السلام عليكم حصلي السنادي كذا حدث ورا بعض ورا بعض اثروا فيا اوي واعتقد سببولي صدمه نفسيه وظهرت عليا سلوكيات واعراض جسديه كتير
وعشان انا مكنتش مبسوطه اني بحس بالالم دا ف كنت بلجأ لعادات سيئه وادمنت علي العاده السريه وبتفرج علي مواد اباحيه ورجعت مثلا لحجات انا كنت سيباها زي الاغاني و السوشيال وبكلم ولاد وكدا
حسيت اني اتغيرت جدا انا كنت كويسه يعني كنت احسن من كدا بكيتر دلوقت انا ببص ف المرايه مش بعرف انا مين وبقالي فتره كبيره علي هذا الحال
بحاول ارجع زي زمان بس حاسه ان خلاص الحال دا طبع عليا بس انا مش مبسوطه ونفسي بقى قصير اوي عن زمان وبقيت ايأس بسرعه
وحاسه اني اصلا مستاهلش احاول عشان نفسي
معرفش وقعت بنفسي ازاي ف الحفره العميقه اوي دي
كل م اقوم اقع
وحاسه اني بحاىب نفسي ومشاعري كل يوم
وكلمه بحارب بمعناها الحقيقي انا بحارب
واللي زايد علي كل دا اني اصلا تالته ثانوي
مفيش حاجه اسمها خلاص خلصت والحال دا طبع عليا، ليه بتقولي كده؟ وليه شايفة نفسك متستاهليش؟ اذا كان ربنا ممكن عادي جدا يغفرلك لو توبتي، انتي ليه مش راضية تسامحي نفسك؟ طبعا مهم جدا ان حاجات كتير تتغير في حياتك، سواء العادة او غيره، وده هنيجي له بعدين.... لكن حاليا، ياريت تقدري تتكلمي عن المشكلات اللي وصلتك لكده، لانها هي اللي محتاجين نعالجها الاول ... واتمنى طبعا لو تلجأي لاخصائي نفسي متستهونيش بالموضوع. ولو هنتكلم عن العادة هقولك على تركات بسيطة لو حاولتي فيها ان شاء الله هتيجيب نتائج كويسة. محتاجة تقتنعي إن هذه العادة مضرة، وعلشان تعززي الجانب ده أكتر، بأقترح عليكي أنك تبحثي عن أضرار العادة سواء ضررها على الجانب البيولوجي، أو النفسي. ده هيعزز أكتر بعدك عنها، لأنك لازم تعرفي كل الأضرار اللي هتقع عليكي في الاخر منها. الخطوة التانية أنك تبتعدي تماما عن الافلام الاباحية، لأنها هي من المحفزات الأساسية التي تثير عندك الشهوة في عمل العادة. الخطوة الثالثة أنك متقعديش لوحدك كتير، لأن القعدة لوحدك بتخليكي تفكري كتير وممكن تلاقي نفسك بتفكري في هذه الامور، علشان كده سهل جدا أنك تنفذي. عارفة زيها زي مدمن المخدرات لما يقرر يبطل، أوقات بتيجي عليه فترات ضعف وانتكاسات، زي ما هيحصل معاكي، أول حاجه بيعملوها أنهم بيحاولوا يكلموا حد علشان يبقى فيه حد معاهم، وينسوا فكرة الضرب اللي بتيجي. يعني حاولي تشغلي نفسك أول ما تيجي فكرة العادة في دماغك، انزلي اجريي، اتمشي، كلمي صحابك، اتفرج على فيلم كوميدي مثلا، اعملي اي حاجه، المهم متسبيش نفسك لدماغك. الخطوة الرابعة هي ان لو فيه وقت فراغ في حياتك، اشغليه بأي حاجه وانتي قولتي ان 3 ثانوي يعني انتي في عز المذاكرة، ممكن بعد كده تشغلي نفسك كمان بعمل تطوعي في الإجازة . اقتلي الفراغ بأي طريقة علشان متسبيش لنفسك وقت للتفكير. انتي ممكن تقعي مرة أو اتنين أو حتى عشرة، ده عادي جدا، متيأسيش بسرعة، ده طبيعي جدا. هتفضلي تقعي وتقومي، هتقعي وتقومي. علشان كده الخطوة الخامسة هي الايمان، مش الايمان بالله وبس، لازم تؤمني بنفسك، أنك هتقدري إنك تكوني أفضل مما أنت عليه. أتمنى ليك السلامة
تم النشر الأربعاء، ١٤ يونيو ٢٠٢٣
توبى لربنا واستغفرى كتير وطلعى صدقات حتى لو حاجات بسيطة وشغلى قرآن والاهم متحاوليش تبقي فاضية واشغلى نفسك علطول
تم النشر الأربعاء، ١٤ يونيو ٢٠٢٣
تحياتي أنت حالياً فى طريق التعافي و لو روحتي لأي معالج نفسي مش بعيد هيقولك الآتي (الاعتراف أول طرق للشفاء) أنا حابب بس اقولك إن النظرة اللي بصيتي بيها لنفسك فى المرايا و قولتي ده مش أنا فعلاً ده مش أنتي ده تقدري تعتبرية شخص تاني يسهل التخلص منه طب إزاي أتخلص منو ؟ أول حاجه لازم تعرفي الشخص ده بيحرضك تعملي إيه و بيوجهك لأية و إيه بيحبوا و إيه مش بيحبوا و بعدين؟ لما تحددي ده كلو هتلاقي فى حاجات حلوه و حاجات وحشه الحاجات الوحشه هتحطي لنفسك خط أحمر فيها الحاجات الحلوه هتسبيها فيكي صفة دائمة يعني مثال( بقيتي بتكلمي ولاد لا خلاص اعتذار بشياكة أنا فهمت أن كلامي ليك غلط و لازم نبطل و سلام بلوك محترم على السريع ) (بقيتي لما بتكوني بره هادية مش بتعلي صوتك جميل صفة جميلة ) و هكذا و بالنسبة للأغاني هيكون أفضل لو مسمعتيهاش لكن لو حبه تسمعيها اختاري أغاني يكون كلامها محترم يعني مثلاً أغنية أجنبية و فيها الفاظ مش كويسة أو معاني لا تليق امسحيها يعني أنا مثلاً بسمع أغاني أجنبية و كام أغنية عربية لكن ولا واحده فيهم فيها لفظ مش حلو، و بالنسبة للسوشيل ميديا معظم الناس شايفاها وسيلة للتعارف و التعلم، عن نفسي شايفها مصدر كل ضرر نفسي فمسحها فأنت و رحتك بضرك امسحيها خالص و اتعاملي مع صحباتك بالرنات. ده بالنسبة للعادات . تاني حاجه علشان تقدري ترجعي أحسن و أفضل من الأول لازم ترجعي تقوي إيمانك بالله و بعدها على طول تقوي ثقتك فى نفسك إزاي أقوي إيماني بالله ؟ لو مش بتصلي ابدا من بعد انتهائك من القراءة و صلي الفاتك انهاردة حتي لو قرأتيها قبل ما تنامي على السريع صليهم و نامي و بعدها كل صلاة فى وقتها و لو فى أى حاجه فى اللبس و ينفع تتعدل يكون أفضل (مش بقولك اتنقبي لا بقولك حافظي على نفسك من عيون الناس) طب إزاي أقوي ثقتي فى نفسي؟ بالتحفيز الذاتي و خودي بالك امتحناتك يوم الأحد و إن شاء الله تخشي الجامعة اللي بتتمنيها، المهم بدل ما كنتي بتقفي قدام المرايا و تفكرى أفكار متشائمة لا قولي بصوت يتسمع من مدى قصير كلام فى تشجيع للنفس مثال أنا شكلي حلو أوي انهاردة أنا متفائلة باليوم ده (أى حاجه بس تكون تحفيز) أي يا عم أنا مش مجنونه!!!!!! لا ده مش جنون أثبتت الدراسات إن الكلام الحلو للنفس بيحسن المزاج و بيحسن النفسية كتير (بس مش شرط قدام المرايا تتجني فعلاً مش هكون مسئول. :^)) بس ده اللي عندي عن تجربه لكن العادة السرية و الأفلام الاباحية الصراحه مقدرش أفيدك لكن أنصحك ترجعي فى سؤال سابق و فى ناس متخصصة فى ده رديت رد معقول جداً و جميل لكن أنا لاحظت إنك سمتيها مواد معني كده أنت معترفه إنها بضرك فبأذن الله هيكون سهل بنسبالك و على فكره متخافيش الامتحانات هتكون سهله علشان هما عايزين يخلصوا مننا فطمني نفسك . وبس هذا ما عندي.
تم النشر الأربعاء، ١٤ يونيو ٢٠٢٣
بصي أنا هنصحك لوجه الله انا اول مره افتح الابلكيشن دا ومعرفش فيه حد لسه ومش فاهم فكرته ايه المهم نخلينا في موضوعنا بصي يابنت الناس انتي بقولي انك ف ثانويه عامه يعني المفروض عندك امتحانات اليومين دول ف انا الي هقولهولك دا والله اول مره اقوله لحد غريب عني ومش لغرض مصلحه واظن انك مش محتاجه اوضحلك المهم اولا سيبك من السوشيال ميديا اغلب الوقت مش بقول ٢٤ ساعه عشان عارفه انه صعب حتي علي الاقل اقعدي علي السوشيال ٤ ساعات في اليوم بالكتير متذوديش عن كدا ولو حسيتي نفسك مش قادره تكملي إلهي نفسك في اي حاجه جمبك زهقتي من المذاكرة انزلي اتمشي وحاولي متفكريش كتير في الحاجه الي هتغضب ربنا منك وانسيها الفتره دي تماما لحد ما ربنا يكرمك ويوفقك وتنجحي بمجموع يشرف ساعتها هتحسي انك عملتي حاجه تستاهل وهتنسي موضوع العاده دا من دماغك خالص وهتبتدي تشوفي حياتك ومستقبلك وهتتسحلي ف كورسات ومحاضرات وساكاشن وهتنسي الهبل دا صديقني انا اكبر منك ومجرب قبلك وموضوع انك بتكلمي ولاد عادي مش الحاجه الحرام اوفر بس لو الكلام طبيعي وانتي اكيد فاهمه كلامي
تم النشر الأربعاء، ١٤ يونيو ٢٠٢٣
جددي توبة الى الله في كل مرة تسيئين الى الله و نفسكي ولا أحد غيركي سينتشلكي من هذا المستنقع الذي سقطتي فيه الا إثنان ربك ونفسك يعني هذا الامر حله بيدك و لا تدعي شيطانك و نفسك الأمارة بالسوء يقضيان عليكي
تم النشر الأربعاء، ١٤ يونيو ٢٠٢٣
فعلا ده مش انت كفاية انك عارفه كفايه انك عايزه تتوبي ابدأي دلوقتي علشان متندميش بعدين ابعتي عن الحاجات ده ابدأي اسمعي كلام ناس كانت في نفس الموقف وسابت الحاجات ده وبقت احسن من الاول واسمعي شيوخ علي اليوتيوب مثلا زي الشيخ وسيم يوسف انا بحب مقولات ونصائح الشيخ ده اوووي واشغلي نفسك بحاجات تانيه لما تيجي تصلي اقري قرآن بعد كل صلاه حتي لو صفحتين بس ده كفايه حسنك ويخليكي مطمئنه وترجعيش الي الحاجات ده واهم خطوه انك فعلا عايزه تسيبي الحاجات ده وعلشان كده انت هتسبيها ومش شرط ترجعي زي الاول ممكن ترجعي احسن من الاول بكتير وربنا يهديك ويهدينا جميعا ي يارب بالتوفيق ي قمر ♥️
تم النشر الخميس، ١٥ يونيو ٢٠٢٣
فيه حلول كتيره بس قبلها لازم تكوني ناويه انك تتوبي عن الذنب دا في حلين اول واحد ان فيه برنامج علي جوجل بلاي اسموا Router Chef بتكتبي اليوزر والباسورد بتاع الاعدادات و في خانه ف الاعدادات اسموا حظر المواقع الاباحيه ادخلي عليها واختاري سيرفر CloudFlare دا الحل الاول الحل التاني انك تصلي وتقرأيي قرأن وتلتزمي ف دا وكل م تحسي انك شهوتك بتوديكي انك تعملي كدا افتكري انك بتصلي ووعدي ربنا انك هتتغيري واخرجي برا الاوضه حتا لو هتقعدي مع اهلك كتير بس الشيطان بدخل من الثغره دي انك تكوني لوحدك ويوهمك بحاجات كتير غلط ف متدلوش الفرصه ولو وقتي ف الخطا دا تاني بعد الصلاه تصدقي ب 100 جنيه ولو عملتها تاني ضاعفي المبلغ بحيث انوا يضاعف كل م تفكري تعمليها ولما تفتكري انك لازم تتصدقي و المبلغ هيكون كتير وبيضاعف بنسبه كبيره مش هتقعي ف الذنب دا تاني weka
تم النشر الأربعاء، ١٤ يونيو ٢٠٢٣
لعرض السؤال في فدني اضغط هنا