أرجو منكم حل فعلي وعملي لمشكلتي اللي بعاني منها من ساعة ما اتولدت وهي اني طبيعية عادي بس أنفي فتحات كبيرة بشكل كبير وظاهرة أوي من قدام بشكل مشوفتوش في حد باقي ملامحي حلوة بس بحس انها مخلياني وحشة اوي واتكلمت مع اختي ومامتي قبل كده وكانوا بيقولوا اني مش أقل من حد ولازم اثق في نفسي واني مش وحشة زي ما انا فاكرة
انا مناخيري حجمها صغير بس الفتحات نفسها مدورة وكبيرة وجلد مناخيري مش مغطي عليها اوي من فوق فظاهرة اوي ، وخصوصا اني اتعرضت لتنمر كتير اوي وانا صغيرة ومش عارفة أتخطاه،
اللي انا عايزاه بس هل اصدق اني وحشة فعلا وان ده ابتلاء دائم واحاول اتعايش بس جربت وده صعب اوي عياط كتير وتفكير مفرط في الموضوع وقررت بيني وبين نفسي اني مستحيل اتجوز بسبب كدة، او اني حلوة وانا شايفة الموضوع غلط بسبب تأثري بالتنمر اللي حصلي والتفكير،
بقيت مش عارفة اعمل ايه ببص لاخواتي لاي مكان بروحه عمري ما لقيت شكل مناخير كدة فبستغرب وكمان مثلا كل اللي بيقولوا علي نفسهم وحشين مشاكلهم معروفة بالنسبة لناس كتير بتبقى مشكلة في الاهتمام مش الملامح نفسها
اتمني تفهموا قصدي انا مؤمنة جدا بالله وبحاول علي قد ما اقدر اتقرب منه وارضي بس مش عارفة نهائي ،وكمان حياتي الدراسية مش قادرة اخد فيها خطوة حاسة حياتي واقفة لدرجة اني ساعات مش بقدر ابص في المرايا وساعات كتير بحس ان الحل الوحيد للي انا فيه هو الموت فبقيت بدعي ربنا انه يتوفاني لو كلن ده خير ليا،
بس انا من جوايا عايزة اوي اعيش حياة طبيعية زي اي حد دورت وحاولت كتير اوي اني احب نفسي بس معرفتش لحد ما صدقت اني فعلا وحشة، الناس كلها بتقول مثلا بصي علي النعم التانية والجمال جمال الروح عارفة كل ده بس كان نفسي يكون شكلي عادي بس، اتمني الاقي اجابة فعلا تساعدني في اللي انا فيه علشان وصلت لمرحلة اني بقضي طول اليوم اعيط وافكر في الموضوع
طيب هقولك حاجة .. اولا انا شفت بنات وشباب بالفعل كدا مناخيرهم أما كبيرة أو فتحاتها اكبر من مناخيرهم نفسها ، و دا مش غريب إطلاقاً ..بس هقولك المشكلة فين هنا .. أحياناً لما الشخص بيشعر بنقص ما فى شكله أو شخصيته بيعمل فوكاس وزوم قوى عليها فبيتوهم إن الناس كلها شايفه دا زيه ودا غير صحيح على الإطلاق ، بل المفاجأة بقى إن الناس مش هياخد بالها اساسا ولو حد خد باله مش هيركز لأنه عارف ان دا طبيعى جداااا وعمر ما دا كان مقياس للجمال إبدال ... انا مش بطيب خاطرك انا بقولك الحقيقة ، بالإضافة بقى فيه حاجة خطيرة جداا .. الشيطان لما بيكتشف نقطة ضعف فى الإنسان بيسيطر عليه منها بحيث يتلاعب به من خلالها وهذا أمر فى منتهى الخطورة .. يعنى الشيطان بنسبة مليون فى المية هو اللى بيوهمك ويضخملك هذا الأمر ويهوّله عليكى حتى تتعذبى وهو مستمتع بدا جداا .. وكل ما هتقربى من ربنا هيضخمه اكتر ويزيد من الوساوس والأفكار السلبية المهلكة .. ولكن فى حقيقة الأمر هذا الأمر طبيعى جدا جدا جدا جدا ، عارفه بمجرد ما تزول هذه الغشاوة من على عينك هتكتشفى هذه الحقيقة وهتضحكى على نفسك وتقولى ازاى كنت شايفه الموضوع كدا ... بمجرد ما تقبلى نفسك بجد ، هيتحول هذا الأمر إلى " ميزة " تميزك عن الآخرين وليس عيباً ... اياكى وعمليات التجميل وتغيير خلق الله لأن هذا ابتلاء واختبار لك .. كل ما عليكى فعله الصبر مع التقرب لله والثبات على ذلك قدر المستطاع ، وفرصة هذه الأيام المباركة قومى ليلك وادعو الله كثيييرا ، والله لن يردك الله خائبه إن شاء الله .. فقط تمسّكى بالله واصبرى ولا تدعى الشيطان يتلاعب بك حتى يأتى أمر الله ..
تم النشر السبت، ٢٢ مارس ٢٠٢٥
انتى تقدرى تحبى ملامحك طبعا بس من كلامك انتى مقتنعه ان ده مستحيل . انا شايفه انك لو متأذيه اوى ممكن تفكرى فى حل تجميلى زى الكليبسات اللى بتصغر المناخير
تم النشر السبت، ٢٢ مارس ٢٠٢٥
اختي العزيزة ارضي عن نفسك من جواكي لأنوانتي كده حلوة. والحمد لله ربنا خلقنا كلنا في أحسن صورة. ومتفكريش في التنمر لأن الإنسان اللي بيتنمر عليكي هو حاسس بنقص جواة فبيتنمر على اللي قدامة عشان يداري نقصة. ولو شغلتي تفكيرك بكده هتتعبي نفسيا، ولازم تقنعي نفسك ان انتي جميلة علشان اللي حواليكي يقتنعوا بكده لان أهم شيء في الشخص ان يقبل نفسه.
تم النشر السبت، ٢٢ مارس ٢٠٢٥
أختي العزيزة، أولاً، أشكرك على مشاركتك لمشاعرك وتجربتك. ما تمرين به هو شعور صعب جداً، وأود أن أوضح لك أنك لست وحدك في هذا، فالكثير من الناس يواجهون تحديات تتعلق بمظهرهم وثقتهم بأنفسهم. قبول الذات : من المهم أن نبدأ بقبول أنفسنا كما نحن. قد تبدو ملامحنا مختلفة عن غيرنا، ولكن هذا لا يعني أننا أقل جمالاً. جمال الروح والإيجابية يُعززان من جمال الشكل. حاولي ممارسة التركيز على الصفات التي تحبينها في نفسك، سواء كانت سمات شخصية أو مهارات معينة. تغيير النمط الفكري : مواجهة الأفكار السلبية التي تؤثر عليك هو جزء من العملية. عندما تتعرضين للتنمر، يمكن أن يتأثر تقديرك لذاتك. حاولي تحدي هذه الأفكار السلبية وتأكيد ما هو إيجابي فيك. الدعم الاجتماعي : تحدثي مع الأهل والأصدقاء الذين يدعمونك. قد يساعدك أن تشعري بالحب والتقدير من الأشخاص الذين يحبونك، ولا ينظرون لمظهرك فقط، بل لرؤيتهم لك كفرد كامل. المساعدة المهنية : التفكير في استشارة معالج أو مستشار نفسي يمكن أن يكون مفيدًا جدًا. يمكنهم مساعدتك في التعرف على أساليب التأقلم مع المشاعر السلبية التي تشعرين بها بخصوص مظهرك. تحديد الأهداف : حاولي وضع أهداف صغيرة وواقعية لنفسك، سواء في مجال الدراسة أو في تطوير مهارات جديدة تنعش حياتك وتزيد من ثقتك بنفسك. حياة طبيعية : تذكري أن حياتك لا ينبغي أن تقيد بمظهرك. هناك العديد من الأشخاص الذين يعتبرون أن الجاذبية تأتي من الثقة والنجاح والتفاؤل. في النهاية، تذكري أن الجمال ليس محصورًا في ملامح الوجه أو الشكل الخارجي، بل في قدرتك على التأثير والإيجابية في حياتك وحياة الآخرين. أتمنى لك كل الخير والسعادة، وأرجو أن تقتربي من الله بصدق، لأنه هو من يعلم خفايا قلوبنا ويمنحنا السكينة.
تم النشر الجمعة، ٢١ مارس ٢٠٢٥
لعرض السؤال في فدني اضغط هنا