أحببت شخصا وهو الآخر كذلك ولكن مشاعره تغيرت معي 180درجة وكأنه شخص أخر، ونحن الآن لا نتحدث!

Question

انا بنت عندي 18 سنة من حوالي 8 شهور بنت عم صاحبتي طلبت مني اني اختبرلها شاب متقدملها و ادتني اسم اكونت الفيس بتاعه و لما كلمته طلب رقمي و هي طلبت مني اديهوله و بعد ما كلمته فترة قالتلي امنعي كلام معاه و اعمليله حظر حصل و عملناه حظر و بعدها بيومين عرفت انها كانت بتكدب وهو متقدملهاش و ميعرفهاش اصلا ده صديق اخوها الكبير مع العلم أن والدتها كانت عارفه انها خليتني أكلمه عشان اختبره و اشوفه عريس مناسب ليها أو لأ المهم بعد ما عرفت لقيته أدى رقم أصحابه يكلموني ف دخلتله واتس و بعتله أن مش من الرجولة انك تدي رقمي لولاد يكلموني قالي انتي عملتي فيا كده ليه انا حبيتك بجد وضحتله سوء التفاهم اللي حصل و أن مليش ذنب و أن صاحبتي هي اللي قالتلي أكلمه عشان هو متقدملها و هتخطبله و عايزه تختبر أخلاقه المهم قالي مش مسامحك بعدين خلى حد من أهله يكلمني و قالي أنه حاسس من ناحيتي بحاجة و انا بصراحة كنت حاسة من ناحيته بحاجة طلب نرتبط كنت رافضة بس مع إلحاح شديد منه وافقت و ارتبطنا من غير ما يشوفني طلب يشوفني و عديت من جامبه و شافني و شوفته و لما كلمته فون قالي مشوفتكيش مع اني كنت متأكدة انو شافني كملنا فترة وبعدين طلب يشوفني تاني عدينا قصاد بعض و لما رنين عليه مكانش بيرد خالص و فالاخر لما رد قالي أنه كان مشغول نفس اللي حصل ده حصل فالمرة الاولى لما شافني و قالي كنت مشغول برضو و نفس الشيء كملنا حديثنا ف قولتله ها شوفاني قالي لأ قولتله لأ انت شوفتني قالي اه انتي مناخيرك كبيرة تضايقت اوي و قولتله خلاص كل واحد ف حاله راح قالي لأ انا مشوفتكيش اوي يعني ملاحظتي ملامحك بس انا حبك و مش بحبك عشان شكلك و هنكمل مع بعض كملنا مع بعض و خلى كل أهله يكلموني باباه و مامته و اخواته البنات و بنات خالته كل أهله و فضل يقولي أنه بيحبني مع الوقت الاهتمام قل و بعد عني و كنا بنتخانق كتير بس معملته ليا كانت وحشة اوي و آذاني و انا بابا منفصل عن ماما و اعتبرت مكان بابا و اعتبرته سندي و ضهري و حبيبي و اخويا و ملجأي بس هو كان بيجرح مشاعري باي عيب فيا و مع الوقت أهله قالوا إنهم رفضني و كانوا بيكلموني من تحت الضرس وهو كان ليطلب مني كتير نتكلم فيديو كول أو ابعتله صوري كنت برفض عشان يسبني طلع فيا عيوب و اني بكذب عليه و بخرج بدون علمه و اني مش بسمع كلامه و بعد عني عرفت من اخوه أنه شخصيته نرجسية و حاولت اتعامل معاه على كده اني اتجاهله كان بيبعت قرايبه يصلحونا نتكلم فترة و نتخانق و نعمل حظر لبعض و كل ده بسببه فالاخر لما كنا بنتعاتب بكلمه و أقوله الحلال من الحرام و كده لقيته قالي كلام وحش و اني كدابة و مستاهلهوش و اني مبعرفش احب و عايرني بحاجة و انا عملناه حظر اديلنا 4 شهور بس لما بتشوف بعض فالشارع بعيط قدامه و هو بيعمل نفسه مش شايفني أو بيبصلي بصة كأني مستاهلش ارتبط بيه أو اكون معاه كأنه قرفان مني ... انا بقيت كرها نفسي و شكلي و بقيت افكر اعمل تجميل انف و بعيط طول الوقت و عندي اكتئاب و تعبانة نفسياً اعمل ايه 😭😭😭

Accepted Answer

هذا الشخص منحرف نرجسي لا ترتبط به راح يعذبك اشد العذاب و من تصرفاته باين انه غير جدير بالحب كيف احببته في ايامات معدودة وهو غير مهتم غير في السوشيال ميديا و لا يريد مقابلتك و يعايرك بشكلك و بعد ذالك يستعطفك من جديد و ترجعي ثاني خليك بكرامتك و معاد ترجعي له ثاني

Answer

متزعليش نفسك ده واحد نرجسي مريض وربنا نحدك منه لو كنتي كملتي كان هيعشك في عذاب وطالما مش فارقله زعلك متحطيهوش في دماغك اصلا وانتي مبتحبيهوش انتي بتحبه شخصيته المزيفه اللي كانت في الاول علشان تقربيله لكن هو على طبيعته شخصيه تقرف كبري دماغك منه ومتفكريش فيه وربنا هيرزقك بابن الحلال ولو مش قادره تبطلي حقك الموضوع صعب بس احزني مع نفسك اوعي تبيني حزنك او ضعفك ليه او لاي حد ليطي قويه الدنيا مبتنفعشي الا مع الاقويا حاولي تقربي من اهلك وتصاحبي صحاب جديده ولو شفتيه ولا تبصيله ولو بصلك بقرف حطي صوابعك في عينه خليكي عارفه انك غاليه وتستاهلي احسن حد وصدقيني بكره هتشوفيه قليل اوي اوي اوي ولما يلاقيكي استبدلتيه هيجري وراكي وساعتها هتكوني شلته مكانه من قلبك وهتكرهيه اياكي تفكري تتوسليله او لو حتى هو طلب اللي اداكي مره هياذيكي الف صدقيني انا بكلمك عن تجربه حبي نفسك وجسمك وشخصيتك خليكي فاكره الجميل جميل بشخصيته وكلامه الحلو مش بشكله لكن من جواه اسود وخلي بالك من نفسك ❤️

Answer

حاولي تنسيه لانه شخص مؤذي اووي وقربي من ربنا ❤❤

أحببت شخصا وهو الآخر كذلك ولكن مشاعره تغيرت معي 180درجة وكأنه شخص أخر، ونحن الآن لا نتحدث!

نفسية

ثقة بالنفس

اجتماعية

حب

علاقات

سؤال من احد أعضاء فدني

تم النشر الجمعة، ١ ديسمبر ٢٠٢٣

4 إجابة

15 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك