السلام عليكم
انا بقالي فتره عندي مشاعر غريبه، انا بكره كل الناس الي حوليا
هو مش كره بقدر ما هو أن انا حاسه اني مش فهماهم وان هما كمان مش فاهمني مطلوب مني أن انا اقدر كل حاجه بتحصل ليهم بس هما مش بيهتموا بأبسط الأمور حتي لما أبقى عيانه بيقولوا لي بتستهبلي ولما حد يتعب فيهم يبقي ازاي انا مش حاسه بيه
وانا في3 ثانوي وكل ما اجي اذاكر ينادوا عليا ويطلعو بأي حجه ودا اللي بيخليني متضايقه منهم اوي و بالمناسبه دول اهلي مش حد غريب اعمل انا
بصي هي مشكلة كبيرة إن أغلبية الأهالي ميعرفوش يعبروا عن حبهم او اهتمامهم او خوفهم على عيالهم تحسي في جفاف كدا ده ممكن يخليكي تفهميهم غلط او تحسي انهم مش بيحبوكي ولا انتي فارقة معاهم و حاجات كتير الشيطان يخليها تسيطر عليكي ولكن الحقيقة مش كدا خالص اولا خليكي على يقين ان اهلك بيحبوكي و خايفين عليكي و على مستقبلك بس ممكن معرفوش يوصلوا ده ثانيا ركزي في مذاكرتك دي أهم حاجة و انتي في ٣ ث و سنة مهمة بالنسبالك و لما ينادوا عليكي لو حاجات ضرورية روحلهم طبعا لو حاجات و طلبات بتلهيكي كتير و عندك اخوات عرفيهم انك بتذاكري و عندك امتحانات ممكن حد من اخواتك يعملها هو و يساعدك انا بالنسبالي مثلا في ٣ ث اتفقت معاهم محدش يشغلني عن مذاكرتي و كانوا يطلبوا من اخواتي اي حاجة و هما لما كانوا في ٣ ث كانوا بيطلبوا مني انا و هكذا بنشيل بعض و ان شاء الله تجيبي مجموع كويس و تدخلي الكلية اللي نفسك فيها
تم النشر الخميس، ٢٧ فبراير ٢٠٢٥
ممكن تكون المشكله مش فيهم ممكن تكون المشكله فيك انت انت اللي مش عارفه تعبري صح؟ اما بتكوني تعبانه وحد بيطلب منك حاجه بتقومي عشان خاطر ما تزعلوش. فبالتالي بيقول لك لا انت مش تعبانه انت كويسه لما الواحد بيعود سوى الاهل او الصحاب او حتى شريك الحياه ان انا تعبانه مش تعبانه انا بعمل لك اللي انت عايزه او انا بعمل لك اللي انت عايزه او انا بعمل لكم اللي انتم عايزينه فبالتالي ما حدش هيقدر حتى لو بتعب بجد. خلي موضوع ان انت تعبانه او ان انت فيك حاجه موضوع كبير لما تكبري لهم الحاجه هم هيشوفوها كبيره. اما انت اكيد بتستهوني بنفسك عشان كده هم بيستهونوا بيكي. موضوع ان انت بتذاكري حطي حد. انا بذاكر محددها لي واعملي موقف. الموقف مش للكبار الموقف لاي حد متضايق من اي حاجه باي سبب. حطي موقف لما اذاكر محدش يناديني لما كنت تعبانه مش هعمل حاجه لحد طبعا بغض النظر عن مامتك عن باباكي دول عليك حتى لو انت بيحصل فيك ايه ان انت تعملهم الحاجه بس اخواتك ياخذوا نفسهم لو انت تعبانه ولو انت بتذاكري مهما كان بقى مين؟ حتى لو باباك ومامتك بعد اذنك يا بابا انا عايزه اجيب مجموعه انا عايزه اذاكر انا عايزه اجتهد بس يكون فعلا يشوفوكي ان انت بتجتهدي فعلا مش ان انت بتقولي كده عشان تهربي من اي مسؤوليه.
تم النشر الخميس، ٢٧ فبراير ٢٠٢٥
السلام عليكم ورحمه الله وبركاته المرحله الحاليه من حياتك اللي هي مرحله الثانوي بيحصل فيها الحالات الشعورية اللي زي دي. انت حاليا حابه انك تباني حابه انه اللي حواليك يشوفوك اكثر وده شيء من التطور الطبيعي النفسي اللي في أي بني ادم لذلك بتبدأي تبقي مستنيه نقول حواليك يشوفوكي لوحدهم يعني لو هم يبقوا هم لوحدهم بيقولوا انت بتذكري خلاص هنسيبك انت محتاجه كذا احنا هنساعده فيها هنعمله لك يعملوا لوحدهم طيب لما ده مش بيحصل انت تبقي مستاهله جدا ومتضايقه جدا طب هل فعلا الناس اللي حوالين بيعملوش حاجات بتقول انهم شايفين ان هم اكيد بيعملوا لكن انا ببقى مستنيه حاجات محدده طالما الحاجات دي مش بتحصل خلاص انا بعتبر انه ما فيش اي حاجه حصلت خالص هنا دي بتكون المشكله. واحده واحده يعني نبقى بس اهدى شويه في الموضوع عشان هي كده كده دي مرحله وهتخلص وهنبدأ نشوف الدنيا بشكل مختلف نمره اثنين نبدا نطلب اللي احنا محتاجينه لو سمحت يا ماما لو سمحت يا بابا انا ببقى قاعده مركزه قوي في المذاكره يعني لو طب احنا وسط كل ده محتاجين نكرههم لا طبعا يعني ان هم مش فاهمين ان احنا مش فاهمينهم اه دي برده مرحله لكن مفيش حاجه اسمها مش فاهمين خالص احنا مش فاهمينهم خالص لا هو بس اختلاف الحاله المزاجيه دلوقتي اختلاف الحاله التطوريه النفسيه دلوقتي هو اللي بيخليك تحسي ان انت ما حدش فاهمك خالص وان انت مش فاهمه حد خالص وطول الوقت بتقولي هم ازاي مش قادرين يفهموا انت ليه فاكره ان هم مش فاهمينك.بيعملوا كده ازاي بيعملوا كده كان خليني اقول لك ان هم كمان برده سواقات كثيره اكيد بيبصوا لك وبيقولوا هي ليه بتبص لنا البصه دي او هي ليه متضايقه مننا كده لان هم مش قادرين يفهموا أنتِ ليه فاكرة إنهم مش فاهمينك.
تم النشر الخميس، ٢٧ فبراير ٢٠٢٥
وعليكم السلام ورحمة الله وبركاته، أولا، أود أن أقول إن شعورك بالضيق والقلق هو شعور طبيعي قد يمر به العديد من الشباب في مرحلة مثل الثانوية العامة حيث تكون الضغوط الدراسية والاجتماعية مرتفعة. قد تكون الصراعات مع الأهل ناتجة عن عدم فهم وجهات النظر الداخلية لكل منكم. من المهم أن تتذكري أن التواصل هو المفتاح لحل أي نوع من الخلاف أو سوء الفهم. إليك بعض الخطوات التي يمكنك اتخاذها: التعبير عن المشاعر : حاولي إيجاد وقت مناسب للتحدث مع أهلك. يمكنك أن تشرحي لهم شعورك بالقلق والضغط الدراسي، وأنك تحتاجين لتفهمهم ودعمهم في هذه الفترة. الاستماع : قد يكون من المفيد أيضًا أن تستمعي إلى وجهات نظرهم. حاولي أن تفهمي ما الذي يشعرون به أو كيف يرون الأمور. هذا قد يساعد في تخفيف المشاعر السلبية. تحديد الحدود : إذا كانت هناك مواقف تتسبب لك في الإحباط، تحدثي عن ذلك بوضوح. حاولي توضيح احتياجاتك، مثل أهمية الوقت المخصص للدراسة أو الراحة. طلب المساعدة : إذا شعرت بأن الأمور أصبحت أكثر تعقيداً، قد يكون من المفيد التحدث مع مرشد دراسي أو متخصص نفسي يمكنه مساعدتك في التعامل مع مشاعرك. تذكري أنه في هذه المرحلة، صحتك النفسية مهمة جدًا وأن من حقك أن تسعى لتحقيق التوازن في حياتك الدراسية والعائلية. وفقك الله وبارك في جهودك.
تم النشر الخميس، ٢٧ فبراير ٢٠٢٥
لعرض السؤال في فدني اضغط هنا