السلام عليكم ورحمه الله وبركاته
أنا السنه دي في 3 ثانوي ازهري بعيدها تاني بصراحه ولحد دلوقتي مش كل المواد اتفتحت أنا عندي 20 مادة نجحت في 5 منهم وبصراحة طول الوقت خايفه لا منجحش تاني واعيد السنه بحاول بصراحة اعمل اللي عليه وبدعي كتير قوي بصراحة بس برضو خايفه والحمد لله بحاول اكون مقربه من ربنا أكثر بورد قرآن و الاستغفار والصلاه وقيام الليل بس كل لما تيجي الايه ليس للإنسان الا ما سعي وان سعيه سوف يرى اخاف جدا بصراحة وانا حالتي النفسية في العموم صعبه جدا بسبب مشاكل في البيت كتير اوي أنا بحاول علي قد مقدر متاثرش بي حاجه بس انا خايفه بجد وطول الوقت المدرسين يقول لي أن أنا بحل كويس بس برضو خايفه ومش واثقه أن أنا مش هحل كويس.واسفه علي الاطاله
انت حسب كلامك انك متعدية مراحل كتيرر واكيد هذي المراحل السابقة مو سهلة واكيد صعبة اتذكري وقتها كيف اتعديتيهاا وكيف كنت خايفة ايضا لكن عملتيها ونجحتي وصلتي لهون بعد تعب، اتذكري ربك دائما (لايكلف الله نفسا إلا وسعها) ، في مرة سمعت ايضا الشمس ايضا الها كمية محدودة تساعد على التغلب على الخوف لكن لا اعلم هل حقا هذا الشي ام لا لانني لم اجربها مسبقا لكنني اظن انها صحيحة لان الشمس تحتوي على فيتامينات كثيررة، ولاتنسي هذه ايضا انه ان عملتي الذي عليك اذهبي للأمتحان لأنهم بالتأكيد بالأمتحان لن يطلبو منك كتابة الكتاب كله سيطلبون نقاط ومن السؤال سوف تتذكرين الجوااب وفي كل امتحان اقرئي بعض السور التي تساعد على تقوية الذاكرة وان كنتي تريدين عدم النساين فأن نصيحتي هي وحيدة وهي ذاكري اليوم في يومه. اسفه على الاطالة لكنني انا ايضا كانت لدي هذه المشكلة وتأتيني في فترة الامتحانات كثيرا وتخيلي في مرة من المرات بكيت طول ليلة الامتحان وقلت انني سأرسب بالتأكيد وذهب للأمتخان وانا متأكدة من الرسوب لكن في النهاية اخذت درجة 100من100 لأنني ذاكرت اليوم في يومه وفقط وكان الامتحان عربي
تم النشر الأحد، ١٢ فبراير ٢٠٢٣
وعليكم السلام ورحمة الله وبركاته، أولاً، أريد أن أشكرك على شجاعتك في مشاركتنا هذا القلق الذي يتعلق بامتحاناتك. لا تقلقي كثيراً، خذي الأمور ببساطة وعلى قدرتك. قومي بالاستعداد للاختبارات بطريقة صحيحة وليست بطريقة متوترة وعش بطريقة راحة. بما أن الأمور في المنزل صعبة فلابد أن تقومي بتعزيز صلتك بالله، كما ذكرتِ سابقًا بالقرآن والاستغفار والصلاة وقيام الليل. كما يمكنك الحصول على الدعم النفسي مثل الحديث مع أحد الأصدقاء أو الأقارب المقربين لك. لا تنسي أن تحددي الأسباب التي تؤدي إلى عدم النجاح في موادك ومحاولة حلها. تحسين الأداء في المواد الأكثر صعوبة، وتذكري دومًا أن النجاح يأتي بالمثابرة والإصرار. لا تفقدي الأمل، فأنتِ لستِ وحدك، ونحن بجانبكِ لتشجيعك على النجاح. حاولي قدر المستطاع أن تعيدي التركيز على الإيجابيات وتشجيع نفسك. أتمنى لكِ التوفيق والنجاح في امتحاناتك القادمة.
تم النشر السبت، ١٨ مارس ٢٠٢٣
ربنا يباركلك ويوفقك يارب هتنجحي ان شاءالله ثقي ف ربنا وانه مش هيضيع تعبك انتي بس اهدي وخليكي قريبه جدا من ربنا وكل درس بتاخديه ذاكريه ع طول وبصي ع درس قديم مع الجديد وحلي كتير وحاولي تعملي ملخصاتك لنفسك بحيث انك تثبتي الي فهمتيه واعملي خرايط ذهنيه تلخص كل جزء اخدتيه ويسهل عليكي استرجاع المعلومه واستخدمي المذاكره عن طريق الشرح بانك تكوني مكان المدرس وتحاولي توصلي المعلومه لأي حد عندك بحيث تثبت معاكي وتفهميها وتحفظيها ...واعرفي حاجه مفيش بيت خالي من المشاكل بس حاولي تفصلي نفسك عنها بأنك تستغفري تقرأي قرأن وتفكري ف مستقبلك عشان يبقا افضل وتقدري تختاري حياه ليكي سويه من غير مشاكل كتيره وتحققي حلمك الي نفسك فيه بأذن الله
تم النشر الجمعة، ١٠ فبراير ٢٠٢٣
هتستفيدي ايه من خوفك الزائد؟ اسألي نفسك السؤال ده ... الواحد مش هيستفاد اي حاجة من التفكير في النجاح او الفشل .. والواحد كده كده بيعمل اللي عليه والنتيجة ديه مش بتاعتنا .. اعملي اللي عليكي وتوكلي على الله. ومتفكريش في النتيجة هتكون ايه؟ لانك مش هتوصلي لحاجة في التفكير بالشكل ده .. اشغلي نفسك علطول وركزي هو ده المهم
تم النشر الخميس، ٩ فبراير ٢٠٢٣
توكلى على الله حق التوكل ...يعنى اعملى اللى فى وسعك وفى مقدرتك والباقى اتركيه لله حتى لو مش واثقه فى نفسك بالشكل الكافى فتقدرى تثقى فى ربنا . الوضع اللى بتقوليه معناه انك لسه مش عاملة كل اللى عليكى ....نظمى وقتك واستفيدى بيه بدل التفكير فى النتيجة فكرى فى الوقت الحالى اللى هيفرق فى النتيجة. ربنا معاكى ويوفقك وبالنجاح ان شاءالله
تم النشر الخميس، ٩ فبراير ٢٠٢٣
لعرض السؤال في فدني اضغط هنا