ابغى اعرف شي ليش دايما يكونوا اباء عائق على أبنائهم ليش لازم نتحمل كلامهم ولازم مانكرهم وهم يأذونى ويكسرون بخاطرنا دايما واذا قلت شي لهم يقولون انك بنت عاصيه ومتوحده مريضه نفسيه ومع ذلك يضربونك اذا سويتي شي غلط اما اخوانك مشاكلهم ابد هو حرام شخص يكرهه والديه
السلام عليكم ورحمه الله اهلا بيكي اللي بيزرع شئ بيحصده اكيد ، و قلوبنا و مشاعرنا مش بإيدينا ، يعني مش هحب حد بيأذيني دا طبيعي ، طيب حرام عليكي تحبي أو تكرهي لا مش حرام مهو مش بإيديكي ، طيب ايه اللي هتتحاسبي عليه هو اسلوبك و معاملتك ليهم. طيب ليه هتحاسب علي غلطي معاهم و هما ميتحاسبوش ؟ لا هو زي ما فيه عقوق الوالدين في عقوق الآباء . و انتي لكي حقوق و واجبات و الأهل كمان عليهم واجبات و ليهم حقوق. طيب اعمل ايه في الآذي و اللي بيوصل للضرب ؟ هقولك ايه اللي بيطور الموضوع لحد الضرب ، وقفي الموضوع عند حد معين حسيتي اللي قدامك خلاص علي اخره وقفي الكلام ، قولي نتكلم بعدين شكلك معصب ، قولي خلينا نتكلم و احنا احسن علشان منعملش مشاكل زي كل مره. هعمل كدا ازاي ؟ اول حاجه هتحاولي تشوفي علاقتك بأخوانك و اخواتك بأهلك و تعبري عن مشاعرك بطريقه مهذبه تخلو من العيب و العنف و العدوان و الحرام يعني ما ينفع نكلم اهلنا بطريقه غير مهذبه، تحاولي تتواصلي معهم بطريقه فعاله. مش بتعرفي و حاولي مفيش فايده برضو بنرجع لنقطه الصفر ؟ يبقي هنا تخاطبي اللي قدامك علي مقدار عقله ، ريحي اللي قدامك لو دا مش هيجي علي راحتك ، و في نفس الوقت متخسريش نفسك. و طبعا علي حسب سنك و حسب حاجات كتير بيكون ليكي صلاحيات في التعامل ، يعني لما تكوني طالبه غير لما تكوني متزوجه غير لما تكوني اي شئ تاني لان ساعتها حقوقك بتختلف و واجباتك. حافظي علي نفسك و اهتمي بيها لأن مفيش حد هيحافظ عليكي زي نفسك ولا يحبك و يقدرك زي نفسك. تحياتي لكي 🌹
تم النشر الخميس، ١٣ يونيو ٢٠٢٤
بصي لازم يكون عندك فن المبادرة يعني أنت الي بتتحكمي في إن ازاي الموقف ده يؤثر فيكي انا عارف ان موضوع إن الأهل بيحطونا نفسياً ده صعب وانا جربته لكن بردوا هقولك إن الأهل دول مكوش بإختيرانا دول هم الي ربنا اختارهم وبعدين حاولي كده تشوفي الصحابه رضي الله عنه أهلهم كان بيعملوا فيهم ايه ومع ذلك كملوا في طريقهم ومخلوش موضوع الأهل ده يؤثر علي حياتهم انت اعملي الي عليكي بريهم وخلاص انت بتبريهم عشان ربنا مش عشانهم وافتكري إن ده ابتلاء ربنا بيقول { أَحَسِبَ النّاسُ أَن يُترَكوا أَن يَقولوا آمَنّا وَهُم لا يُفتَنونَ }[ العنكبوت: ٢ ] وبردوا في نفس السوره ربنا تكلم عن أن بر الوالدين ده وصيه من ربنا ليكي حتي لو الأهل أمرونا بمعصيه ربنا المفروض منشتمهمش ولا نضربهم بل قال سبحانه { وَوَصَّينَا الإِنسانَ بِوالِدَيهِ حُسنًا وَإِن جاهَداكَ لِتُشرِكَ بي ما لَيسَ لَكَ بِهِ عِلمٌ فَلا تُطِعهُما إِلَيَّ مَرجِعُكُم فَأُنَبِّئُكُم بِما كُنتُم تَعمَلونَ }[ العنكبوت: ٨ ]
تم النشر الجمعة، ١٤ يونيو ٢٠٢٤
تم النشر الخميس، ١٣ يونيو ٢٠٢٤
صدقيني هم بيحبوكي جدا واي حاجه بيعملها معاكي ما هو الا قلق عليكي وخوف يمكن يكون طريقتهم عي الغلط بس تاكدي انهم عمرهم ما يتمنولك اي حاجه غلط
تم النشر الخميس، ١٣ يونيو ٢٠٢٤
أفهم تماماً المشاعر اللي تحسيها، والموقف اللي تمرين فيه صعب جداً. العلاقة بين الأباء والأبناء ممكن تكون معقدة ومليئة بالتحديات، خاصة إذا كان هناك فرق كبير في الثقافة أو الفهم بين الجيلين. أولاً، مهم تعرفي أن مشاعرك حقيقية ولها قيمة. من الطبيعي أنك تحسي بالحزن أو الغضب لأنك تتعرضين لمعاملة غير عادلة. الأباء مو دايماً يكونوا على حق، وهم كمان بشر يخطأوا. مهم تحاولي تعبري عن مشاعرك بوضوح وبطريقة محترمة. حاولي تجدي وقت مناسب للحديث مع والديك بصراحة وبدون انفعالات، عبري عن مشاعرك وأفكارك بشكل صريح، وحاولوا توصلوا لنقاط تواصل مشتركة. قولي لهم مثلاً: "أنا أحبكم وأحترمكم، لكن في أمور معينة تحسسني بالحزن أو الألم." أما إذا الأمور وصلت لدرجة الأذى الجسدي أو النفسي بشكل متكرر، من حقك تحصلي على المساعدة. ممكن تتواصلي مع شخص موثوق فيه، سواء كان قريب، معلم، أو مستشار في المدرسة. وبخصوص حكاية إن الأخوان يُعاملون بطريفة مختلفة، هذا قد يرجع للعادات والتقاليد أو حتى التصورات اللي كونها الأباء عبر الزمن. لكن التغيير ممكن يبدأ بالنقاشات والوعي. أهم شيء تتذكري أن الكرامة والأمان النفسي لهم أولوية. حاولى دائما تحافظى على نفسك واشتغلى على بناء نفسك واحترامك لذاتك حتى في الأمور اللي حولك مش متفهمة. إذا احتجتي تتكلمي عن الموضوع أكثر أو تحتاجي أي نصيحة إضافية، أنا هنا فا سيدة ذكية مستعدة أسمعك وأساعدك.
تم النشر الأربعاء، ١٢ يونيو ٢٠٢٤
لعرض السؤال في فدني اضغط هنا