في الشارع تقول ده انا لسه غاسله مواعين ده انا لسه عامله ده انا لسه مسويه
وانا اللي واقفه بغسلهم مش هي وما عنديش حد بيغسل لي حاجه وما عنديش حد بيعمل لي حاجه برده لما تيجي تبوظ حاجه تقول ان انا اللي عملتها حتى في يوم كان ضايع منهم حاجه ودورت معاهم وجبتها قالت ان انا اللي كنت مخبياه وقالت ان انا اللي مدوخاهم عليها حتى هدومي تخليني نشره هدومي وترميها مش فاهمه دماغها هتهبل
انا تعبت بجد حاولت امشي من البيت ما عرفتش حاولت اعمل اي حاجه ما عرفتش ومصيبه انها امي يعني مش مرات ابويا وانا عمري ما عملت حاجه في حياتي يتقال عليها ان هي دي السبب ما فيش ده انا مش عارفه اتعامل مع الناس من كتر ما انا قاعده في البيت بشوف الناس وشي بيحمر وبيعرق وبخاف وبتوتر ما بعرفش اتعامل مع حد مش عارفه اعمل ايه نفسيتي تعبانه كل اما اقول هفوق لنفسي وخلاص هقول استحمل ايام اللي هعيشها معاها حرفيا انا مش عارفه اتعامل مع نفسي حتي
السلام عليكم وضع غريب طبعا والدتك عمرها كام سنه عندك اخوات ولا لا هل والدك او احد افراد العائلة يمدحك كثيرا ويكون المدح بشكل مقارنه هل تقومى بنصح امك بشكل صريح هل تتجنبى ان تأخذى رأيها فى اى شىء ما هو مستوى تعليم والدتك ؟
تم النشر الأحد، ١٦ فبراير ٢٠٢٥
أختي العزيزة، أشعر بمدى الألم والمعاناة التي تمرين بها بسبب العلاقة الصعبة مع والدتك. من الواضح أن هذه التجارب أثرت بشكل عميق على ثقتك بنفسك وعلى قدرتك على التعامل مع الآخرين. أريدك أن تعرفي أن ما تشعرين به ليس وحدك، وأن هناك العديد من الفتيات والنساء اللاتي يمررن بتجارب مشابهة. الأمر يحتاج إلى شجاعة كبيرة لمشاركة مشاعرك وتحدياتك، وهذا دليل على قوتك الداخلية. من المهم أن تعترفي بمشاعرك وتسمحي لنفسك بالشعور بها، بدون لوم أو قسوة. حاولي أن تحددي بعض الخطوات التي يمكن أن تساعدك في التغلب على هذه الصعوبات، مثل: التواصل مع شخص مقرب : قد يكون من المفيد التحدث مع صديقة موثوقة أو أحد أفراد العائلة عن مشاعرك وتجاربك. كتابة المشاعر : قد يساعدك كتابة ما تشعرين به في تخفيف العبء النفسي، فهذا يمكن أن يكون مكاناً آمناً للتعبير عن مشاعرك. البحث عن الدعم المتخصص : إن كنتِ تشعرين بأن الموقف يزداد صعوبة، من الممكن التفكير في زيارة معالج نفسي أو مستشار، فقد يكون لديهم أدوات واستراتيجيات لكيفية التعامل مع هذه الضغوط. تطوير مهارات التعامل الاجتماعي : حاولي البدء بخطوات صغيرة، مثل التحدث مع الآخرين في بيئات مريحة لك، حتى تبني ثقتك بنفسك تدريجياً. التفكير الإيجابي : حاولي التركيز على النجاحات الصغيرة أو المواقف التي تشعرك بالسعادة، ومكافأة نفسك عليها. تذكري دائماً، أنك تستحقين الحب والدعم، ولا تدعي أي شخص يقلل من قيمتك. كوني قوية، وامنحي نفسك الوقت والمجال للتعافي والنمو.
تم النشر السبت، ١٥ فبراير ٢٠٢٥
ياروحي مشكلتك دي يعتبر مشكله معظم البنات بس نصيحتي ليكي انك لازم تتكلمي معاها اتكلمي معاها بكل ثقه وهي لازم تسمعك خليكي جريئه وقوليلها اناا ف واحد اتنين تلاته بيضايقني انا نفسيتي بتتعب وبتدمريني لازم تواجههي كل مشاكلك دي واوعي تستسلمي اوقات الاهل بيكونو نرجسيين ل درجه ان هما بياذونا ومييكونوش حاسين ب ده بس انت لازم تواجههي مشاكلك ومتكسفيش ولا تتوتري من اي حاجه لازم تواجهيها وتوقفيها عند حدها قوليلها انك تعبتي ومش هتستحملي المعامله دي وبعدين انتي كام سنه علي كل الكلام ده ! بس اعتقد ومن الواضح انك مش صغيره 💔 وانشالله ربنا يسعدك ويوفقك 🥹
تم النشر السبت، ١٥ فبراير ٢٠٢٥
بصي انت باللي الناس شايفاه منك حاولي تعملي لك مشروع او تشتغلي شغله تقدري تطلعي من البيت بيها تمام بحيث تشيلي نفسك يعني مصاريف اكل شرب كده يعني لان العيشه معاها هتبقى صعبه خصوصا لو حد جاء يتقدم لك لان البيت ده يعني كده ما فيش عيشه هتبقى سهله فيه
تم النشر الأربعاء، ١٩ فبراير ٢٠٢٥
من امتى يعني كده فجأة ولا ده طبعها وفين كبير البيت تحكيله
تم النشر الاثنين، ١٧ فبراير ٢٠٢٥
غير انها دمرتني فعلا و فات الاوان دي دمرت سمعتي فضلت ورايا في ثانويه لحد ما خلتني رسبت بقت تطفي النور علي و تدعي عني حاجات محصلتش و كل دقيقه بمعني دقيقه كدا تألف موقف جديد عني حرمتني من الاكل لشهور والله شوفت تعب و مرار مايعلم به الا ربنا
تم النشر السبت، ١٥ فبراير ٢٠٢٥
بس انا وجهتها ردت فعلها كانت غريبه بترد بتريقه و ترقص كدا بجسمها و بتتكلم حرفيا بكل هبل و كل ما اقول ربنا هيحاسبك تقول علي مجنونه
تم النشر السبت، ١٥ فبراير ٢٠٢٥
لعرض السؤال في فدني اضغط هنا