انا اتعرضت لأكبر صدمه في حيااتي واكتر حاجه كنت بخاف منها هي أن والدي اتوفي بقاله تلات شهور انا في مرحله صدمه مش عارفه أخرج منها والدي كان عزيز علي قلبي جداا والدي كان قريب مني وكنت بحب اتكلم معاه جدااا والدي اتوفي فجأة وانا من الصدمه مش قادره اصدق أنه اتوفي انا مؤمنه بربنا وعارفه أن الموت علينا حق وكلنا هنموت بس الفكره هي الفراق مش عارفه ابطل افكر في والدي واني ازاي مش هقدر اشوفه تاني ولا هقدر اتكلم معاه كل اللي بعمله اني بدعيله في كل صلاه لان دي اكتر حاجه هو محتاجها مني انا محتاجه أخرج من الصدمه دي لاني تعبانه نفسيا جداا
السلام عليكم ورحمه الله اهلا بيكي البقاء لله وحده ، ربنا يرحمه و يغفر له و يربط علي قلبك. حسه بيكي و بمعاناتك ، الفراق صعب جدا خصوصا لما يكون فجأه بدون إي إنذار. و الشعور بالصدمه و الحزن طبيعي جدا ادي نفسك وقت لخروج كل المشاعر، و حاولي تشغلي نفسك باي عمل للتشتيت لان أول فتره التفكير بيكون كبير و فكره أنه مشي هتخليكي تتعبي و تفكري كتير و هو اكيد مش هيكون مبسوط و انتي تعبانه و زعلانه. لو بتدرسي أخرجي و روحي دروسك و لو خلصتي شوفي شغل و تشتغلي . و دائما ادعيله و انتي ساجده و اتكلمي و قولي كل اللي نفسك فيه ، ربنا رحيم و قادر أنه يربط علي قلبك. العبي رياضه علشان بتفرز هرمونات هتحسن من حالتك المزاجيه و هتخليكي احسن و هتطلعي كل اللي جواكي. ربنا يصبرك و يربط علي قلبك ، و يرحمه رحمه واسعه ملئ السموات والأرض.
تم النشر الاثنين، ١٠ يونيو ٢٠٢٤
ادعى ربنا يرحمه وصلى واستغفرى ربنا هو مش غالى على الا خلقه ربنا يرحمه
تم النشر الثلاثاء، ١١ يونيو ٢٠٢٤
الدعاء له بالرحمة والمغغرة وتحلي بالصبر وصبر هنا يكون ايجابي يعني متفضليش قافلة علي نفسك و حزينة وتقولي قضاء وقدر لا الصبر هنا انك تحاولي ترجعي لحياتك الطبيعية بتدريج وخرجي حزنك عادي وخدي وقتك في زعل بس متوقفيش حياتك لو في عبادة بتحبيها التزمي بيها زي اذكار او قران حاوطي نفسك باصدقاء او اشخاص بيحبكوي ودنيا دي حياة موقته ولسه فيه لقاء تاني في دار الاخرة
تم النشر الاثنين، ١٠ يونيو ٢٠٢٤
تم النشر الاثنين، ١٠ يونيو ٢٠٢٤
يا حبيبتي، أولاً، البقاء لله. اللي بتمري بيه مش حاجة سهلة خالص، وفقدان شخص عزيز علينا بيكون مؤلم بطريقة مش مقدر توصفها بالكلام. الصدمة بعد الفقدان دي حاجة طبيعية جداً، وكلنا بنمر بيها بشكل or بآخر. الحاجة الأولى اللي عاوزة أقولها ليكِ هي إنك تدي نفسك وقتك للتعامل مع الأحاسيس دي. الحزن مش بيختفي في يوم أو اثنين، وممكن ياخد وقته. حسّي بالحزن وكل الأحاسيس اللي بتيجي لك بدون ما تظغطي على نفسك تتخلصي منها بسرعة. ثانياً، الكلام برضو مهم. لو عندك حد قريب تقدري تحكي له أو حتى لو تقدري تروحي متخصص نفسي، ده هيبقى مفيد جداً. التحدث عن مشاعرك بيساعدك تتفهميها وتهون عليك الصدمة. ثالثاً، فكرة إنك بتدعي لوالدك في كل صلاة دي حاجة رائعة. الفكرة دي مش بس بتفيد والدك، لكنها كمان بتديك طاقة إيجابية وراحة نفسية. ممكن كمان تعملي حاجات بتحسي إنه هيحبها، زي إنك تتصدقي عنه أو تعملي حاجة كانت بتفرحه. وأخيراً، اهتمي بنفسك كويس، جسمك ونفسيتك محتاجين راحة وعناية. مش لازم تكوني قوية طول الوقت، خدي وقتك وتريحي. لو لقيتي الموضوع بقى صعب عليكِ جداً، ما تتردديش في طلب المساعدة من متخصص. كل ده طبيعي، واحنا كلنا جنبك وندعمك.
تم النشر الاثنين، ١٠ يونيو ٢٠٢٤
رحمه الله رحمة واسعة.. ربنا يربط على قلبك
تم النشر الاثنين، ١٠ يونيو ٢٠٢٤
البقاء لله، ربنا يصبركِ ويربط على قلبكِ.... خدي وقتكِ في الحزن ده شيء طبيعي واستمري في دعائك له والوقت كفيل يخفف الحزن... إن شاء الله المختصين هنا يقدروا يفيدوكِ بنصائح في تجاوز الأمر أسرع.
تم النشر الاثنين، ١٠ يونيو ٢٠٢٤
لعرض السؤال في فدني اضغط هنا