أبي حرمني من إكمال تعليمي وجعلني أخدم إخوتي بالبيت والآن أريد أن أعمل، كيف أقنعهم بهذا؟

Question

انا مش عارفه ابدا بايه بس هحاول انا عندي 19 سنه المشكله اني مش عارفه انا غلط ولا صح بجد مشكلتي ان انا وانا صغيره كنت احب العب واخرج زي اي حد عادي كانت مهمله ف درستي مكنتش بذاكر اوي دي كانت مشكلتي مع ابي انتي مبتزكريش ليه انا بحب التعليم بس اصاحبت ع بنات هما محترمين بس كانو بيبعدوني عن مذاكرتي ان كل يوم بنتكلم ونخرج انا وانا صغيره مكنتش مستوعبة اللي بيحصل، عادي فيه اي لو خرجت جت فتره بتاعت الامتحانات اخر اسنه بابا قالي لو مجبتيش مجموع يدخلك اعدادي وكان بيحاربني ف سنه سته ابتدائي ويقولي لو مجبتيش مجموع حتى لو قليل لا لازم المجموع اللي ف بالي قلت تمام إن شاء الله ربنا هيعوضني الامتحانات كانت حلوه الحمد الله وذاكرت علشان خفت منه ساعتها حلف بالطلاق ع ماما وانا خفت قلت لا لازم اكون جايبه المجموع اللي عايزه نجحت وبمجموع كويس قالي ماشي بس مش هدخلك اعدادي عام علشان ممكن متمشيش فيه بقول له ليه علطول شايفني وحشه انت ليه بتعاملني بالاسلوب ده حرام مضيعش مستقبلي مش كده اديني فرصه مش ممكن اعرف وأطلع احسن من اللي انت فاكر كمان يقولي لا مفتكرش كان ع طول كسر خاطري لحد معاد التقديم قالي قدمتلك ع الاساس ف الاعدادي اكتشفت ف اعدادي مهني يعني ازبل مدرسه شفتها ف حياتي بقول له ليه يقولي انتي عايزه تخشي اعدادي عام ولو جبتي مجموع وحش وشيلتي السنه عايزه بلاي ستيشي قدام الناس عامل ازاي لا طبعنا انتي اسمعي كلامي واضح وي اللي هقولو تسمعي قلت حاضر ماشي رحت الاعدادي المهني عايزه اقول البنات هناك عاملين ازي ما توصفوش فعلا استغفر الله وهو شاف بعينه كان بيوديني ع الامتحانات بس و مقعدني ف البيت كل اللي يسألني من أصحابي يبنتي فينك انتي مبتجيش معانا المدرسه ليه اكدب و أقولهم باخد دروس خاصة الدروس اونلاين خلاني اكذب وانا مش كده 😔 لحد ما الامتحانات قربت راح وداني قالي اياكي تكلمي حد هناك خليكي ف حالك وبس انتي فاهمه و يزعق يقولي منك لله ع الفضيحة دي و أقول له هو انا اللي قلت آجي هنا و اعيط لحد اخر امتحان ف الترم الاول ف الاعدادي المهني انا عندي تلات اخوات غيري احنا تلات بنات و شاب كل ده احسن مني المهم خدني بهدلني ورحنا البيت ضربني و حبسني من غير ما أعرف حاجه و قالي مفيش تعليم ليكي انا مبحبكيش انتي نقطه سوده انتي ربنا غضبان عليكي انا والله مليش ف الكلام مع الشباب وشغل ده مش بتاعي خلاص و كله عارف كده اشوف سبب واحد بس عملته مش لاقيه حاجه عملتها و بيحاسبني عليها المدرسه اختياره والبنات مش كويسه خالص و انا ف حالي مليش دعوه لحد فعلا قالي مفيش تعليم انسي انتي هنا اقعدي اخدمينا احنا و اخواتك مامتك كتر خيرها انتي اطبخي و روقي بعد ضرب وإهانة لحد دلوقتي وانا عمالة اكبر سنه ورا سنه و بقيت عندي 19 مفترض ابقي ف جامعه حاليا اخواتي الكبيره متزوجه و معاها طفل جامعه ادب تاريخ 25 دلوقتي و بعدها اخويا جامعه تجاره عندو 22 سنه و بعدين انا و اختي انا اكبر منها بسنتين هي ف تانيه ثانوي عام انا حاولت معاهم ارجع اتعلم تاني بيرفضو هو كل شويه يهيني قدم اخواتي باجي اشكي ليه ماما تقولي ابعدي عني انا من النوع اللي بكتم مش بروح اقول اي حد حاجه ولا بقعد معا حد ولا مصاحبه حد ولا حد يعرفني اخواتي بيستعرو يمشوا معي انا هنا معاهم بس مهمتي اروق وي اعمل كل علشان هما متعلمين مينفعش حد يعمل حاجه ف البيت غيري بخلص اللي وريا واخش ع الاوضه انام و اعيط بشوف حياتي اللي راحت و مستقبلي اللي راح نفسي اخرج وي ارجع اتعلم تاني بس بيرفضو بابا يقول مش هتخرجي غير ما أقول مخواتك يتجوزوا و بعدها اي صنايعي يجيلك ف ساعتها ارميكي ف بيت جوزك فاقعدي يا وش الفقر هنا و الكلام ده قدام اخواتي و ماما اي حد يجي لينا يقولو خشي متخرجيش عشان حد ميسالكيش معاكي ايه تكسفينا انا تعبت وي مش عارفه هعمل اي بقالي 8 سنين قعده زي مانا وإهانة و كلام وحش ولحد دلوقتي مبيحبش يتكلم معي لحد ما شكيت اني مش اختهم نفسي اخرج و اطلع اشتغل اجيب فلوس و اقدم ع المدرسه دلوقتي قلبي جمد اوي مبقتش ف حاجه اخاف عليها مستقبلي ضاع اللي فاضل لي سمعتي واحترامي وبس وانا الحمد لله عمري ما هفكر اعمل حاجه تغضب ربنا ولا تيجي على سمعتي ابدا دلوقتي نفسي اشتغل و عارفه مش هيوافق بس هعمل ايه هو مبسوط جد و عنده مصانع يعتبر كمان عندنا فيلا غير بيت العيلة هو اهم حاجه عندو برستيجو ومظهره قدام الناس انا اولع عادي انتو شايفين اي العمر بيجري و انا هنا بتعذب لو كانش الانتحار حرام كنت عملتها من بدري الحاجه الوحيده اللي كنت مش منتظمه فيها الصلاه بس حاولت الحمد لله بقيت انتظم في الصلاه كل نفسي فيه أحول اطور من نفسي يوم ارجع اي حاجه ضاعت مني زمان قلت اشتغل بس انا عارفه اكيد مرفوض بس عايزه احاول، هقول له بدل مره اثنين ثلاثه عشان لما اعمل حاجه غلط اكيد مش حاجه تمس سمعتي ولا شرفي بس احاول اشتغل ويكون الشغل مناسب ليا برده قلت اكمل تعليمي مش فارقه معايا جواز خالص نهائي غير يبقى معايا شهاده زي اخواتي ويجي لي واحد محترم وابن ناس يشرفني ويعوضني بكل حاجه حصلت لي هل كلامي فيه غلط اكيد كل حد بيغلط بس انا مش لاقية حاجه عملتها عشان خاطر اسكت عشانها ولا اصبر عليها والله العظيم انا تعبت ودخلت في نفسيه زي الزفت بحاول اسكت واداري بس معدتش قادره هل قراري غلط معلش حد يساعدني هعمل ايه ولا اواجههم ازاي ولا اقول لهم هشتغل ازاي انا عارفه ان هو الطلب مرفوض كل ده عشان خاطر المظهر انا عارفه اني طولت عليكم بس حد يساعدني ارجوكم 🥺🙂

Accepted Answer

السلام عليكم و رحمه اللّٰه و بركاته انتي قضيتي ايام و أوقات صعبه بس مش معنى كدا تفقدي الأمل ، الأمل لسه موجود إنك تتعلمي و تاخدي شهاده أعلى من اخواتك كمان ، تعالي نعمل حاجه و هي ننسى الي فات خالص و نبدأ حياه جديده نعمل فيها حاجات أجدد افتحي معاهم موضوع الشغل بس افتحيه في وقت مناسب ، اشتغلي اي شغلانه تجيبي منها فلوس الفلوس دي اشتركي بيها في كورسات او خدي بيها دروس ، و بالمناسبه في كورسات مجانيه بشهادات معتمده تقدري تذاكري منها ، لسه قدامك فرصه ترجعي تقفي على رجليكي احسن من الأول اشتغلي على نفسك حتى لو مرضيش انك تشتغلي في مليون فكره تقدري تعمليها عشان تخليكي تتعلمي ركزي في الكورسات المهمه "تسويق ، برمجه ، إنجليزي ، اللغه الصينيه " و غيرها كتير موجود على برامج كتيره و مجاني لما يكون معاكي شهاده معتمده ف البرمجه و التسوق و كل الي فات وقتها هتكوني اعلى من اخواتك و تقدري تشتغلي بيهم في اماكن كتيره و حاولي تقربي من حد في أسرتك او عيلتك قربي من أختك او اخوكي اتعاملي معاهم حلو كلميهم على الي انتي حساه يمكن يساعدوكي قربي من ربنا اكتر بجانب الصلاه اقرأي اذكار و احفظي قرآن اشغلي وقتك ب المفيد و بس متفقديش امل و تقولي خلاص حياتي ضاعت بالعكس هتقدري ترجعيها بس لازم يكون عندك إراده و شغف كبير انك تتحسني و تتعلمي ، وقتها هتنجحي و هتبقي انتي البنت الي باباكي يفتخر بيها اكتر من اخواتك الباقيين كمان صدقيني لسه قدامك وقت استعيني بالله و ابدأي اعملي الحاجات الي قولتلك عليها و إن شاء اللّٰه حياتك تتحسن 🤍

Answer

عزيزتي كوين، أشعر بك وبما تمرين به من تحديات وصعوبات. لقد مررت بتجارب صعبة في حياتك، وهذا يمكن أن يؤثر بشكل كبير على حالتك النفسية والعاطفية. من المهم أن تعرفي أنك لست وحدك في هذا الأمر، وأن هناك دائمًا أمل في أن تتغير الظروف. سوف أضع أمامك بعض النقاط التي يمكن أن تساعدك: التحدث مع شخص موثوق : من المهم أن تتحدثي مع شخص يمكن أن يثق بك، سواء كان ذلك صديقة مقربة أو أحد أفراد الأسرة. مشاركتك لمشاعرك وأفكارك يمكن أن تخفف عنك، وتعطيك نصائح مفيدة. وضع أهداف واضحة : حاولي التفكير في ما تريدين تحقيقه، مثل استكمال دراستك أو الحصول على وظيفة. يمكنك كتابة أهدافك والخطوات اللازمة لتحقيقها. التعليم والتطوير الذاتي : التعليم هو سلاح قوي يمكنك استخدامه لتغيير مسار حياتك. إذا كان لديك رغبة في التعلم، ابحثي عن الدورات التدريبية أو المواد التعليمية المتاحة عبر الإنترنت التي يمكنك الالتزام بها في أوقات فراغك. المثابرة على الصلاة والدعاء : الدين يمكن أن يكون مصدر قوة وسند في أوقات الشدائد. ابحثي عن الإيمان الذي يمدك بالطاقة الإيجابية، وكوني قريبة من الله بالدعاء والصلاة. العمل على تحسين الظروف : في حال كان لديك فرصة للعمل أو حتى التطوع، قد يساعد ذلك في تحسين ثقتك بنفسك، بالإضافة إلى اكتساب خبرات جديدة. التفكير الإيجابي : حاولي ممارسة التفكير الإيجابي. بدلاً من الاكتئاب على ما فات، استثمري وقتك في التفكير كيف يمكنك تحسين وضعك الحالي. ما تمرين به صعب، لكن تذكري أن القوة تأتي من الداخل. أستطيع أن أخبرك أن كل ما تمرين به يمكن أن يكون درسًا في الحياة، وأن الاستمرار والسعي نحو الأفضل هو ما يجعل من الآخرين ينجحون. إذا كانت لديك أي تفاصيل إضافية أو أسئلة أخرى، فلا تترددي في مشاركتها، فأنا هنا لمساعدتك.

أبي حرمني من إكمال تعليمي وجعلني أخدم إخوتي بالبيت والآن أريد أن أعمل، كيف أقنعهم بهذا؟

نفسية

اجتماعية

أهل

سؤال من QuinnΩ 🖤🖤

تم النشر الخميس، ٢٣ يناير ٢٠٢٥

2 إجابة

5 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك