انا عندي ١٥ سنه وبلعب كرة يد ،وبخاف اوي لما نيجي نلعب تقسيمه(ماتش بين بعض تبع التمارين) ومش بعرف اللعب خالص بسبب اني بخاف قبل كده كنت بلعب سله وبسبب خوفي ده فشلت فيها ودخلت في حاله نفسيه صعبه وبعد كده روحت كره يد وبرده بخاف جدا اللعب
مع إني عندي هدف ونفسي اوصله بجد في كره اليد ومش عايزه افشل تاني
هو الخوف محفز ومنبه ولكن لو زاد عن حده هيحرمنا من حاجات كتير.. إنك تتغلب ع الخوف ده بيحتاج منك تتقبل إنه مفيش نجاح بلا فشل وخبره.. وتزيد يقينك وثقتك بربنا إنه لا يضيع اجر من سعي واجتهد.. كل ما تشعر بالخوف طمن نفسك وشجعها واحتويها إنها حتي لو فشلت هتطورها وتحاول معاها تآني.. شتت خوفك بتركيزك ف اللعبة وانك تتمتع بيها و بالصحبه مش تنشغل بالنتيجة.. ركز فالرحله نفسها وذكرياتها والخبره أيا كانت النتيجة إلي فايد ربنا وادعيه كتير يوفقك ويرفعك ويراضيك يارب
تم النشر الأربعاء، ١٥ مارس ٢٠٢٣
طبيعي جدا ان الواحد يكون خايف، بس متخليش ديما الخوف يكون عائق في انك تحاول. لأن الخوف من انك تفشل هيخليك ديما متحاولش تاخد اي رد فعل في حياتك. مع ان الفشل مهم جدا في حياة اي انسان، لانه بيعلمه، انت عمرك شوفت واحد بيتعلم من الحاجة الصح؟ الواحد مش بيتعلم من الصح، الواحد بيتعلم من الغلط .. ف لازم كلنا نغلط علشان نعرف نعمل الصح بعد كده. ادي لنفسك فرصة انك تكتشف نفسك، لان الخوف اكبر عدو ليك، هيحاول انه يمنعك من انك تجرب كل حاجه حابب انك تتعلمها.
تم النشر الأربعاء، ١٥ مارس ٢٠٢٣
من الطبيعي أن تشعر بالخوف والقلق وأنت تتعلم شيئاً جديداً أو تمارس رياضة جديدة، ولكن الخوف الزائد قد يؤثر على أدائك ويمنعك من تحقيق أهدافك. لذا، إليك بعض النصائح التي يمكن أن تساعدك على التغلب على الخوف من اللعب في التمارين: 1. تذكر أنه من الطبيعي أن تخطئ في البداية، فالأمر يتطلب المثابرة والصبر حتى تتعلم اللعبة بشكل جيد. 2. حاول تحليل اللعبة وتعلم قواعدها عن طريق مشاهدة الأفلام المتعلقة بها أو الإنضمام إلى دروس خاصة. 3. قابل أصدقاء جدد في الفريق وحاول اللعب معهم خارج التدريبات الرسمية لتزيد من ثقتك بنفسك. 4. تحدث إلى مدربك عن مخاوفك واطلب منه النصائح والمشورة. 5. قم بتمارين الاسترخاء وتدريبات التنفس العميق للتحكم في القلق الزائد. 6. تحدث مع أفراد الأسرة والأصدقاء و اطلب الدعم والتشجيع. اذا ما تمكنت من التعامل مع الخوف الزائد لديك، فلا تتردد في مراجعة أخصائي نفسي للمساعدة في تخطي هذه المشكلة.
تم النشر الأربعاء، ١٥ مارس ٢٠٢٣
لعرض السؤال في فدني اضغط هنا