السلام عليكم
اردت معرفه شيئ قد شغل بالي منذ فتره و هو هل حرام ان اقرأ روايات خيال علمي ؟ و الروايات التي بها علاقه بالجن و العفاريت مثل روايه "خوف" مثلاً
هي غير حقيقية و انا مدركه ذلك و بها جن مسلم و جن كافر و هكذا ، فهل يجوز ان أُسلي وقتي بها ؟
انا سأات شيخ وده تفريغ التسجيل الصوتي اللي بعتهولي ليكِ.. قال النبيِ ﷺ ( اغتنم شبابك قبلَ هِرمك، اغتنم صحتِك قبل سقمِك ) قال النبي ﷺ ( نعمتان مغبونن فيهما ابن آدم الصحة و الفراغ) مغبون يعني ممكن نخسرهم ونندم عليهم بعدين... لازم تغتنمي الصحة و الفراغ في ذكر اللَّه وطاعته... ما الفائده من إنك تسمعي الرواية دي غير الخوف؟ أناس يجلبون للشقاء لأنفسهم... بيرشح ليكِ قراءة قصص الأنبياء و السيرة النبوية و عن الصحابة الصحابيات هتلاقي نفسك بتاخدي منها فائده ليكي، تدبري القرآن وهكذا
تم النشر الخميس، ٦ فبراير ٢٠٢٥
وعليكم السلام ورحمه الله وبركاته مش عارفه ايه اللي خلاكي تشكي انه ممكن يكون في هنا حرمانيه. الحاجات اللي بتبقى واضحه جدا ان هي حرام اللي هتكون بتتكلم عن اي حاجه ضد الاسلام رد تعليم الاسلام او حاجه بتزين الحاجات الغلط والحاجات الحرام وبتحطها في سياق. يحببها الى النفس يعني ويبينها انها حاجه عاديه عموما الحاجات اللي هتبقى بتدخلي افكار غلط فهنا انا مش عارفه هل انت شوفتي انه دي افكاره غلط انه فيه جن مسلم وجن كافر هو دي حقايق موجوده يعني الجن هما هو من امثالنا زيهم زينا فيهم المسلم والكافر والمؤمن والمذنب وكل حاجه يعني الفكره بقى الثانيه بتاعه الحلال والحرام انك تسلي وقت بيها طيب لو هي بقت بتاخذ من وقتك فانت ما بقيتيش ملتزمه مثلا بالفروض وبالحاجات.
تم النشر الأربعاء، ٥ فبراير ٢٠٢٥
السلام عليكم، هو أنا رأيي من رأي كوتش ياسمين في جزء حلال وحرام وإنه طالما مش بتحرض على شيء ضد الدين أو مفيهاش حاجات غير أخلاقية أو مخالفة للشرع فتمام. يمكن يكون رأيي متحيز شوية لأني بحب الروايات عمومًا وكمان بكتبها فحاسة إني في الآخر بتكلم بصفتي قارئة وكاتبة. ناس كتير بتهاجم الروايات عمومًا وبيقولوا مضيعة للوقت وكل الكلام ده بس أنا متفهمة تفكيرك وفاهمة ليه بتقرأي، وخصوصا روايات الخيال العلمي. وناس عامة حرمت الروايات وكتابتها ككل على أساس إنها كذب... طيب ما الكاتب والقارئ عارف إنها متخيلة ومخترعة... مش كذب يعني زي ما بيقولوا، فده تشدد وعدم فهم في رأيي. ** أنا عن نفسي بحب أقرأ روايات الفانتازيا والخيال العلمي وبحب أتخيل وأعيش في عوالم تانية وببقى عارفة وفاهمة إن كل ده من خيال الكاتب وكمان ببقى فاهمة إنه مش مرجعية عشان آخد معلومات حتى من الروايات التاريخية مش بآخدها مرجع يعني. روايات الجن كمان ببقى مدركة إنه مجرد خيال ومش لازم المعلومات اللي فيها تبقى حقيقية لكن للأسف ده هيفرق حسب القارئ ودرجة وعيه وتعلقه بالعالم اللي بيقرأه. يعني مش هقدر أرشح النوع ده من الروايات خاصة إن فيه روايات عن عشق بين البشر والجن.. وللأسف قرأت تعليقات من بنات صغيرات في السن عرفتني إن الموضوع بالنسبة لهم خرج من مجرد كونها رواية. روايات الخيال العلملي والفانتازيا وغيرها... شايفة عادي قراءتها طالما مش بتحرض على شيء مخالف للدين وطالما القارئ واعي ومتفهم وكمان عارف ينظم وقته بين الجد والتسلية فمتكونش الروايات مجرد مضيعة للوقت وإدمان يهمل معه باقي واجباته. شكرًا جزيلًا على طرح السؤال. تحياتي.
تم النشر الخميس، ٦ فبراير ٢٠٢٥
فكرة الحلال والحرام لا أستطيع أن افتيكي بها لكن من حيث المبدأ هل هي مخيفة ام لا أو هل تؤثر على تفكيرك الواقعي وأنك بتصدقي إن في حاجات كده ولا لأ في هذه الحالة يمكننا أن نتناقش هل تؤثر في إيمانك بالله أو تقتنعي بما يحصل في هذه الروايات أما أن لم تكن بها سغفك ابحثي عن مواضيع اخرى تستهويكي
تم النشر الأربعاء، ٥ فبراير ٢٠٢٥
لو مستمتعه ومبسوطه كملي لو مش مقتنعه بيها شوفي غيرها مضيعيش وقتك فيها
تم النشر الخميس، ١٣ فبراير ٢٠٢٥
اهم حاجه ابعدي عن الكتب السحريه ربنا يبارك فيكي عشان ميحصلكيش حاجه احيانا الفضول بيكون سبب دمرنا
تم النشر الثلاثاء، ١١ فبراير ٢٠٢٥
ما شاء الله الاجابات على السؤال كتيرة بس للأسف انا مش شيخ و معنديش اي خبرة او معرفة في الناحية دي بس شايف جواب استاذة سارة مقنع بحيث انك لازم تستغلي الوقت ده بطريقة افضل خصوصآ ان الروايات ملهاش اي قيمة علمية و بتضيع وقت كتير و ممكن برضك يكون فيها كلمات الحادية و برأيي الكتب العلمية افيد بكتير و لو متعلقة بلكتب القصصية اكتر اقرأي كتب عن السيرة الذاتية سواء من سيرة النبي عليه الصلاة و السلام او سيرة مالكوم اكس او سيرة هتلر فيه سير ذاتية كتير هتعجبك
تم النشر الخميس، ٦ فبراير ٢٠٢٥
الأفضل أن لا ننفر الناس يعني يقولوا أنا بقرأ الكتاب الفلاني نقوله لا إقرأ قرآن ، طيب كلام جميل بس وبعد ما يقرأ قرآن ؟
تم النشر الخميس، ٦ فبراير ٢٠٢٥
هو مفيش حاجه. تقول انها حرام بس كون أننا مسلمين. بنحاول نتجنب. أمور. ممكن تخلينا نتشكك في حياتنا أو تدخل. الخوف ف قلبنا بس طبعا الناس شخصيات مختلفه ونفوس غير التانيه. ف انا مقدرش افتي. ف موضوع الحرام والحلال .وربنا يحفظك
تم النشر الخميس، ٦ فبراير ٢٠٢٥
في البدايه بشكر حضرتك على كلامك ، حبيت اوصلك بس فكرتي في قراءه النوع دا بالذات و هي إن بحس المغامرات في الخيال العلمي إحساس تاني كأني بصنع مسلسل بشخصيات انا الي بخترع شكلها ، بدون بقا موسيقى تصويريه أو فتنه التبرج للممثلين و غيرو ، عشان كدا بشغل وقتي ب الخيال العلمي شويه عشان بحب الخارج عن المألوف ، بس كنت بستفسر كنت عايزه دليل قاطع على حرمانيتها مش اكتر ، و من الناحيه الإفادة ف طبعا اوافقك القراءه فيما هو مفيد احلى بس المفيد بردو بيتجزئ لإفاده نفسيه بطريقه غير مباشره و دا الي بيحصلي لما بقرأ خيال علمي بحس ب فرحه و نفسيتي بتتحسن بشكل كبير ، اتمنى تكون وصل لحضرتك قصدي
تم النشر الخميس، ٦ فبراير ٢٠٢٥
الكل متفق ع عدم قراءه هذه الكتب. ال بتلامس نوع من الشك واليقين. واكيد. طبعا البديل. القراءن الكريم. أو اي كتب هادفه. وخاصة أنها كتب خياليه ومش هتفدنا بشيء ربنا يحفظك
تم النشر الخميس، ٦ فبراير ٢٠٢٥
واضح انك بتديري وقتك بتنظيم بين الشغل والترفيه وأغلب اللي في البرنامج هنا وبيشتكو من أمراض وعقد نفسية هو بسبب العشوائية والتسويف وما شابه فما شاء الله وجزاك الله خير .. دينيا صراحة مش عارف بس لو أنا فمش هقرأها في وقت الفراغ فالتعمق في عالم الجن والخيال على المدى البعيد بتؤثر على تفكيري سلبيا وبتبعدني عن الواقع الملموس...يمكن دي مبالغة بس الدنيا كلها كتب غير ده.
تم النشر الأربعاء، ٥ فبراير ٢٠٢٥
هي روايه غير حقيقيه تماماً و الكاتب قال كدا ف اول صفحه من الروايه ، حتى أحداث الروايه غير منطقيه أبدا
تم النشر الأربعاء، ١٢ فبراير ٢٠٢٥
رواية خوف حقيقه
تم النشر الأربعاء، ١٢ فبراير ٢٠٢٥
طبعاً المتعه في قراءة ما هو مفيد و القرآن أولى مقدرش اقول غير كدا لإن دي الحقيقة انا بس حبيت اعرف دليل قاطع على حرامنيه حاجه بستفاد منها نفسياً إذا كان غلط او لاء و شكراً طبعاً لكلام حضرتك
تم النشر الخميس، ٦ فبراير ٢٠٢٥
ف الدراسه بقرأ الي يفيدني ف الدراسه لكن ف الأجازه بحتاج حاجه خارج النطاق ده كترفيه عن النفس و كممارسه لهوايتي ، و شكرا لكلام حضرتك
تم النشر الأربعاء، ٥ فبراير ٢٠٢٥
يعنى لو كده عندك وقت عشان ماتشتتكيش اقرأى فى حاجه هادفة تفيدك وابعدى عن الخيال العلمى والكتب التانيه الى ذكرتيها فى كلامك
تم النشر الأربعاء، ٥ فبراير ٢٠٢٥
اه فاهمك ممكن اعرف دراستك ايه يمكن
تم النشر الأربعاء، ٥ فبراير ٢٠٢٥
اوافق حضرتك الرأي و بقرأ قرآن الحمد لله بس بيبقا في وقت ببقا عايزه حاجه اعملها ذي اقرأ روايه او ارسم كنوع من ممارسه هوايتي ف عشان كدا بسأل نوع الكتب دي بالذات حرام ولا لاء عشان لو حرام امارس هوايتي ف قراءه أنواع تانيه فهمت قصدي
تم النشر الأربعاء، ٥ فبراير ٢٠٢٥
بلاش ممكن قراءة القرآن بتمعن تلاقى فيه الشغف الى عندك عن تجربه والله وده فى ثواب كبير جدا لحديث النبي صلى الله عليه وسلم من أراد الدنيا فعليه بالقرآن ومن أراد الآخره فعليه بالقرآن ومن ارادهما معا فعليه بالقرآن القرآن نور للعقل والقلب والبصر متعه لا توصف
تم النشر الأربعاء، ٥ فبراير ٢٠٢٥
لعرض السؤال في فدني اضغط هنا