دلوقتي انا والدي متوفي وكان معاه عقد نهائي للشقة وعقد ابتدائي والشقة مش مسجلة في الشهر العقاري ودلوقتي احنا مش لاقيين العقد النهائي ومعانا الابتدائي بس وخايفين والدي يكون كتب الشقة بإسم حد تاني وهو اللي معاه الورق فا دلوقتي اعمل ايه عشان اخلي الشقة بتاعتنا احنا بس مع العلم انا واخواتي لسة قاصر وماما الوصية علينا وعداد النور مش بإسم والدي بإسم صاحب العمارة هل الموضوع ليه حل ولا اعمل عشان خايفين الشخص ده يكون معاه الورق فعلا ويطردنا من البيت
العقد الإبتدائي اللي مع حضرتك تخلي والدتك الوصية عليكم وتكلف محامي يعملك صحة توقيع علي العقد ده هي دعوي شخصية تحفظية هدفها بس تثبت التوقيعات بدون بحث بنود العقد وكده يكون معاك إثبات أولي إن الشقة بتاعتكم وبعد كده بحكم صحة التوقيع ده روح سجله في الشهر العقاري وغير عداد الكهرباء لاسمك أو اسم والدتك الوصية عليكم بالحكم ده برضه
تم النشر الثلاثاء، ٢٣ يوليو ٢٠٢٤
الحل بسيط ان والدتك تعمل قرار وصايا علشان تكون وصية علي اخواتك القصر ثم كلكم تبيعوا ليها بعقد بيع حديث ثم هيتودع نصيب اخواتك القصر وصورة من العقد ده في النيابة الحسبية وبكدة الموضوع انتهي والورق بقي مثبت ف النيابة ومن رابع المستحيلات حد يقدر يقرب من نصيب القصز ف البيت والبيت بقي باسم والدتك وروح لمحام يكتبلكم العقد ده .دمت بخير
تم النشر الثلاثاء، ٢٣ يوليو ٢٠٢٤
أولاً، أحب أقولك أنه الموضوع ده ممكن يتلخبط بس فيه أمل كبير إنه له حل. تعالي نركز على كام خطوة مهمين: التوجه للشهر العقاري: روحي للشهر العقاري واستفسري عن الإجراءات اللي ممكن تعمليها بخصوص الشقة. هما هيكونوا أكثر فهمًا للإجراءات القانونية المعينة في حالتك. البحث عن الأوراق المفقودة: حاولوا تبحثوا أكتر عن العقد النهائي، محتمل يكون مختفي في مكان غير متوقع في البيت أو ممكن تتذكروا إذا كان والدك حطه في مكان معين أو عند حد من العيلة. تفويض محامي: من الأفضل توكلي محامي مختص بالوراثة والعقارات. المحامي هيقدر يساعدك بشكل أفضل في التعامل مع الأوراق القانونية وإثبات ملكيتكم للشقة. استخراج إعلام وراثة: ممكن تعملي إعلام وراثة من المحكمة لإثبات حقك أنت وإخواتك في الشقة. عداد الكهرباء: ممكن التوجه لشركة الكهرباء لتحديث البيانات. صحبتهم بالشقة باسمك أو باسم والدتك لأنها الوصية عليكم. شهادة الحيازة: تقدري تروحي لعمدة المنطقة أو المأمورية الإدارية وتطلبي شهادة الحيازة، وهي وثيقة بتثبت أنك سكنت الشقة لمدة معينة بدون منازع. التواصل مع صاحب العمارة: حاولي تتواصلي مع صاحب العمارة للتحقق من المعلومات الخاصة بالشقة وآخر المستجدات. ما تخليش القلق يسيطر عليك. دايماً في حلول، والخطوات دي هتساعدكم في تأمين موقفكم. خدي الأمور خطوة خطوة وربنا هييسر الحال إن شاء الله.
تم النشر الثلاثاء، ٢٣ يوليو ٢٠٢٤
لعرض السؤال في فدني اضغط هنا