السلام عليكم ورحمة الله، أنا عارفة إنك مش حابة تسمعي الجملة دي، بس فعلا الإنسان مش باللبس. حتى لو الناس حوالينا بتبص للمظاهر ده لا يعطي الحق لأي شخص إنه يقيمك على أساس ملابسك ما دام إنك محافظة على نظافتك ورائحتك وسلوكك ومعاملتك مع الناس كويسة وبتراعي ربنا في تصرفاتك. غير كده ملهمش عندك حاجة إن شاء الله لو بتلبسي طقم واحد طول عمرك. طريقة تعاملك مع أي حد ينظر لك بقلة هي اللي بتحدد طريقته بعد كده، هتبيني إنك بتتضايقي من النظرات وبتحسي بنقص فعلا هيفضلوا يستغلوا نقطة ضعفك دي. ممكن تتكلمي مع والدتك من غير انفعال وتفهميها إنك محتاجة تشتري حاجة جديدة أو توفري مبلغ عشان تشتري طقم. يعني ممكن أهلك بيردوا بالطريقة دي لأنك مثلا بتستخدمي أسلوب يحسسهم بالنقص أو إنهم مش مقدرينك أو بتنفعلي.. جربي الهدوء وشرح المشكلة بطريقة لطيفة وإن شاء الله توصلي معهم لحل. ممكن كمان تشوفي الأماكن اللي بتبيع ملابس بأسعار منخفضة ومش شرط هناك تكون الخامات وحشة، بالعكس ساعات بيكون فيه حاجات جميلة جدا وخاماتها كويسة على عكس محلات أسعارها عالية والملابس فيها أي كلام. ممكن تتعلمي من الانترنت إزاي تنسقي ملابسك حتى لو قليلة بطريقة تخلي فيها تجديد. أنتِ زي ما قلتِ ربنا أنعم عليكِ بنعم تانية وأسرتك ميسورة والحمد لله الوضع أفضل من ناس تانية كتير فبلاش تخلي الشيطان ينغص عليكِ حياتكِ في النقطة دي. كل حاجة مقدور عليها وأي مشكلة محلولة إذا قدرنا نبص عليها من زاوية تانية.
تمام حبيبتي فاهماكِ، حاولي بس متخليش نقطة الذكريات والملابس تعكنن عليكِ حياتكِ لأنك كده هتسببي إن فعلا ميبقاش فيه ذكريات حلوة في الفترة دي... والذكريات واللبس الحلو مش مقتصر على فترة من عمرك، متحسسيش نفسك إنك محدودة بعمر معين بعد كده مش هتكوني شابة ولا جميلة ولا مش مناسبك تلبسي حلو، كل فترة من عمرك غالية ومميزة ربنا يعطيكِ طولة العمر في الطاعة إن شاء الله... بالنسبة لكلامك مع والدك، كان رده إيه؟ يعني بينتِ له قد إيه الموضوع ده مهم لك ومع ذلك رفض؟ بالنسبة للشغل، عارفة إنه صعب بس جربي كده لو عندك مهارة معينة إنك تشوفي شغل على الانترنت... فيه مبادرة في أكاديمية ابن سينا عشان العمل عبر الانترنت للسيدات خصيصًا ممكن تشوفي الرابط بتاعها وتتابعي المحاضرات وإن شاء الله تعرفي تحددي طريقك وتلاقي شغل مناسب على الانترنت يدخلك الفلوس اللي محتاجاها عشان تشتري اللي انتِ عاوزاه... ربنا يهدي لك أسرتك ويحسن الأوضاع للأفضل. ده رابط المبادرة على تليجرام https://t.me/workremotelyfreelance دي روابط المحاضرات لو مش عرفتِ تلاقيها في الرسائل المثبتة https://t.me/workremotelyfreelance/61 بالتوفيق إن شاء الله.
تم النشر الثلاثاء، ٧ يناير ٢٠٢٥
وعليكم السلام ورحمة الله وبركاته انا يا دكتور والله عمري ما احسس حد اني حاسه بنقص بسبب موضوع اللبس ده بالعكس انا بشوف اني اي حد بيتعامل على اساس اني قطع الملابس عندي قليله ببعد عنه عشان مش حابه يكون في شخص في الصفات دي في حياتي بصراحه عشان مش ناقصة وجع دماغ بصراحه.. لكن واقعيا لقيت اني مفبش حد حوليا سبحان الله حتى قريبي؟!! كذلك موضوع اهلي انا كلمت ماما كذه مره اني محتاج لبس وكفايا تدخلي جمعيات عشان كده كتير بردك مفيش فايده لغايت ما فتحت موضوا مع بابا اني محتاجة اجيب ملابس داخليه لاني قعدت وقت طويل قوي عندي حمالة صدر واحد بس اللي بخرج بيها ومن كتر غسلها وكده بقت مش كويسة لاني زي ما وضحت لحضرنك فوق اني لازم احافظ على نضافتي عشان الملايكة بتنفر مما ينفر منه بنو آدم.. انا مزعلني بردك موضوع اني الوقت ده اللي مفروض بلبس فيه احسن حاجة وكده هقعد فيه بردك بذكريات مش حلوة واني لبسي مكنش احسن حاجة وكده انا في فترة امتحانات في الجامعة خايفة سنين الدراسث كلها تفوت مكنش عندي لبس كويس وربنا يستر بقا ونا بدور على شغل مش عارفة
تم النشر الثلاثاء، ٧ يناير ٢٠٢٥
لعرض الإجابة في فدني اضغط هنا