أنا دخلت في علاقه مع بنت من 3 سنين دي أول مره ارتبط ببنت والحقيقة أنا دخلت العلاقه وأنا كنت محتاجه حد في حياتي كنت بعاني من الفراغ العاطفي والفراغ في حياتي كنت قاعده في البيت بعد التخرج ومحتاجة حد في حياتي راودتني فكره أن اتعرف علي حد واتقابلت بيها علي الفيس بوك وكنت عارفه أنها ليسبيان بعتلها اضافه بس متكلمناش غير لما علقت علي صورة ليا وبدأت تفتح معايا كلام علي إني شكلي حلو ومن وقتها بدأت العلاقه كانت شخصيه صادقه ورومانسيه وخارجه من علاقه ولسه منهتهاش
أنا ساعدتها انها تنهيها بعد ما صارحتني باعجابها بيا وبشخصيتي واسلوبي وأنا الحقيقة اتعلقت بيها وفعلاً نهت علاقتها مع البنت واتقابلنا بعد حوالي أسبوعين وكانت مقابله لذيذه بس مشاعري اتحركت وقتها من نحيتها وارتبطنا حرفياً وبدأت العلاقه مابينا واتقابلنا بعدها مرتين ورا بعض كانت بتجيلي من سفر أنا كنت مبسوطه جدآ بيها وبحبها ليا وكلامها واحتوائها.
علي الجانب التاني كان فيه صراع نفسي مع نفسي لأني معترفه إن العلاقه محرمه واتناقشت معاها في الموضوع ولكن هي قالتلي أن دي ميولها وهي متقبله نفسها وعندها علاقات سابقه مع البنات بالنسبالها معندهاش اي مشكله بتواجها أنا كنت ف صراع ديما وهي عارفه أن دي مكنتش ميولي من قبلها ولا عرفت بنات قبل كده بعد فتره من الحوار ده انتهي وقبلت العلاقه ومبقاش فيه ضمير بيكلمني
كنت عايزه اكمل معاها ورسمت احلامنا مع بعض أول سنه كانت حلوه جدا والحقيقة هي كانت بتعاملني بحب وحنيه وتصالحني حتي لو أنا غلطانه فاكيد اتعلقت بيها وعوضت بيها كل النقص اللي عندي بعدنا فتره بعدها وبعدين رجعنا تاني كانت خناقه وقالت بعصبيه نبعد كانت هي بتتقلب المزاج وأنا مكنتش بتقبل عصبيتها وتغييرها كنت عايزه تفضل كويسه عالطول ومتتغيرش وديما الحب يفضل موجود ولكن زي اي علاقه حصل ملل رجعنا بعدها باسبوعين وكملنا واتقابلنا وكملنا سنتين وفي السنه التانيه بدأت التوتر يبان اكتر الخناقات بتزيد أنا ديما بعاتبها علي قله اهتمامها وعايزاها ديما تحتويني حرفياً كنت متعلقه بأول فتره زي ما بتتسمي البدايات ومش متقبله اي تغيير أو إهمال منها عايزه ديما حب واهتمام بشكل يرضيني هي كانت ديما معندهاش طاقه ولا شغف لشي مش بتشتغل زي من الاخر كان عندنا نفس الفراغ ده ونفسيتها مكنتش كويسه اغلب الوقت بعدنا تاني لتاني مره بناء برضو علي طلبها اللي شافت انها ظلماني معاها وإني بس اللي بدي في العلاقه دي وفعلا بعدنا ورجعنا بعدها بفترة وقبل ما نكمل التلات سنين بشهور أنا اللي طلبت منها ناخد بريك لاني مكنتش متقبله تغييرتها والملل والطاقه اللي بهدرها معاها ودي كانت اول مره تيجي مني أنا وكانت فعلاً النهايه خلال البريك كنا بنتواصل بشكل يومي مقطعناش التواصل بنطمن علي بعض
بس كرامتي مكنتش سمحالي اقولها نرجع عشان كانت جايه مني وهي كمان ساعات تحن وساعات تبقي قويه كنت عايزاها تيجي منها هي وتعرف قيمتي كان قصدي انها تحس في بعدي اني ممكن اروح منها فترجع تاني تكسبني وتقدر وجودي ده كان قصدي من البريك أني اعزز نفسي معاها اكتر بدل ما أنا بعاتبها علي كل حاجه قعدنا اربع شهور منفصلين ساعات بنتواصل بشكل يومي وساعات بنقعد بالايام منتكلمش لحد ما حصل عندها حاله وفاه رجعت اتواصل معاها واطمن عليها وفي خلال ده رجعت تكلمني بشكل مستمر وتحن وتلمح بالرجوع بس اعترفتلي اعتراف انها غلطت في الفتره اللي فاتت واتعرفت علي بنت وحصلت بينهم علاقه أنا سامحتها لأني شوفت انها مكنتش معايا وقتها
وهي اعترفت بضعفها وغلطتها وأنها كانت حزينه في بعدنا عن بعض أنا تقبلتها وتقبلت ندمها واحتواتها وهي قالتلي اني أحسن منها لأني كنت لسه بحبها ومخلصه ليها ومعرفتش حد بعدها للاسف ضعفت معاها وغلطت في الوقت ده وكان بيبان من صوتي اني بحنلها وكانت شايفه انها تقدر ترجعني بكلمه وعارفه ازاي تدخلي من نقطه ضعفي و من رغم أن مكناش رجعنا بشكل صريح بتعمل تصرفات بليل تدل ان اننا مرتبطين والصبح ترجع تاني تعقل بليل بتكون ضعيفه وعايزه حد يكون معاها يطمنها متعرفش تنام غير وحد بيتكلم معاها وانا كنت بعمل ده كنت الملجأ لضعفها
واتفقت ان احنا نتقابل ولما نتقابل كل حاجه هتتصلح وهنرجع وده كان رأيها بس أنا مكنتش مرتاحه وحاجه جوايا قالتلي مكملش وكنت شايفه انها علاقه فاشله وهتنتهي بدأت اتعامل معاها بطريقه رسمية اكتر لما حسيت أن العلاقه اخدت شكل مكنش ينفع يحصل تجاوزات دلوقتي وخصوصاً ان لسه متقبلناش دي اكتر حاجه ندمت عليا ولومت نفسي علي غبائي أنا كنت سهله معاها سبتها تختار زي ما هي عايزه ومختارتش نفسي دخلت معاها في حاله التوهان انها مش عارفه هي عايزه ايه حابه وجودي بس في نفس الوقت مش عارفه تاخد قرار نرجع ولا لا وانا كمان كنت زيها فضلنا كده اسبوعين الكلام اتغير وبدأت تقولي انها مش عارفه تاخد قرار وأنا سبتها ع راحتها زي ما طلبت أن نطمن علي بعض وخلاص عاتبتها ان كلامها اتغير اعترفت انها مش عايزه تأذيني وأنها بتضعف
فهمت ان فيه حد في حياتها بدأ يظهر لقيتها بتتكلم بليل بدأت اراقبها وفعلاً عرفت انها عرفت بنت جديده اتصلت بيها اخر مره وسألتها انكرت وقالت أنا ملحقتش أعرف حد بس عرفت وقتها انها بتكدب بدأت اتصدم فيها اكتر واكتر واشوفها بشكل تاني غير الشكل اللي رسمته ليها هي شافت انها مش عايزه تأذيني واني أحسن منها و كنت شايفه أني كنت كويسه معاها وهي مقابلتش معاملتي غير بجرح كبير عرفتها أن عرفت انها مرتبطة و قولتلها إني فرحان ليها واتمنلها التوفيق في حياتها كان لازم اقول وابان كده قدامها وكمان مكنتش بنزل اي شي حزين لاني عارفه انها كانت مترقبه رد فعلي أو ابان إني حزينه و مجروحه مبينتش ده ليها أبدا حتي لما اعتذرلتي معتبتهاش من رغم أن كان نفسي لحد دلوقتي اقولها كل اللي في قلبي بس لساني منعني
دخلت في شهرين اصعب ايام مرت عليا فيهم عياط بشكل مستمر وكل ما اراقبها كان قلبي يوجعني اكتر وأنا شيفاها بتحب ومبسوطه وعدت بسرعه عرفت انها مريضه نفسيا متعرفش تقعد لوحدها ولا بتقدر مشاعر غيرها وهي اعترفت إني احسن منها اعتذرلتي علي انها خيبت ظني وجت عليا عشان تريح ضميرها هي ضميرها بيأنبها زي العلاقه اللي قبلي كانت برضو مش بتنهيها بشكل رسمي عشان ضميرها لحد ما يظهر حد في حياتها وتبدأ معاها والتاني بيبقي فاكر أنهم هيرجعوا حتي لو العلاقه متوتره أو ملله
منعت نفسي من مراقبتها مسحت كل الشات والصور ولغيت ظهورها صفحتها قدامي ولغيت اي حاجه ممكن تخليها تظهرلي مسحت الاغاني اللي بينا وهي عرفت اني عملت ده لما عرفت انها ارتبطت كانت بتحاول تخليني اتكلم أو تعرف أنا هقول عليها ايه بس أنا معملتش كده ده حصل من شهر 11 ولحد وقتنا ده بتكلمني كل فتره تسال عليا زي ماكانت عايزه أن نسأل علي بعض من وقت للتاني حتي لو فشلنا وبوظنا العلاقه زي ما قالت وأنا رديت بأن عادي ومفيش حاجه بالنسبالي تتقال ده ملخص العلاقه
ملخص 4 شهور اللي عدوا عليا مابين توبه لله علي ذنبي و أخطائي معترفه إن عملت ذنب كبير من رغم أن عارفه من الأول ان حرام بس موت ضميري مقابل رغباتي أنا ملتزمه في الصلاة من زمان يعني كنت بصلي وانا معاها وبعمل كل الفروض وبحفظ قرآن ده اكتر نفاق حسيت ان عملته إزاي بعمل الاتنين مع بعض طبعا جلد ذات وتأبيب ضمير لا ينتهي من الفعل اللي عملته لمشاعري وطاقتي وتلات سنين راحوا في حاجه حرام أول مره افهم يعني ايه وجع القلب اول مره أحس بالحب والغيره والبعد والاشتياق اول مره اعيش كل المشاعر دي للاسف عشتها مع الشخص الغلط في علاقه حرام
ومابين تأنيب ضمير مابين الحرام اللي عملته ومابين أن صعبت عليا نفسي في العلاقه دي أن قللت من نفسي ومش أنا اللي نهيت العلاقه من الأول كان نفسي النهايه تبقي أحسن من كده وانا اللي كنت اخد قرار كان قدامي فرص وضعيتها لما شوفتها ع حقيقتها ساعات بحس أن لسه متعلقه بيها بستغفر ربنا كتير مينفعش اكون بتوب وفي نفس الوقت اكون لسه بفكر في شي أنا تبت منه اعصابي وتفكيري ونفسيتي وحشه جدا كل احاول اكون كويسه برجع تاني لنفس النقطه أنا عايزه اكون كويسه
السلام عليكم ورحمه الله وبركاته طب خلينا كده يعني نحط ملخص للموضوع او لو حطينا عنوان للمشكله فهي مشكله الفراغ. هنا احنا عندنا فراغ مش حاطين اي هدف مش حاطين اي حاجه نعملها في حياتنا حتى روتين يومنا العادي مش حاطين حاجه بقى يعني يكون بنقوم بنستثمر وقتنا فيها او وقتنا يكون بيتحط في حاجه فعلا لها نتيجه هتفرق معانا في حياتنا الموضوع من ناحيتك ومن ناحيه البنت التانيه فيلا نعمل ايه نعمل حاجه تكون مختلفه جديده تحطينا في حاله من ان الادرينالين يبقى عالي ودائما الادرينالين بيعلى في جسم الانسان لما بيكون داخل على حاجه فيها خطر طيب هي مش دي حاجه غلط هي مش دي حاجه حرام اه بس هي فيها نوع من الخطوره ايه هنا الخطوره بقى الخطوره ان انا بجرب حاجه انا ما اعرفش نتايجها ايه الخطوره هنا ان انا بجرب حاجه هي محطوط عليها علامه الغلط والحرام واللي ممكن تؤدي بالانسان في حاجه مش كويسه ولكن انا يعني عايزه اشوف كده ما يمكن ادخل وما يحصليش حاجه وهي دي الخطوره وهو ده اللي بيخلينالين بتاع البني ادم يكون عالي وهي دي الحاله اللي انت كنت فاكره فيها ان انت مبسوطه والله ومشاعر دي مشاعر أصلا ده بس ادرينالين بيعلى علشان انا داخل في حاجه هي غلط وفيها خطوره ده كده الملخص اللي انا احب انك تخصلي به كل التفاصيل اللي انت كاتباها عن الموضوع. التفاصيل كلها مش هتفرق في اي حاجه غير في الجزء اللي انا قلته لك ده حاليا انت محتاجه تعملي ايه محتاجه تراجعي نفسك في حياتك كلها عموما من وقت بقى انت خلاص ما بقتيش بتعملي حاجه مفيش دراسه وبقيتي قاعده في البيت هو انا ليه قاعده في البيت بعد التخرج ما بعملش حاجه هو فين الروتين بتاعي اليوم هو فين الحاجات اللي لها علاقه بالبيت فين الحاجات اللي هي علاقه بالعيله فين الحاجات اللي هي علاقه بربنا فين الحاجات اللي لها علاقه بان أنا بطور عقلي وذهني فين فين فين حاجات كتير جدا طبعا انا لما انا تجاهلت كل ده اتسحبت في طريق مكنتش المفروض اتسحب فيه نهائي فانا محتاجه ارجع اراجع ده ثاني كويس جدا جدا علشان ما أقعش في نفس الخطا مره ثانيه وعلشان ما احسش انه انا كل اللي انا بعمله ان انا بحن لشيء انا فاكراه ان هو مشاعر وحد كان بيحتويني وكل الكلام اللطيف ده اللي هو بس عشان انا ما كنتش لاقيه مسمى اللي انا حاسه بيه فاسميته بالمسمى المعروف يعني اقصى انا اعرفها فسميت ده مشاعر سميته حب والفطره الطبيعيه للانسان ما بتقولش ان ممكن بنت تنجذب لبنت ولا ولد ينجذب لولد وما فيش حاجه اسمها كده وده مش ميول ده حيود عن الفطره بيساهم فيها الشيطان لما بيكون في وقت فراغ ولما بيكون انا سايبه مساحه مش حاطه لها أهداف في حياتي فهو بيجي ويحط لي هدف غلط وانا للاسف بمشي وراه لما بكون انا ما عنديش تحكم فنوقف الكلام ده كله ونراجع حياتنا ونبدأ نحط اهداف ليومنا على الاقل، انا هقوم من الصبح اعمل ايه وما ينفعش خالص ان انا اكون صاحي كل يوم الصبح مش عارفه انا هعمل ايه ولا عموما في حياتي ابقى عارفه، حتى لو قاعده في البيت لانه الشغل مش هو الهدف اللي بيحرك الانسان في حياته لأ الانسان عنده حاجات كتيره جدا تقدر تشغله حتى هو قاعد في البيت ففكري في ده كتير جدا جدا علشان تبداي تتحركي في اتجاه افضل من كل اللي فات ده.
تم النشر الأحد، ٢ مارس ٢٠٢٥
السلام عليكم ورحمة الله وبركاته، شوفي بعيدا عن كل التفاصيل دي انسيها انسي كل الي فات وخلينا نبدأ على نضافة نسبة للفطرة دي مش الفطرة السليمة حاولي تشتغلي على نفسك وتغيري تفكيرك ومعتقداتك وتقنعي نفسك ان جميع الناس دون استثناء عارفين ان ده شئ فظيع جدا بعيداً عن الناس الي بتعمله دايما في فئة خارجة عن النص مينفعش نمشي وراهم. المهم بما إنك مسلمة الفعل ده مش بيخرج من الإسلام ولكن اعرفي ان ده كبيرة من الكبائر ومش هينة ابدا ابدا يعني لو انتي في بلد بتطبق الشرع والموضوع ده اتعرف كان زمان حضرتك مش معانا دلوقت تطبيقاً لقوله ﷺ: (من وجدتموه يعمل عمل قوم لوط فاقتلوا الفاعل والمفعول به) ليه؟ عشان يبقا عبره لأي حد يفكر يعمل كده والمشكلة ان النت مليان من ده فاربنا يعينا وانك اتسترتي لوحدها دي نعمة احمدي ربنا انه سترك لان مدة الذنب كبيرة وده معناه إن عندك فرصة تتوبي فامتيأسيش. دلوقت انتي عملتي الذنب ده وعايزة تتوبي منه اول حاجة خلي نيتك صادقة لله صادقة تماماً عشان توبتك تُقبل وبعدها صلي بقا ركعتين التوبة وادعي ادعي كتير ان ربنا يتوب عليكي واستغفري دايما متقطعيش عن الاستغفار بنية ان ربنا يغفرلك الذنب ده ومتتوقفيش عند ( إن الله غفور رحيم) بس لاا (إن الله شديد العقاب) عندك عمرك كله على قدر الي هتعيشيه عندك فرصة كل يوم وكل ساعة تتوبي فامفيش حجة فرصتك الدنيا مغتنمتيهاش في التوبة راحت حجتك خلاص. اهم حاجة النية الصادقة عن الاقلاع عن الذنب ده لو مش صادقة وعندك احتمال ترجعي الي هو بفكر ارجع بس بتوب دلوقت مينفعش اه احنا بنتوب عن ذنوب كتير وبنرجع غصب عننا ساعات ولكن معندناش احتمال واحنا بنتوب اننا هنرجع مش بنعمل حسابنا لرجوع كذلك وانتي بتتوبي. صدقيني مهما بلغت ذنوب العبد ما لم تطلع الشمس من مغربها في فرصة للتوبة ربنا بإذن الله هيغفرلك وهيتقبلك بس انتي ارجعيله. حاولي بقا تنسي كل الي فات وتشيليه من دماغك افهمي طبيعتك انتي انثي ومينفعش اتنين زي بعض في علاقة واحدة دول خطين متوازيين مبيتقابلوش ساعات الشيطان او نفسك الأمارة بالسوء هتجيبلك مقتطفات من الغلطات الي قبل كده مش معناه ان توبتك باظت لا هم بيغووكي ولكن انتي تستغفري وتقولي لنفسك انا تبت مهما الشيطان يتشقلب سدي بابه هو شغلته انه يخليكي ترجعي للغلط اومال شيطان ازاي بقا ولكن لو انتي بتتبسطي وانتي بتفتكري حاجة من اي ذنب ونفسك ترجعي لا كده احنا نتوب تاني وتالت لغاية ما نبقا كويسين. واخيرا اسمعي فيديوهات وبودكاست لشيوخ وناس ترجعلك ثقتك بنفسك، الواحد لما بيسمع لشخص ملتزم او على الاقل ذنوبه مش على العلن بنتكسف من نفسنا اننا عملنا ذنب زي ده ونتوب منه ونكرهه كمان. انك متعلقة بيها مش معناه ان ده حب شهوة لا كلنا بنتعلق بصحابنا شعور عادي جدا كل الناس العادية بتحب صحابها ولكن ابعدي عن الانسانة دي دي انسانة مش سوية نفسياً وبما انك هتتغيري يبقا تبعدي عنها بما إن حصل حجات مش كويسة مع بعض اكيد مش هتبقوا صحاب بعد كده كأن شئ لم يكن. ربنا يغفرلك بجد وترجعي للطريق الصح فعلاً
تم النشر الأحد، ٢ مارس ٢٠٢٥
عزيزتي، أقدر مشاعرك وتجربتك العاطفية المعقدة، وأتفهم الصراع الداخلي الذي تواجهينه. العواطف هي جزء طبيعي من تجربتنا الإنسانية، ولا شك أن كل ما مررتِ به كان له تأثير كبير على حياتك. للتعافي والتخطي ، يمكنك اتباع بعض الخطوات التي قد تكون مفيدة: الاعتراف بالمشاعر : من المهم أن تعترفي بمشاعرك، سواء كانت الحزن، الندم، أو حتى الحب المتبقي. تلك المشاعر هي جزء من عملية الشفاء. التسامح مع الذات : عليكِ أن تتعلمي مسامحة نفسك على ما حدث. كلنا نرتكب أخطاء، والأهم هو أن نتعلم ونعمل على تحسين أنفسنا. التقرب إلى الله : استمري في الدعاء واللجوء إلى الله، واطلبي المغفرة. اجعلي من الصلاة وقراءة القرآن وسيلة لتهدئة نفسك وتقريبك من الله. التفكير في المستقبل : حاولي تركيز طاقتك على أهدافك وطموحاتك الشخصية. ابدئي بالبحث عن اهتمامات وهوايات جديدة. الدعم الاجتماعي : ابحثي عن دعم من الأصدقاء أو أفراد العائلة، فتبادل المشاعر مع أشخاص تثقين بهم يمكن أن يخفف الكثير من الضغوط. تحديد الحدود : إذا كانت لديكِ القدرة على ذلك، حاولي تقليل التفاعل مع الشخص الذي كنتِ مرتبطة به، حتى تمنحي نفسك فُرصة للشفاء. استشارة مختص إذا لزم الأمر : إذا شعرت أن الأمور تفوق قدرتك على التحمل، فلا تترددي في استشارة مستشار نفسي. يمكن أن يساعدك ذلك على فهم مشاعرك بشكل أعمق والخروج بخطط لمساعدتك في التغلب عليها. تذكري أن كل تجربة تمرين بها تضيف إلى نموك الشخصي، وأن رحلتك للشفاء قد تأخذ بعض الوقت، لكنك ستخرجين منها بشخصية أقوى وأكثر تصالحًا مع نفسك.
تم النشر السبت، ١ مارس ٢٠٢٥
هو ازاى كدا 🙂🙂
تم النشر الأحد، ٢ مارس ٢٠٢٥
اى دا 🙂🙂
تم النشر الأحد، ٢ مارس ٢٠٢٥
لعرض السؤال في فدني اضغط هنا