السلام عليكم و رحمه اللّٰه و بركاته انتي قضيتي ايام و أوقات صعبه بس مش معنى كدا تفقدي الأمل ، الأمل لسه موجود إنك تتعلمي و تاخدي شهاده أعلى من اخواتك كمان ، تعالي نعمل حاجه و هي ننسى الي فات خالص و نبدأ حياه جديده نعمل فيها حاجات أجدد افتحي معاهم موضوع الشغل بس افتحيه في وقت مناسب ، اشتغلي اي شغلانه تجيبي منها فلوس الفلوس دي اشتركي بيها في كورسات او خدي بيها دروس ، و بالمناسبه في كورسات مجانيه بشهادات معتمده تقدري تذاكري منها ، لسه قدامك فرصه ترجعي تقفي على رجليكي احسن من الأول اشتغلي على نفسك حتى لو مرضيش انك تشتغلي في مليون فكره تقدري تعمليها عشان تخليكي تتعلمي ركزي في الكورسات المهمه "تسويق ، برمجه ، إنجليزي ، اللغه الصينيه " و غيرها كتير موجود على برامج كتيره و مجاني لما يكون معاكي شهاده معتمده ف البرمجه و التسوق و كل الي فات وقتها هتكوني اعلى من اخواتك و تقدري تشتغلي بيهم في اماكن كتيره و حاولي تقربي من حد في أسرتك او عيلتك قربي من أختك او اخوكي اتعاملي معاهم حلو كلميهم على الي انتي حساه يمكن يساعدوكي قربي من ربنا اكتر بجانب الصلاه اقرأي اذكار و احفظي قرآن اشغلي وقتك ب المفيد و بس متفقديش امل و تقولي خلاص حياتي ضاعت بالعكس هتقدري ترجعيها بس لازم يكون عندك إراده و شغف كبير انك تتحسني و تتعلمي ، وقتها هتنجحي و هتبقي انتي البنت الي باباكي يفتخر بيها اكتر من اخواتك الباقيين كمان صدقيني لسه قدامك وقت استعيني بالله و ابدأي اعملي الحاجات الي قولتلك عليها و إن شاء اللّٰه حياتك تتحسن 🤍
حد يعرف الاكاديميه تمريض حلوه ولا لا انا مش عايزه شهاده معتمده بس اللي عايزاه يكون اسمي معاي الاكاديميه تمريض هل ده حلو ولا لا
تم النشر الأربعاء، ٢٩ يناير ٢٠٢٥
الشكر للّٰه حبيبتي ، أعانك اللّٰه و وفقك
تم النشر الأحد، ٢٦ يناير ٢٠٢٥
انت عارفه كلامك كله جميل وبجد ريحني جدا الحاجه الوحيده اللي مصبراني بجد ان انا حاسه ان ربنا يعوضني وبحاجه حلوه يعني مش بحاجه واحده يعني حاجتين والله دي احساسي مش عارفه غلط ولا صح بس انا حاسه بكده ونفسي بجد يتحقق يعني انا بجد تعبت والله العظيم ربنا ليعلم بيه بس انا مش مش هستسلم ابدا ولا هضعف الزم احقق حلمي املي وابقى احسن منهم كمان مش عيب يعني طموح حلو برده وشكرا على كلامك الحلو ده بجد فارقه معايا قوي
تم النشر الأحد، ٢٦ يناير ٢٠٢٥
الي تستحمل كل السنين دي على الأذى ده تبقا إنسانه قويه محدش بسهوله يقدر يهزها ، انتي صبرتي ، اصبري اكتر لعل الله يعوضك خيراً ، ربنا عالم بحالك و صدقيني هيعوضك بس اصبري اكتر و اكتر ، الرسول صلى اللّٰه عليه و سلم أتحمل أذى اكتر من ده من كفار قريش و اهل مكه ، يوم م السيده خديجه و عمه أبو طالب توفاهم اللّٰه ، رسولنا الكريم حس ب أنو مكسور أوي أوي بس صبر و ربنا جازاه ب رحله الإسراء و المعراج ليخفف عنه ، صبر حتى نال أفضل شيئ رحله للسماوات السبع ! ، هحكيلك كمان قصه عن أحد الصحابه و هو بلال بن رباح لا هو برسول ولا ب نبي ، بلال بن رباح كان عبد عند أحد ساده قريش و هو أميه بن خلف ، أسلم بلال بن رباح و حينما عرف أميه بأمر إسلامه أخذ يعذبه كثيراً كان ينتظر الشمس حتى تكون شديده الحراره ليعذبه أشد عذاب ، عُذب بشكل بشع لا يتحمله أحد رغم جسده الضعيف صبر على الأذى ، كان أميه بن خلف عايزو ينطق ب إسم الأصنام و لكنه رفض رغم شده العذاب ، بلال كان كل اهل مكه عارفين ان ما هو إلا عبد ضعيف ازاي قادر يستحمل الأذى دا كلو ؟ ، وصل العذاب ان أميه بن خلف نفسو تعب و زهق ، لحد م ف يوم عدى أبي بكر الصديق و اشترى بلال بن رباح و أعتقه ، مرت الأيام و جت غزوه بدر ، عارفه إيه الي حصل بعد صبر بلال بن رباح ، قدر يقتل اميه بن خلف و مش بس كدا دا بقا أول مؤذن في الإسلام ،، و قصص من دي كتير تعلمك الصبر على البلاء ، لازم تصبري و تستحملي و تشتغلي على نفسك عشان توصلي ، اعتبري انك اتولدتي النهارده و كوني انسانه جديده صبوره اكتر مؤمنه ان ربنا هيعوضها خير ، و إن شاء الله هيحصل دا 🤍
تم النشر الأحد، ٢٦ يناير ٢٠٢٥
تسلميلي حبيبتي علي كلامك ده والله العظيم اول مره اكون مش خايفه وانا بحكي لحد بصي هقولك معلومه شوفتي لمه شرفك يضيع وي تتكسري تخفي تطلعي بره شايفه الموقف ده والله العظيم كسرتي ف التعليم نفس الكلام او اكتر كفايه متعرفيش تطلعي بره علشان خواتك يقولولك خليكي ف البيت هتعريناا ازي صاحبتي تشوفك اوعي تقولي انك اختي اتقولي دلوقتي اختك مكملتش تعليم ليه يادي الفضيحه كلام يوجع شوفت كتير لحد مقلبي جمد ونحس كمان وي مبصش لختي ف الفلوس يعني شوفي انا مش موضوع غيره ولا حاجه والله انا بحبهم وي احنا اخوات مهما كان وي حقي عند ربنا مش هقدر هقول غير كده وي انا بنت نفسي اجيب اي حاجه لبس اي حاجه بتيجي فجاها غصب عندك ف 100 ف 10 ايام هتعمل اي ده الشيبسي بقي 10او 15 مش ع حاجه كل واحد في اللي مكفي بس يابابا إنا شيلت موضوع تعليم ريحتك اهتم كلمه حلوه اديني امال اسلوب حلو مش مهم فلوس حسسني اني اكني وخده شهاده قولي حته كلام حلو قدمي وي من واريا اشتم هروق ري هعمل اكل بس بدل بالغصب وي الشتيمه قولي مثلا معلش الله ينور هتبقي ست بيت شاطره اي حاجه شجعني لو بكدب وانا مكانش حالي هيبقي زاي كده كان نفسي يبقي عندي اهلي حلوين نتجمع سوا نضحك معا بعض ناكل معا بعض ازعل ماما تيجي تقولي مالك وي تخدني ف حضنه وي بابا يبقي سيري حاجه مدايقني اقولو وي بتكلم معي زاي اي حد ليه مش مكتوبلي ابقي زاي اي حد انا اسمي عندي اهل بس يعتبر يتيمه وربنا زهقت من القاعده لوحدي اتخنقت وي عيط ع طول انا لو ربنا يفتكرني هيبقي احسن هو بسمع بيقول ليه ماما كده ري تقولي يارب اكني مش بنتهم والله نفسي الهم ده يروح العمر بيجري ده 7 الجاي هتم 20 وانا زي مانا شوفتي الحنيه اي حد مكاني هيستحمل ده مفتكرش بس باذن الله هدور ع شغل حته لو قال لا بقالو 8 سنين منعني حصلي اي ولا حاجه كلو بيشوف مستقبلو حته اخواتي غصب والله ابص او ازعل ليه مبقش زايهم بس ده قدري ونصيبي ربنا عايزه كده وي هو هيقف معي وي عيعوضني انشاء الله وي شكرا ع كلامك ي روحي ❤
تم النشر الجمعة، ٢٤ يناير ٢٠٢٥
بصي يحبيبتي متفكريش في الي فات خلي عندك برود تجاه اي حاجه بتحصل متخليش أبداً دا يأثر عليكي فكري ف المهم و هو انك تطوري من نفسك ، بالنسبه للفلوس الي بيديها لأخواتك اكتر منك ف متبصيش ليهم عشان كدا مش هتحسي ب فرحه الفلوس الي معاكي ، انا معاكي فعلاً الموضوع يدايق بس بدل منزعل على ال١٠٠ الي بتاخديها ف ١٠ ايام تعالي نفكر هتستثمري الفلوس دي ف ايه هتصرفيهم ف ايه مهم و لازم يتجاب ، الفقير الي مش معاه فلوس و يا دوبك بياخد ١٠ جنيه يقضي عليها الإسبوع لو بص لغيرو و قال اشمعنى الباقي بياخدو اكتر مني ،ساعتها الفقير دا هيموت من قهرو و زعلو عشان هو مفكرش هيشتغل ايه عشان يجيب فلوس اكتر و قضى طول حياتو يزعل على حالو بس ، متعمليش كدا و تقضي عمرك كلو زعلانه على حالك و واقفه عند نفس النقطه متحركتيش ولا عملتي حاجه تفيدك ، استثمري وقتك ف الكورسات المجانيه الي قولتلك عليها ساعتها هتقدري تقفي على رجليكي احسن من الأول و من كلامك إن عندك مشكله في التعامل و التواصل ، حتى دي ليها حل ، حلها انك تنزلي شغل ، اه مبتعرفيش تتعاملي و هتقعي مره و اتنين و تلاته و هتحصلك مواقف مش احسن حاجه بس بعد كل ده هتتعودي ، عشان هي دي الدنيا كلها مشاكل لو فضلنا باصين للمشاكل و فكرنا ف الي فاتنا كدا عمرنا مهنتقدم ولا عمرنا هنحلها ، و راحتك النفسيه عمرها مهتتحل غير بالقرب من ربنا اكتر و اكتر ادعي ربنا يعوضك مش يمكن يتقدملك واحد كويس و يعوضك عن الي فات دا كلو؟ و مش ممكن بردو إنك بعد متاخدي كورسات يطلبوكي في كذا شغل و ف كذا شركه ؟ ممكن حاجات كتيره حلوه تحصل محدش عارف بكرا هيحصل إيه كل المهم انك يبقا عندك تفاؤل ان الي جاي هيبقا احسن إن شاء اللّٰه و إن حياتك هتتحسن إن شاء اللّٰه ، و متقوليش انتي لوحدك احنا البرنامج هدفو ان الناس الي فيه كلها تساعدك ف مشاكلك و تقف جمبك ، و بعدين في حد يبقا معاه ربنا و يحس إن هو لوحدو؟ استعيني بالله و ابدأي حياه جديده إبنيلك دنيا تانيه ليكي لوحدك و انسي كل الي حصلك ، ربنا يوفقك و يسعدك
تم النشر الخميس، ٢٣ يناير ٢٠٢٥
كلامك ✅ صح طب هعمل اي عايزه اكمل تعليمي وي اغير حياتي كلها عايزه أنسى اللي راح كلو بجد تعبت حاسه اني عاجزه مش عارفه اعمل حاجه خلاص ولله عايزه اشتغل علشان اعرف اقدم مش عارفه اشتغل اي ولا هنزل اسال ع شغل ولا أتصرف ازاي مش عارفه خلاص اعمل اي والله
تم النشر الخميس، ٢٣ يناير ٢٠٢٥
الله العظيم حاولت اوي بدل المره الف وي تعبت ودخلت المستشفى انا مش فاهمه ليه بيعمل فيه كده بيخف يطلعني ف مكان علشان محدش يسالني وي اكسفهم انا حاسه ان اتكسرت حاسه اكاني عامله حاجه مش كويسه مثلا ف يبعقبوني عليه اختي اصغيره بيحترمها عني هو غني وي مبسوط كل مقولو اشغل لخواتي يقولولي انتي هبله انتي عايزه ناس يقولو اي يا من هنا وهناك وي بنتو شغاله انتي مش ينفع تروحي ف مكان هقولم ليه يعني عملت اي م بقولهم امتو بتخرجو تقولي ي بنتي هما متعلمين فاهمين انتي متطتلعيش متعرفيش اي اللي بيحصل بره متستعجليش لمه تجوزي خليه هو يخرجج هو انا المفروض مش اعيش ف بيت اهلي حلوه وي مبسوطه وي هنا مش هقول زاي اي حد بس قول مثلا زاي اخواتي بقيت بخاف اتكلم معا حد معندش صاحب حبسني ف البيت بخرج كل فين وي فين اجيب حاجه وي لمه عمتي او حد يخصهم اقول اطلع ليهم القي يبصلي وي احس مش مرتاحه اكني غريبه انا مش عارفه ليه هو انا لو جهله فعلا ده المفروض اهلي يعملو كده معاي ليه انا مبقش مبسوطه زاي اي حد ليه انا ابقي محبوسه ف اوضتي وي اسمع ضحك وي كلام حلو وانا هنا لوحدي ليه مبصعبش عليهم ده.كلو ليه ليه لمه بيتلمو علشان يكلو ليه مش بيندهوني ليه محدش بيحب يتكلم معي حولت اشرك نفسي معاهم وتكلم يقولو قومي شوفي وركي اي يقولو اي حاجه علشان مقعدش معاهم لو مكانتش مثره ف تعليمي كانت صغيره او افرض صح ده المفروض تحولو انتو بدل المره الف وي كلام ده مينفعش اقولو لحد بقيت بخاف من النااس بخاف اتكلم معا حد مفيش ثقه ف اي حد اثق ازي وي اهلي عملو فيه كده هيبقي الغريب احسن ممكن مش بعيد بابا لو شاف اخواتي بيهزرو او اي حاجه حصلت بصدفه يزعق لهوم سبوها تكمل ترويق تعالو انتو هنا مش شفتوني جيت تعالو خليكي انتي عليا روقي البيت بقي مش نضايف ري يحمق ماما عليا وي اختي الكبيره نفس الكلام جوزه مسافر وي هي قاعده مع معانا هي وبنتها والله م ع حاجه الحلو كلو جيبولها هي وي بنتها بنتها دي انا بموت فيها علشان بحسها مش خلتها بس دي بنتي بدنها تقولها ابعدي دي وحشه خليكي معانا احنا اكلام بيزعل اوي المسروف بخد 100 ف 10 ايام ري اختي اصغيره بتخد 200 ف الاسبوع يقولو مش مكفيني ليه انتي قعده بتعملي بيها اي انا وحده عندي 19 غصب نفسي ف حاجه اجيبها اهتم بنفسي 100مش بتعمل حاجه وي اخوايا بخد 1000 غير بيشتغل يعني انا اقل واحده والله العظيم خرجت مره ف فرح ابو عمتي جالي اتنين عرسان واحد مهندس وي اتني معا جامعه زراعه اخواتي قعدو يتريقو بيقولو اه لو يعرفو انها جهله مكنوش جوم ده كلام ونبي انا فكرت اسيب البيت بس مش عارفه اروح فين ولا اي اللي هيحصل غير كده.ممعيش بطاقه عامله اقول طلعها يقولي ليه هتعملي بيها اي لمه تجوزي كل حاجه لمه تجوزي ف مش هينفع اسيب البيت خوف وي ممعيش حاجه تسبت شخصيتي ف مش هقول غير يارب ونبي متعرفوش اي ماجلا احسن من هنا والله العظيم بتكلم بجد مش قادره اعمل اي حاجه ع طول محبوسه تعليم لا شغل لا كل لا غير مستقبلي رح ونبي سعدوني شوفي اي احلا هعمل اي
تم النشر الخميس، ٢٣ يناير ٢٠٢٥
لعرض الإجابة في فدني اضغط هنا