حاسة اني بجد وحشه اوي من كتر مانا بقع ومبنتظمش على الصلاة انا بتعب نفسيا لما بفوت فرض بحس اني بخرف واني معنديش عقل وبكون حاسه كمان اني مش قادرة كمان اصلي حاسه اني متكتفه والله العظيم تعبت ...انا عندي مس عاشق بيخليني لازم اغير ملابسي كل صلاه والامر مرهق ليا وحاسه اني مقصرة ومش عارفه اعمل حاجه وحاسه اني تايهه بجد ادعولي بالله عليكم
غيري هدومك كل صلاه عادي وربنا يبعد عنك اي شر واقرأي قرءان بتدبر هتلاقي نفسك قلبك هيخشع وهتروحي للصلاه عن حب
تم النشر السبت، ٢٣ سبتمبر ٢٠٢٣
عادى جدا غيرى كل صلاة ....الفرض اولى وان كان فيها مشقة لاى سبب ستؤجرين عليها باذن الله فى اسئلة مشابهة لسؤالك ونصايح الاجابات ان شاء الله تفيدك زى السؤال ده https://fedni.net/q/10260422/الكسل-عن-الصلاه
تم النشر الخميس، ٢١ سبتمبر ٢٠٢٣
علاجك فى قراءة القرآن واظبى على قراءة القرآن وتاملى فى آياته وان شاء الله شفاءك قراءة القرآن الكريم مع دعواتى لكى بالشفاء ربنا يشفيكى ويعافيكى يارب
تم النشر الخميس، ٢١ سبتمبر ٢٠٢٣
مفيش مشكلة إن احناا مقع المهم أن احناا نفوق بسرعة ونرجع نقوم تاني....! ربناا يهديناا جميعًا
تم النشر الخميس، ٢١ سبتمبر ٢٠٢٣
شفاك الله وعافاك وربنا يؤجرك على هذا البلاء الكبير اول نصيحه انصحهالك انك تصبري تصبري تصبري وتحتسبي اجرك عالله مش اي حد بيبتلى الابتلاء الشديد ده ربنا يعظم اجرك يارب ويرزقك جزاء الصابرين ثاني حاجه ما جعل الله داء الا وجعل له دواء فاسعي بكل طاقتك انك تتعالجي بالقران والسنة واحذري جدا من الناس ال بتدعي انها بتعالج وبتستخدم شركيات ومحرمات الزمي سوري البقرة يوميا واقراي الرقيه على ماء واشربيه واقرايها على زيت زيتون وادهني به وادعي ربنا كتير جدا جدا ان يشفيك ويعافيك من هذا البلاء وادعي كمان قولي رب اجعلني مقيم الصلاه ومن ذريتي ربنا وتقبل دعاء وقولي رب اعني وتديسر امري وتقبل مني وحاربي بكل قوتك ان مفيش فرض يضيع منك انا مقدرة جدا كلمه متكتفه دي لانها فعلا حقيقيه انت متكتفه فعلا ولازم تقاومي ربنا يلطف بك ويعينك
تم النشر الخميس، ٢١ سبتمبر ٢٠٢٣
صلى الفجر وفيه ايات وسور في القران الموضوع ده
تم النشر الخميس، ٢١ سبتمبر ٢٠٢٣
لكن.
تم النشر الخميس، ٢١ سبتمبر ٢٠٢٣
سلام عليكم اطمنك يا اختي أن تجيبي كوب ماء وتحطيم في حابات من الملح وتديفي معلقه من الخل ويكون في ماء وتكربي الي فامك وتقري عليه ايه الكرسي سبع مرات وتشربيها علي ثلاث مرات مابين المرا والمر خمس دقائق ثم تجيبي قدر ماء استحمام وتديفي معلقه من الملح ونصف كوب من الخل وتقرا الفتح سبع مرات وتقرا سوره الاخلاص سبع مرات و المعوزين كل منهم مره وتقري ي ايه الكرسي سبع مرات وانتي تتنفسي في الماء وتغسلي جسدك كلها بعيد عن الحمام وكل فتحات جسدك وتكبي الماء تحت شجره أو في ماء جاري والله يشفي كل من كان عنده مس او سحر او نضره تحذير أن استعمال من قولتو بعيدان عن دوره الماء أو الحمام
تم النشر الخميس، ٢١ سبتمبر ٢٠٢٣
علاج حضرتك في الموضوع ده بأمور أولها وأهمها أنك تدعي ربنا يثبتك في الحفاظ عليها علشان ربنا عزوجل قال عن الصلاة : ( وإنها لكبيرة إلا على الخاشعين ) . ، الأمر التاني : أقرئي عن قدر الصلاة وأهميتها في الشريعة في كتاب تقريبا إسمه : أول مرة أصلي لإدهم الشرقاوي غالبا كتاب طيب إن شاء الله يكون هذا الكتاب معين ليك بعد توفيق ربنا عزوجل ليكي في الثبات على الصلاة ، الأمر الثالث التأهب للصلاة والأمر ده بيجي من قبل الصلاة أن أكون عارف المغرب بيأذن الساعة كذا فإكون على وضوء وأكون جاهز للذهب للمسجد فدول أسباب يجعلك إن شاء الله تكوني مواظبة على الصلاة ربنا يجعلنا من المحافظين عليها دوما لأن النبي صل الله عليه وسلم قال عنها : وجعلت قرة عيني في الصلاة ، وقال النبي صل الله عليه وسلم في حديث آخر لسيدنا بلال رضي الله عنه: أرحنا بها يابلال.، قالمفروض من خلال الحديثين دول وغيرهم نستشعر أهمية الصلاة في أيامنا آسف على الإطالة على حضرتك
تم النشر الخميس، ٢١ سبتمبر ٢٠٢٣
لعرض السؤال في فدني اضغط هنا