أنا مش عارف ليه الناس اللي عندها مشاكل نفسية أو سلوكية، تتكاسل ليه في البحث عن حل جذري لمشاكلها عندك يوتيوب مليان نصايح، أي مشكلة بقدر صعوبتها "طبعا حسب تقديرات صاحب المشكله" ، بقدر قسوة أو صعوبة تطبيق الحل بتاعها، مبتدوروش ليه نفسي أفهم؟
عشان اللى عنده مشكلة نفسية وسلوكية ...بيكون ليها ابعاد اخرى اساسها الالم . المتألم بيتوجع وبيبقي عاوز يشرح المه وياخد روشته خاصه بيه لوحده...عاوز يحس ان فى حد مهتم بالمه وبيطبطب عليه بالكلام. مش بيكون عاوز يسمع كلام عام بيتقال لاى حد... اغلب المشاكل النفسية والسلوكية محتاجة اهتمام اكتر من اى حاجة تانيه....الاشخاص دول بيدوروا على الاهتمام ...قبل حل المشكلة.
تم النشر الاثنين، ١٣ فبراير ٢٠٢٣
أقصد إنه مش هنا المكان المناسب لشيء شخصي جدا، لأنه كل واحد مش هيقول كل حاجه، الموضوع محتاج شويه شجاعة مع الذات
تم النشر الأحد، ١٢ فبراير ٢٠٢٣
لأن ببساطه وفطره البشر(المرض بيذبل الجسد والنفس والروح).. ده حتي نزولك الصيدليه عشان تجيب فيتامينات ودوا إنفلوانزا خطوه كبيره تدل إنك فعلا بتحب نفسك وعاوز تداويها وتحافظ عليها. السليم بيحتاج تشجيع يبقي المريض إيه! ده لو أصلا معترف بمرضه وحاسس بنفسه.. هونا علي الناس لإن مش دايما ال عارفينه بيكون سهل نطبقه، وربنا خلقنا نجاهد، فنحترم طاقه الناس أولا.. وتانيا مش شرط عشان حابب تساعد حد يكون هو أصلا حابب وساعتها مش عليك غير تدعيله ربنا يهديه ويعافيه ويعافينا جميعا من الكسل والعجز والحزن
تم النشر الأحد، ١٢ فبراير ٢٠٢٣
عشان الي بيكون جوه المتاهه مبيبقاش شايف المخرج منين بيبقا جوه وتايه وتعبان كمان بيبقا في بعضهم معندوش طاقه وعنده فقدان شغف ف طبيعي معندوش قدره يدخل يوتيوب ويدور ع حل حاجه تاني مش دايما كل الي بنقرأه ونسمعه سهل نطبقه لوحدنا وبيكون علاج فعال في ناس كتير محتاجه مختصه معاها يساعدها ف عمليه العلاج لان العلاج خطوات وفنيات والي عارف يستخدم ايه لحاله معينه ف وقت معين هو المختص وطبعا في اشخاص مشكلتهم ممكن تسببلهم إيذاء للذات ف انهم يطلبوا المساعده بينقذهم اليوتيوب مش دايما هيساعدهم
تم النشر الاثنين، ١٣ فبراير ٢٠٢٣
اللي ايده ف المايه مش زي اللي ايدو ف النار حضرتك شايف الموضوع من نظره بعيده لكن اللي جرب الالم النفسي ده بيبقي محتاج ناس حواليه وياخد رايهم وده الصح واكيد مش هيبقي في شخص بيفكر ف الانتحار ومحتاج حد يقف جمبه ويرجعه عن ده تقولو حضرتك خلي عندك شجاعه مع الذات هو اصلا مفيش طاقه للكلام ده 👍
تم النشر الاثنين، ١٣ فبراير ٢٠٢٣
عمرك شوفتي مريض بيحب الدوا ؟
تم النشر الأحد، ٣ سبتمبر ٢٠٢٣
لعرض السؤال في فدني اضغط هنا