ولا أنا بنت عندي 28 سنة مش متزوجة بشتغل من سنين طويلة اتولدت في بيت اصعب ما يكون وانا صغيرة الاب والام هما الالهة اللي مش بيغلطوا وفي رحلتي في الحياة اكتشفت ان كل حاجة في حياتي غلط أب غير مسؤول اعتمادي في نظري ناقص للرجولة عمري ما حسيت اني تحت حمايته مؤخرا كنت بسمع امي تقوله انه مش بيقدر غير ع الاضعف منه ودي م المرات القليلة اللي شفتها بتواجه بحقيقة ع الرغم طول عمرها عايزة تطلعه في نظرنا انه مفيش اب زيه فاكرة مرات كتير بيضربني ضرب صعب جدا بيتهمنا في شرفنا بدون سبب ويقول الناس بتقول وبتقول واحنا مكناش بنعمل حاجة بالعكس كنا ملتزمين دينيا جدا ولسه لحد النهارده بيشتم امي ويشتمنا بابشع الكلام (ده عملي عقدة اني بقيت اشوف كل الرجالة كده وخاصة لما اتقدملي ناس كنت بشوف منهم مواقف احس بضعف شخصيتهم اكرهم لاني بحس اني هعيش نفس المعاناة) الام ضعيفة الشخصية عمرها ما فهمت احتياجنا لكن ليها عذرها تحملها لدور رجل البيت والخدامة خلاها مقدرتش تفهمنا بسبب اهمالها اتعرضت للتحرش اكتر من مرة لسه لحد النهارده فاكرة التفاصيل (اترتب ع ده كرهت جسمي وزود عقدتي اكتر ان كل الرجالة مفيش في دماغهم غير الحاجات دي وبقيت اشوف علاقة الزواج اللي كرمها ربنا حاجة مقرفة) شفت فيديوهات اباحية ع تليفون اخويا بالصدفة من بعدها ادمنت الاباحية بقالي اكتر من 10 سنين مش قادرة اتخلص منها ع الرغم بقعد فترات طويلة من غيرها لكن برجع في الاخر اختي كانت بتكلم شباب بسبب المعاناة اللي كانت فيها وفقدانها للحب في البيت وده خلى الناس طول الوقت ماسكة سيرتنا فلما كان يتقدملي او يتقدملها حد اخاف انهم يسألوا علينا عشت في بيت جدي وعشت معاناة خالتي اللي اتاخرت في الزواج فاتربيت وانا عندي الخوف من تجربتها وانا اصغر شوية اتقدملي ناس كتير لكن بسبب خوفي وشعوري ان فينا حاجة مش كويسة طول الوقت عايشة في قلق وعايزة الموضوع ينتهي من غير ما نتفضح ايه السبب معرفش من ابتدائي وانا بحاول اكون قريبة من ربنا اغلط وارجع اتوب بدعي كتير وصل لمرحلة بلوم ربنا ليه سايبني ليه عارف احتياجاتي وانا ممكن اقع في الحرام ويسيبني ليه انا وكل اخواتي مش متزوجين وبدأت أبص لحياة الناس واحسدهم وكل ما نفسي تقولي عندهم حاجات ناقصة اقول مش اكتر من اللي ناقص عندي بقيت شخصية سيئة جدا طول الوقت قافلة ع نفسي مش عايزة اتعامل مع حد كارهة شغلي وفي نفس الوقت مش قادرة اسيبه واقعد في البيت اعاني يعتبر هو مهربي الوحيد ماليش صحاب وانا اللي بعدتهم عني كل يوم بصحى م النوم دماغي شغالة في فكرة الانتحار مهما اعمل رياضة اتفسح اقرا كتب اسمع بودكاست وخطب وقران وادعي مفيش حاجة بتتغير مبقتش حاسة باي شعور عايزة اتكلم مع حد ومش قادرة اخد خطوة العلاج النفسي ازاي اقعد قدام حد احكيله الكلام ده افيدوني 😥
انا عارفه انك هتستغربي من محتوى الاجابه بتاعتي شويه. ممكن تكوني حاسه انك في بيت اصعب ما يكون بس انا اكد لك ان اكيد في اصعب. اكيد في اصعب بمراحل كتير وبدرجات كتير. كل حد فينا بيبقى شايف الوضع اللي هو فيه اصعب حاجه ولا يحتمل. لكن يقينا وصدقا وامانا لرب العالمين اللي اسمه العدل فهو ما بيديناش فوق قدرتنا ابدا ربنا عارف قدرتنا تستحمل لايه. فبيدينا على قدها مدينا حتى الابتلاءات والصعوبات على قدها. ولما بتلاقي حد انتهت حياته قصاد ابتلاء او قصاد قدر الله مصيبه جات له فجاه فالمصيبه دي كانت اكبر من من اللي هو يستحق. طيب واحده من الابتلاءات دي بتبقى في البيت اللي هو بقى بالنسبه لنا هو المكان الاول هو المصدر الاول لكل احتياجاتنا فبيبقى بتلاقي صعب شويه بيبقى تقيل انه انا منتظر اصلا ان دول الناس اللي يصبوا عندي الحاجات اللي انا هاخدها اتعامل بها في الحياه افاجا ان الحاجات اللي اتصبت عندي حاجات ما تساعدنيش تتعامل في الحياه بشكل مريح او بشكل يكون سويك كفايه ويبدا يظهر عندي مشاكل في شخصيتي او شويه حاجات كده تبقى متقلاني نفسيا فتصعب علي شويه حاجات بره ابتلاء. وحاجه صعبه مش هنختلف عليها خالص. نعمل فيها ايه بقى؟ اولا حتى لو هتتكسفي من اي بني ادم تقعدي تحكي له فاكيد مش هتتكسفي من ربنا. واحنا في اي حلول بنحاول نعملها او اي خطوات بناخدها علشان نحل المشكله اللي عندنا بنبدا ناخد بالاسباب اللي في ايدينا اللي تحت ايدينا ولكن كده كده بيفضل السبب الاهم هو ان ربنا يعيننا في الامر ده وان احنا ربنا في الامر ده. وبعدين كده ونخلص كل الحاجات اللي في ايدينا ايه اللي في ايدي انا اقدر اعمله بس فعلا اخد بالي اني اقدر اعمله لكن لو تخيلت ان انا ما اقدرش اعمل اي حاجه خالص انا بصعب المواضيع على نفسي لا ابذل كل ما في وسع من طاقه. وبعدين اقول خلاص بقى ايه يا رب انا خلصت كل الحاجات اللي في ايدي وتوكلت عليك انت تحل لي الباقي.
تم النشر الاثنين، ١٥ أبريل ٢٠٢٤
مش عارف اقولك غير كملي عيشي حبي نفسك و حبي اللي يحبك و خصوصا امك مش عارف تصدقيني لو قلتلك ان ربنا بعلمك اذاي تختاري شريك حياتك و الأهم اذاي توفري مناخ اسري صحي لأولادك انتي لازم تخرجي من الحالة دي و لازم اكتر متركزيش مع كلام الناس ده كلام مش مهم اغلب الناس اللي بتجيب في سيرة غيرهم اغلبهم اصلا عاملين من البلاوي الفضايح اكتر من الإنسان الساكت و الناس الاسيواء نفسيا اللي يقتنعو ان البني آدم ممكن يغلط و يصحح الغلط قليلين جدا في المجتمع الشرق اوسطي عموما ف ٩٠في النية من بشر العالم التالت مرضي نفسيا بالله عليكي تصدقي... احمدي ربنا علي نعم حياتك اللي انتي اتعودت عليها احمدي ربنا علي دوام النعم القليلة و اوعي تحسدي حد والله ربنا شايلك الخير انتي بس ارضي ارضي و تجاهلي الاب الفاشل اللي لا يستحق يكون اب. ممكن تحاولي تفهمي هو بقي كدا ليه.. ممكن تحاولي تنسي و ان شاء الله ربنا كريم ربنا عايز يسمع صوتك في الدعاء و ربنا يدفع بلاء اكتر عنك بعدم استجابة الدعاء و صدقيني ده الشيطان بيحاول يوصلك لاخر محطة و هو الموت الشيطان بيخرب البيوت عشان يضل اهل البيت كله... سامحي نفسك.. علي غلط وابدأي من جديد في مكان جديد. وسط جيران تانية ناس تانية بس اختاري مكان اهله ناس سمعتهم حلوة عشان لما يشوفو الخير اللي جواكي.. يخلو سمعتك حلوة اتمني اكون بكلامي أثرت فيكي ربنا يريح بالك و يرزقك الخير و يا بنتي متخافيش جربي الخطوبة شوفي الراجل. و ان شاء الله هتلاقي الشخص السوي الراجل اللي يعوضك
تم النشر الاثنين، ١٥ أبريل ٢٠٢٤
الله لا يمل إلّا أن يمَلَ عبدُه"" إيّاكِ وانك تيأسي من روحِ الله والدعوات انواع يمكن دعوتك مؤجلة لوقتها المناسب ربك أدرى وأعلم وأعلى من التدابير النظريه اللي بنحطها لنفسنا ولو ع البيوت فياااما فيها متحسبيش انك لوحدك كتير ممكن يكون في نفس ظروفك وظروفنا كلها بما فيها من ابتلاءات هو قضاء الله واوقات بتكون ل فترة مؤقته ك اختبارات من الله عز وجل لينا حتى وان كانت الفترة دي طويلةة شويه يقولك ان الله إذا أحبَّ عبدًا ابتلاه ربنا يعينك ويقدرك ويحجبك عن كل سوء والزواج فهو تريُّس م سلق بيض اي يعني اما تنتظري للوقت المناسب اللي تعرفي تنتقي فيه الراجل السوي من وجهة نظرك و ع فكرا لسه صغيرة انتِ لا تقلقي وربك بيدبرها م عنده
تم النشر الاثنين، ١٥ أبريل ٢٠٢٤
بص اي حد عند حكيات مع اهلو اغلبيت المشكلة من الأهل وبعدين مهم ما لاب عمل حاجة فكي مينفعش نضيق منو وكلام دي فإنني هتعملي اي اقرب من ربنا يمكن دي بلاء من ربنا في صبر وكيد ربنا يعوضك خير
تم النشر الاثنين، ١٥ أبريل ٢٠٢٤
اكتر حاجة محتاجاها انك تقتنعي انك مش وحشة ،، انتي بس اتعرضتي لمواقف كتير صعبة بس الحمدلله عدت انتي قوية و قدرتي تعدي من حجات كتير متخليش غير الفكرة دي فدماغك و ربنا مبيبتليش حد بحاجة الا و هو عارف انه يقدر عليها "لا يكلف الله نفسا الا وسعها" فانتي قدها و الحمدلله محافظة ع نفسك لدلوقت كملي طريقك فسماع البودكاستس و قراءة القرآن و القرب من ربنا و ادعيه كتيييير يصلح حالك ،، و متعمميش المواقف ال شوفتيها فأهلك صدقيني في رجالة كويسة و بتقدر و بتحب ادي فرصة و ربنا ان شاء الله هيوفقك لكل خير و حاولي يكون ليكي صحاب ع الاقل واحدة و تحكي ال جواكي او عالاقل احكي هنا كل فترة و ربنا يريح بالك يارب💜
تم النشر الأحد، ١٤ أبريل ٢٠٢٤
الاهل دول اول ناس بنقابلها بنقلدهم في كل حاجه اول ما تتولد البنت بتمسك لبس امها وحزمتها والدول بيدخل رجله في جزمه ابوه لان هم اول حاجه بنشوفها في الدين ودا بتمثل في القدوه بس احنا وصغيرين بعد ما نكبر تفكرينا بيتغير ونبدأ نتمرن عليهم ونتتقد فيهم ونتعامل معاهم زي ما بتقولى انهم الهه مش بيغلطوا ودا لفظ بيكون كنايه عن الحقيقه لازم تتقبلى انهم بشر وبيغلطوا وفيهم عيوب زيك مش مثالين الكمال لله وحده وتبدأ تركزي على الحلو اللى فيهم كم مره ضحوا كم مره حلوه حتي لو وحشه غلب حلوه مش هيكون اسوء من ابو سيدنا إبراهيم ده رمي ابنه في النار ولا اخوه يوسف دول رموه في البئر مش يمكن الغلط فينا احنا من الاول ابداى راجعي ذكرياتك معاهم وابيهم وتقبلى انهم بشر واتنازل متعرفيش هم هيروحوا منك امتي قربي منهم وتتكلمي معاهم لو فيه فرصه لخلق لغه حوار اكتبي رساله لباباك ومامتك وقولى كل الحلو الاول وأبداً أوصفي معانتك ليهم وي ريت مش كله هينفع معاه خصوصا انو هم بيكون عندهم كبرياء ازاى هم ولادي ويعدلوا علينا متخليش عيوب الاهل ينسيك نعمه انك وسط اهلك لما تزعلى منهم اقعدي غمضي عينك وافتكرت لما تعبت مين اول حد جرى بيك افتكرت الحلو
تم النشر الاثنين، ١٥ أبريل ٢٠٢٤
اخر حاجه واسفه لو طولت حطي هدف لحياتك وعيشي علشانه الهدف دا لازم يكون لربنا انت جايه الدنيا تختبري وتمشي فاحسني الرحله والرحيل يعني بمعني انت بتقولى بتبصي لحياه غيرك هو انت لو في امتحان وخاصه لورقه صحبتك وعماله تحلى منها حتي هتنجحي هتنجحي لو نفس الامتحان بس الدنيا الوضع مختلف لأنك كل واحد ورقته مختلفه واختبارك غير اختبارها علشان كدا متحاولش تركزي مع حد تاني ركزي في ورقتك انت وحكايات ابنيها انت الزواج ولا الشغل ولا الصحاب حل والانتحار دا هروب ومش حل راجعي آيات اللى بتتكلم عن الموت واليأس وهتعرفي علاجك كان قدامك طول الوقت والحاجه االى انت باصه فيها منعرفيش هو خسر اى قصدها فاحمدي ربنا اقراء كثير عن الدار الاخره واسمعي دورات للشيخ علاء حامد وحازم شومان والداعيه هاله سمير وأبداً من جديد
تم النشر الاثنين، ١٥ أبريل ٢٠٢٤
اى علاقه انسانيه بتكون محتاجه منك حاجتين انك تعدي وانك تتقبلى تعدي مواقف كثير ومتقوفيش على الوحده وتحطي في بالك انو دا مش شخص مثالى يعني في خطوط معينه وتتقبل عيوب اللى قدامك وكل ما هتحبي اللى قدامك هتقل عيوبه مش بيقولك مرايه الحب عاميه الحاجه الثانيه في ناس مميزه كدا لازم تحبهم زي ما هم وتضحي علشانها الاهل من كثر الوجع اللى بيشوفه هم برده بيكون ضحيه لاهلهم ويعملوا زي ما اتعلموا وللأسف وقتها هم مكنش عندهم نت ولا عرفوا يتطور زينا فلو هم عارفين بيك بادريهم بالإحسان صدقني مع الوقت هيتغيروا معاك التغير بيبدأ منك أنت والحب ممكن يغير الإنسان ابوك اشربي على القسوه فميعرفش الحب وامك من كثر مشالت نسيت دور الام ومتلوميش حد على غلطك انت كبيره وعاقله سيدنا الرسول ملمش انو اشربي من غير ام وأب وطلع صالح سلما الفارسي ابوه حبسه وقرر يتعرف على الدين الحق ويقرب من ربنا امرأه فرعون طالعه من بيت واحد بيقول انا ربكم الأعلى واحده مجالهاش كبر ولا اتعوت منه شوفي امثله وقدوات حقيقه وأبداً اتعلمي منهم
تم النشر الاثنين، ١٥ أبريل ٢٠٢٤
الحاجه اللى تخص الزواج .. متقوليش حد عن الماضي ولا حتي نفسك لانه خلص ومش هيتغير في ايدك المستقبل تغيره واتعلمي تشيلى مسؤليه غلطك حتي لو في ناس ليها ذنب انت مسؤله عن نفسك وتقدري تغيري مصيرك وان ليس للانسان الا ما سعى قبل ما تتطلب من ربنا الزواج الزواج مش علاج لكل اللى انت فيه ومفيش حلال ينال بمعصبه الله ما عند الله لا ينال الا بطاعته فمتنسيش من ربنا وانت بتعصبه وكمان بتحمله ضغفك السري كبرك وقولى انا غلطانه وضعيفه وفكري فيها من ناحيه تانيه تفكترى لو انت اتجوزت كدا دا حل للاسف انت هتنجبي انت عارفه حجم المسؤليه اللى انت فيها الزواج مش هدفه الكلام دا ومش فستان وطرحه ولا كل دا دا موضوع كبير جدا وهو هدفه بناء بيت مسلم قربي من ربنا وصلتي كسرك معاه اعترفي بغلطك وضغفك ولما تتطلعي زوج صالح لازم تصلحي نفسك ان الله لا يغير ما بقوم حتي يغيروا ما بأنفسهم مش يمكن كل دا ابتلاء علشان تفوقي وتبدأ من الاول والحب مش هتلاقيه قبل ما تحبي ربنا وثم نفسك وبعدين هتلاقي اللى بيحبك زي ما أنت
تم النشر الاثنين، ١٥ أبريل ٢٠٢٤
السلام عليكم ورحمة الله وبركاته عساك بخير اولا بدايه الحل ان احنا نمسك المشكله ولو عرفناها يبقي كدا هنبدأ نحلها امسكي عقده عقده وفكيها واعرفي انها كلما ضاقت كلنا فرجت اولا مشكله العلاج النفسي مش عيب ولا غلط وصدقني مهما كانت نتيجه انك تتكلمي مع حد أحسن بمليون مره من انك تموتي وانت عايشه او تنتحري انت واحده مؤمنه بالله ثانيا ان مش دكتوره ولا مختصه انا هقولك من تجربه مش أكثر ثالثا انا معاك وفي ناس كثير زيك لازم تعرفي انك مش لوحدك لان هدف الشيطان الاول انو يفرق القطيع وبعدها يستحون عليه ودا بدليل ان ربنا وصي رسولنا الكريم يفضل وسط صحبه رغم انو رسول ووحي ومع ذلك قاله واصبر نفسك مع الذين يدعون ربهم .. في سوره الكهف الايه دا لو تتدبرتيها هتلاقي فيها كم هايل واصبر نفسك دا صيغه امر يعني لازم تصبر نفسك واتأكد على النفس مع الذين يدعون ربهم بالغداه والعشي والمقصود هنا العباده بشتى الانواع يعني من الاخر احشر نفسك وسط اى حد بيعبد ربنا بيصلى ماشي بيحفظ قران ماشي وكل دا لله مش رياء تخيلى كم المعاني في ايه واحده الايه اللى قبلها بتتكلم عن واتل ما اوحي إليك المقصود القرآن احنا بعدنا عنه حرفيا دمرنا وهو اصلا علاج لكل داء القرآن والصحبه الصالحه والعبادة ❤️
تم النشر الاثنين، ١٥ أبريل ٢٠٢٤
ايها المجهول صاحب القلب الابيض ...انتى جميلة باجابتك المهدئة للاعصاب بكل كلماتها الرزينة
تم النشر الاثنين، ١٥ أبريل ٢٠٢٤
حقيقي مشكلتك دي معظم مشاكل ناس كتير للأسف فا ممكن تروحي لدكتور نفسي ده مش عيب ولا غلط اعتبري دكتور ذي أي دكتور عضوي وحقيقي التعب النفسي أصعب كتير فا بإذن الله الدكتور يقدر يساعد لو جزء من مشكلتك وتتخطيها
تم النشر الأحد، ١٤ أبريل ٢٠٢٤
هو انا لحد الان مش عارف اطلع من حو الانطوائين ولكن انا اعتقد انك محتاجه حد تفضفضي معاه مع جيم مع الشغل و علي قدر الامكان تسكني بعيد عن كل الناس دي واعتقد هيبقي صعب فممكن تأجري شقه قريبه حتي من بيتكم
تم النشر السبت، ١٣ أبريل ٢٠٢٤
الاهل 💔 للأسف فهمك جدا هما ديما المشكله وللأسف الدائره دي هتستمر ديما لان الوعي صفر ... يمكن انا مريت بمعظم الحاجات دي من تعنيف واهانه وموضوع ضعف شخصيه من الاتنين وطبعا ديما هما في خناق مع بعض
تم النشر السبت، ١٣ أبريل ٢٠٢٤
ممكن تروحي لدكتور نفسي
تم النشر السبت، ١٣ أبريل ٢٠٢٤
لعرض السؤال في فدني اضغط هنا