جماعه انا عايزه أسأل سؤال محيرني وبتمني الاقي رد من غير تريقه كده..الواد السرسجي اللي بيعمل دايما تسريحات غريبه جدا واكسات في دماغوا وشايل حته من الحاجب وحاجات غريبه جدا و شايف نفسوا بقي والدنيا بالنسبالوا يا ارض اتهدي ما عليكي قدي وصياااعه بقي ولف وتكاتك وعايش حياتوا بالطول والعرض ده اي احساسوا أما بنت ترفضوا..أو تفضل تنقل فتره كبيره ومش مديالوا وش بعدها أما تبدأ تعبروا تلاقيه ولا الهوا اللي هو أنا مش هبصلك حتي..مش شايفك اصلا..حاسه انو واخد موقف عدواني شويه أو اكن في بينا تار مش عارفه الاحساس ده صح ولا لا وهل هو فعلا كده ولا أنا اللي بيتهيالي لانو مصرحليش خالص بحاجه زي كده وده مجرد احساس بسس أنا بنيتوا بناًء ع تصرفاتوا وتطنيشوا لكن إجابتكم هي اللي هتحدد اكيد احساسي ده صح ولا مجرد تهيؤات...دماغي هتنفجر بجد!
انا مش عايزاك تحضري خالص يعني لانه الاجابه من الكلام اللي انت قلتيه الشخصيه دي زي ما انت شايفه كده يعني عايش حياته بالطول والعرض ويعني ايه فعلا شايف نفسه ما فيش منه اتنين على كوكب الارض يعني. هو ما بيبقاش عايز اي حاجه غير ان هو الجهد اللي هو بذله يوصل بيه للنتيجه اللي هو عاوزها؟ ما يحسش ان في حاجه اكبر منه. نصيحه مني بلاش النوعيه دي تتعاملي معها تاني خالص لانك لو فكرتي انك تعاتبي النوعيه دي او تتكلمي معهم كلام عقلاني بتاع ناس فايقه ووعيه هتلاقي شخصيه مش كويسه خالص هتتكلم معك وهتزعلي من نفسك على نفسك يعني مواقف مش حلوه وابعدي خالص عن انك يعني تتعاملي مع النوايات دي من الشخصيات وبعدين نفسك خالص على انك تستجيبي لاي محاوله لاي ولد ان هو يقرب منك ويتكلم معك سوا هو باين عليه ان هو محترم او حتى لو كان مش شخصيه السرسجيه اللي بتسالي عليها.
تم النشر الأربعاء، ٣ أبريل ٢٠٢٤
أنت بإمكانك تحذفيه من حياتك وتقفلي الباب دة من دلوقتي وتحافظي على طهارة قلبك لأن الرجوع دلوقتي - صدقيني - أسهل بكتير من بعدين
تم النشر الأربعاء، ٣ أبريل ٢٠٢٤
البنت اللي تتعامل مع أولاد وتخون ثقة أهلها فيها أكتر حد مناسب ليها هو فعلا الشخصية اللي أنتى وصفتيها
تم النشر الأربعاء، ٣ أبريل ٢٠٢٤
سيبيه طبعا ليه تبقي مع واحد سرسجي انتي قيمتك اعلي من كده بكتير اللي زيهم بيبقو شخصيات زباله بجد عايزين يتسلو بالبنات ولما يزهقو يرموهم او مبيبقاش شخصيتهم تكونت لسه ف بجد فكك منه
تم النشر الجمعة، ٥ أبريل ٢٠٢٤
بصى اول حاجة وأهم حاجة ثقة اهلك دى بالدنيا متخسريهاش علشان حد وكمان انتى بتقولى( سرسجى ) مش بيهه عيشها بطول والعرض كفايه دى عارفة لما تيجى تتكلمي معاه او مع النوعية دى عمرو ماهيستقبل كلامك وانتى غلطى لما بعتي ادد على الفيس هاقولك على حاجة مهما إلى قدامك اى حتى لو شيخ وبيصلى كونك انك ترفضى وتقوليلو ثقة أهلى اهم هاتكبرى فنظر إلى قدامك وبالعكس هايتمسك بيكى اكتر الشباب لما بتلاقى البنت مديه مجال للكلام هايخدو فكرة مش كويسه انا مش بغلط فيكى انا بكلم عموما بصى لو البنت جت بالسهل مع الولد هاتروح بالسهل غير لما واحد يحارب عشانك هايعرف أمتك متخليش حد اى نكان يتسلى بيكى او انك تدخلى علاقة تحت مسمى التسليه إلى بيحبك هايجى لاهلك ابعدى وشيلى الموضوع ممن تفكيرك احسن
تم النشر الخميس، ٤ أبريل ٢٠٢٤
أنت متضايقة لأن الشخص دة مأخدش خطوة للأمام في العلاقة المحرمة!
تم النشر الأربعاء، ٣ أبريل ٢٠٢٤
متبهدليش نفسك انتي تستاهلي احسن من كده حبيبتي انتي شكلك صغيرة لسه ومعندكيش خبرة في الحياة
تم النشر الأربعاء، ٣ أبريل ٢٠٢٤
شيلي الانسان ده من حياتك علشان ده هيدمر حياتك لو فضلتي كده
تم النشر الأربعاء، ٣ أبريل ٢٠٢٤
علاقه محرمه؟! ليه خرجت معاه ؟مسكت أيدوا مثلا؟ أنا قولت أن احنا متكلمناش حتي فين العلاقه بقي كده اصلا
تم النشر الأربعاء، ٣ أبريل ٢٠٢٤
ايوه كان مهتم في البدايه فعلا بعد كده كرفني وأتعكست الأيه ومش عارفه اي السبب
تم النشر الأربعاء، ٣ أبريل ٢٠٢٤
علاقة محرمة*
تم النشر الأربعاء، ٣ أبريل ٢٠٢٤
بالراحه كدا في بداية الموضوع هو كان معجب وانتِ م مهمتمه بعد فترة اصبح الاهتمام منك انتِ وهو اللي م مهتم. وان كان تفسيري صحيح ف على كلٍ أولًا ربنا لا يرضى عن هذه العلاقات وانا مقدرة اللي انتِ فيه ثانيًا كلامك عنه ده يؤكد انه إلى حدٍ ما شخص غير صالح انك توجيهيله انظارك او انك كنتِ تديله مساحه من بداية الموضوع لما كان بيحاول معاكِ بكل هدوء حاولي تتقبلي كلامي عشان متخسريش نفسك ونفسيتك وعلاقتك بربنا ورضاه عنك متتردديش ومتنسيش انك بنت لازم تحافظي ع كرامتك وتصونيها وانك تستاهلي ارقي فرصه مش أي فرصه!
تم النشر الأربعاء، ٣ أبريل ٢٠٢٤
نظرات وإضافة على الفيس ومستغربة أنه مش مديكي وش لحد دلوقتي .. مش فاضل غير أنه يبعت أول رسالة وهتلاقي الكلام جاب بعضه وبعدها مش هتقدري تقولي تاني مخونتش ثقة حد!
تم النشر الأربعاء، ٣ أبريل ٢٠٢٤
أنا متعاملتش معاه ولا خونت ثقه حد الحوار كلوا كان نظرات بس و أد ع الفيس ومفيش اي حاجه تانيه اكتر من كده والله لكن متكلمناش ولا كلمه حتي والله
تم النشر الأربعاء، ٣ أبريل ٢٠٢٤
لعرض السؤال في فدني اضغط هنا