ازاى ابطل اكون منعزلة واتفاعل مع الناس بحس انى مبقتش اتكلم مع حد خالص ، اعتقد ان دة قله ثقة في النفس أو بخاف من انتقاد الناس
مش عارفه الصراحه ، يارب تكونوا فهمتوا قصدي
اى نصائح ؟!
دائما أفضل طبيب هو نفسك فلازم تتعلمي تشخصي صح كونك منعزله فدا طبيعي انك بتخافي تكلمي الناس زي شخص صائم اول ما الأكل بيجي بيأكل بشراسه وفي الحاله دي يبقي اللي عندك مجرد "استباق" الحل بتاعه هو الدفع الا منظم ودي طريقه بنحرك بيها الشخص اتجاه مخاوفه. شكرا لسؤالك♥️
تم النشر الثلاثاء، ١٣ ديسمبر ٢٠٢٢
ان كنتى ترتاحى فى العزله انعزلى انا لا ارتاح الا فى العزله ملهاش دعوه بالثقه ولا اى بتنجان الناس لو مش عايزينك فى ستين سلامه والناس الى عايزينك خليكى جانبيهم مش لازم تتكلمى كتير اعرفى اخبارهم بس أما تعملى ايه فى وقتك بسيطه (الى بتحبيه)
تم النشر الثلاثاء، ١٣ ديسمبر ٢٠٢٢
الانعزال مش دايما سلبي لو انتى اللى حواليكى هيأثروا عليكى بالسلب .. فانعزالك كويس لو انعزالك سببه الخوف بسبب تجارب ومواقف مش حلوة مع اللى حوالينا ..يبقي نعرف ان الخوف مش هيمنع اللى حاجة اللى هتحصل حتى لو استخبينا تحت الارض. لو انعزالك بسبب انك مش حاسة انك عندك مهارة تواصل اجتماعى ..لذلك ثقتك فى نفسك قليلة..المهارة محتاجة تدريب وممارسة عشان تبقي واثقه انك تقدرى ...المنارسة مش هتيجى غير بانك تدخلى فى نقاشات وتعاملات مع الناس تعرفى منها ايه الافضل وايه الانسب. متستسلميش للكسل وتقعدى ....لما حد يعزمك على خروجة او عزومه ...متقوليش لا ..حتى لو هتقعدى عشر دقايق وتمشي ..المهم متكونيش قعدتى بسبب الخوف من التواصل. الراحة والاستسلام سهل ..بس احساسة وحش وبيمنعك من تفاصيل حلوة ...حتى لو فى تفاصيل وحشة ...بس الحياة طبيعتها ناخد منها كل الانواع . حتى لو طبيعتك انطوائية اكتر ...بردوا خدى نصيبك من الاجتماعية بقدر يناسبك.
تم النشر الثلاثاء، ١٣ ديسمبر ٢٠٢٢
الانعزال مش دايما سلبي لو انتى اللى حواليكى هيأثروا عليكى بالسلب .. فانعزالك كويس لو انعزالك سببه الخوف بسبب تجارب ومواقف مش حلوة مع اللى حوالينا ..يبقي نعرف ان الخوف مش هيمنع اللى حاجة اللى هتحصل حتى لو استخبينا تحت الارض. لو انعزالك بسبب انك مش حاسة انك عندك مهارة تواصل اجتماعى ..لذلك ثقتك فى نفسك قليلة..المهارة محتاجة تدريب وممارسة عشان تبقي واثقه انك تقدرى ...المنارسة مش هتيجى غير بانك تدخلى فى نقاشات وتعاملات مع الناس تعرفى منها ايه الافضل وايه الانسب. متستسلميش للكسل وتقعدى ....لما حد يعزمك على خروجة او عزومه ...متقوليش لا ..حتى لو هتقعدى عشر دقايق وتمشي ..المهم متكونيش قعدتى بسبب الخوف من التواصل. الراحة والاستسلام سهل ..بس احساسة وحش وبيمنعك من تفاصيل حلوة ...حتى لو فى تفاصيل وحشة ...بس الحياة طبيعتها ناخد منها كل الانواع . حتى لو طبيعتك انطوائية اكتر ...بردوا خدى نصيبك من الاجتماعية بقدر يناسبك..
تم النشر الثلاثاء، ١٣ ديسمبر ٢٠٢٢
أهلا بيكي، الانعزال اشكاله كتير ومراحله كتير اووي .. ف كل ما نقدر نقاومه من بدري كل ما يكون أفضل لينا قبل أي حد. طيب ازاي متبقيش منعزله؟ اشتركي ف أنشطة سواء تبع الجامعة مثلا. أو في جمعية خيرية أو أي نشاط تحبيه. ممكن لو في وقت فاضي عندك تشتغلي ويكون شغل فيه تعامل مع الناس. ممكن كمان نفهم عن نفسنا اكتر وعن الناس عموما وطبيعتنا البشرية وهكذا وارشحلك البرنامج ده لدكتور عبد الرحمن ذاكر الهاشمي https://youtube.com/playlist?list=PLvGpI5t1gJ8QJzbA7fP4Iq6XtumVZ2sY6 وممكن تشوفي دورة تانيه لو لقيتيها مناسبة ليكي اكتر المهم تعرفي اكتر عن طبيعتنا كبشر وعن اختلافنا عن بعض وازاي مع اختلافنا يبقى عندنا صحاب ونبقى بنتعامل كويس ومفيش بينا خلافات عادي. ممكن كمان بعدها تعرفي اكتر عن الذكاء الاجتماعي والذكاء العاطفي وهتلاقي دورات كتير متعلقة بالموضوعين دول على منصة ادراك او رواق وغيرهم.
تم النشر الاثنين، ١٢ ديسمبر ٢٠٢٢
اجعلي من نقطة ضعفك في المجتمع مركز قوة و بدلي اي سلبيات في حياتك بالايجابيات .
تم النشر الجمعة، ١٦ ديسمبر ٢٠٢٢
لو عرفتي سبب انعزلك اي و اتغلبتي عليه كل حاجه هتكون كويسه و مش هتكوني حابه العزله نهائي
تم النشر الأربعاء، ١٤ ديسمبر ٢٠٢٢
اعتقد انتي محتاجة تعرفي اولا سبب عزلتك وعلى اساسها هتقرري .. يعني مثلا لو السبب مشكلة ثقة في النفس ف ياتري ليه ؟ وهل لو اتكلمت مع الناس ايه اللي الضرر اللي ممكن يحصلي؟
تم النشر الاثنين، ١٢ ديسمبر ٢٠٢٢
لعرض السؤال في فدني اضغط هنا