السلام عليكم ورحمة الله وبركاته
انا عندي ١٨ سنة،آخر مرة ذاكرت فيها وانا فتالتة اعدادي وكنت جايبة ٩٩ وطالعة الخامسة على مدرستي،من ساعتها وانا حياتي اتدمرت،اختي الكبيرة اكبر مني ب٥ سنيم والوحيدة اللي مليش غيرها وكنت معتبراها اعز صحابي بقت تكرهني ومش طايقة تتكلم معايا،وعلى طول بتوقفلي عالواحدة واي حاجة بسيطة تروح تشتكي لبابا وماما وتكرههم فيا وساعات كانت بتخترع مواقف من اللا شئ عشان تضايق ماما مني بس،فالأول مكنتش بفهم تصرفاتها وكنت بكتئب وبقعد اعيط بسببها ولما دخلت ثانوي بسببها مكنتش بذاكر طول التلت سنين لحد لما جت تالتة ثانوي كله كان متوقع مني اجيب مجموع عالي بس مكنتش بذاكر اصلا ومن رحمة ربنا جبت ٨٠.٧ ادبي وكان مجموع حلو مقارنة بمجاميع اصحابي االي تعبوا وشقيوا وجابوا سابعينات وستينات،فقولت الحمدلله احسن من غيري،مع اني مغشتش بس كنت بحل بتوفيق ربنا،المهم انا اكتشفت ان اختي بتغير مني،لإني وانا فتالتة اعدادي لما جبت مجموع عالي كانت تقعد تقول ان الحفيظة هم اللي بيجيبوا ٩٩ والناس الذكية ال بيفهموا مش بيجيبوا المجموع ده رغم اني كنت بحب الرياضة جدااا والنحو وكنت بحب الفهم حتى النظام الجديد اللي كان كله بيشتكي منه انا كنت بحبه وبحب اسئلته جداا وكنت بحلها بكل سهولة وده اللي خلاني اجيب ٨٠ رغم اني مكنتش بفتح كتاب بعد فضل ربنا طبعا بس هي كانت دايما تقولي اني غبية ومبفهمش ولما كان حد من بابا وماما يمدحوني عشان بصلي الفجر حاضر وكانوا فخورين بيا قدام العيلة كانت تضايق وتدخل تذم فيا وتتعصب رغم ان محدش فيهم كان بيوجهلها اي اساءة،بس هي ربنا يهديها مكانتش بتصلي خالص،المهم انا بسببها اتدمرت ودخلت كلية تربية وقسم لغة عربية ودي كلية احلامي الحمدلله وده القسم اللي بحبه ومع ذلك انا بقيت احب الفشل وخايفة اذاكر واتفوق تغير مني تاني أو تضايقني فبقيت اميل للفشل عشان اريح دماغي،انا شيلت مادة فالترم الأول وجبت مقبول مرتفع لقيتها فرحت وقعدت تضحك وقالت انا البريمو هنا عشان مشالتش مواد قبل كده وكانت بتجيب جيد جدا،بدل ماتهون عليا فرحت فيا انا نفسيتي تعبت بجد لي بتعمل معايا كده رغم اني كنت بحبها اكتر من امي وابويا وبعاملها حلو، انا بقيت خايفة اتفوق وانجخ لاحسن تزعل مني ممكن حل رجاءا وجزاكم الله كل خير🥺❤️❤️✨️
الأحسن. انك تتكلمي مع اختك وتحاولى تفهمي منها هي بتعمل كده ليه تاني ما تجيش على مستقبلك عشان حد انتي تعبتي كتير ووصلتي للكليه ال عايزاها اجتهدي فيها ومالكش دعوه باختك ولو فضلت كده تجاهاليها خالص ويدوبك تسالى عليها وخلاص عشان صله الرحم
تم النشر الثلاثاء، ١٨ يونيو ٢٠٢٤
لعرض السؤال في فدني اضغط هنا