عليكم السلام ورحمة الله وبركاته حببتي قرأت تعليقاتك.. طبيعي مهماا كان مين بيبقي في رهبه وفرحه لما نتكرم أو نعمل presentation وكدة. كل الفكره بس إنك اتنفسي كويس خدي نفس علي ٤ عدات اكتميه عدتين وخرجيه علي ٨ عدات. وابدأي تخيلي حاجه بتحبيها أو كرري الأرقام بالعكس فيشتت تفكيرك عن الموقف أو تسبحي.. طيب لو فالعموم بتتوتري فيبقي آنتي مش بتحبي نفسك كفايه و بتستني أراء الناس أو بتأثر عليكي وده مش صح.. آنتي مراية نفسك والناس بنستشير ذوي العلم منهم وذوي الثقه والحب لكن أي غريب ميشغلكيش مهما عمل.. حوار طولك حببتي الموديلز بيكونوا طوال ،وبما إنه مش فايدك ودي خلقه ربنا يبقي اللهم لا اعتراض خلقنا فأحسن صوره فال يتريق ردي عليه إنه مش بيتريق عليكي هو بيتريق علي خلقه ربنا. آنتي مكنتيش بتمسكي رجلك تفرديها مثلا واقلبيها بضحك وامشي بمبدأ كل نفسك قبل ما حد يكلك.. وحاجه كمان مهمة لو كلمه أثرت فيكي يا تردي بكل حزم إن ده مش مسموح يا تكبري وتهزري وتردي بثقه وثبات لكن متبينيش أبدا إنها أثرت لأن ده طعم وصيده للناس الفاشله يتسلوا عليها... كلمي نفسك دايما بحنيه وشجعيها مش تستني من حد يشجعك ويحببك فنفسك
تم النشر الثلاثاء، ٢١ مارس ٢٠٢٣
ف العلاج النفسي بيقوم ع فكره انك تشتيتي افكار القلق ف المواقف الاجتماعيه وده من خلال مثلا الاستغفار او ترديد نغمه مريحه للأعصاب او عمل عمليه حسابيه ذهنيه بتشتت افكار القلق وفي كمان مواجهة الافكار وده عن طريق انك قبل متواجه العالم تبصي لنفسك كويس وتتحققي من ان مفيش فيكي غلطه وشكلك مضبوط ولبسك مضبوط وربنا خلقك ع احسن صوره مفيش معاكي اي حاجه تخلي الناس تبصلي وتنتقدني والمهم جدا المداومه ع تمارين الاسترخاء العضلي والتنفسي بيقلل اعراضه جدا ولما تيجي تتكرمي او تقفي قدام زمايلك عايزاكي تواجهي الفكره دي انا لبسي حلو وشكلي جميل ربنا خلقني ع احسن صوره مفيش فيا اي حاجه تخلي حد يتريق عليا ممكن بيبصولي عشان شكلي حلو اصلا مش عشان عيب فيا
تم النشر الثلاثاء، ٢١ مارس ٢٠٢٣
عليكِ الاسترخاء، فهذا الأمر يحدث للكثيرين، وهو شائع للغاية. أولاً، يمكنكِ أن تبدأي بتمرين التنفس العميق عندما تشعرين بالقلق. اسمحِ لنفسكِ بدقيقة واحدة للتركيز على التنفس العميق والتنفس من بطنكِ. في البداية، قومي بالتمرين في مكان هادئ وبدون أي ضغوط. ثانيًا، حاولي تغيير طريقة تفكيركِ، وتفكيركِ بإيجابية، فبمجرد أن تصبحي مرتاحة مع ذلك الأمر، سيصبح من السهل السيطرة على القلق الذي تشعرين به. أخيرًا، قومي بممارسة القدرة الشخصية والوعي الذاتي، حاولي استكشاف ما يجعلكِ تشعرين بالقلق والتوتر ومن ثم تطوير الصفات الشخصية التي ستساعدكِ في التغلب على هذا الشعور. فالثقة بالنفس هي صفة تحتاج إلى الكثير من الممارسة والتدريب.
تم النشر الثلاثاء، ٢١ مارس ٢٠٢٣
هل ده بيحصل في كل حاجة في حياتك، بتخافي من حاجة تانية، او بتحصل ليكي اي مشاكل مشابهة؟.
تم النشر الثلاثاء، ٢١ مارس ٢٠٢٣
لعرض السؤال في فدني اضغط هنا