دلوقتي أنا بكره رايح اخر مراجعة ليا فى الجغرافيا و المكان اللي ريحينوا فى نادي (المستر عايز يعرض الخرائط على شاشة كبيرة و خلاص)
فين المشكلة ؟
المشكلة إن فى بنت أنا معجب بيها حرفياً فيها كل مواصفات البنت اللي تخيلتها (محترمه، أخلاق ، الكسوف مش على الفاضية و المليان، محافظه على لبسها، بتصلي، عندها نفس النقطة اللي عندي اللي هيا أتكلم عادي مع أى حد بس بحدود)
جميل قعدة محترمه مع أهلك و قولهم الموضوع واحد اتنين تلاته
لا أنا أهلي من ناس زمان اللي هو لو قولت كلمة بنت هيا مين و عرفتها إزاي و ليه بتكلمها و عايز أى منها و اللي هو جو أنا عملت جريمة
فديه مستبعده نهائي
اهلها بصراحه معرفش حاجه عنهم غير إن لما كنا فى درس فى بتها اهلها استقبلونا بكل إحترام و مشوفناش أى حاجه منهم
ايوا فين المشكلة برضوا؟
المشكلة إن أنا فى فدماغي فكره عبيطة جدآ اللي هيا بكره بعد لما الدرس يخلص ارن عليها و أقولها إني عايز أتعرف عليها و أنا واثق بنسبة كبيرة أنها هتقبل لأنها مشافتش مني حاجه وحشه و حاسس إنها قبلاني كتير
طب و جبت رقمها منين؟
إحنا فى درس خصوصي واحد عند نفس الاستاذ و فى نفس الجروب و المجموعة و أنا دائماً بعامل أى بنت سوا فى الدرس أو فى نطاق المكان اللي عرفتها فيه (زمايل و مش بتخطى حدودي ممكن لقطة ضحك و أقفل الكلام)
بصراحة محتار أنا عمري معملت كده و فى نفس الوقت شايف أنو full wrong إني أعمل كده فمش عارف هل اكلمها أحاول ولا اسيب الأيام و اللي فيه الخير يقدموا ربنا .
Plus بصراحة أنا عمري ماعجبت ببنت بالشكل ده ممكن يكون أيوا عيني تيجي على بنت بالغلط أقول ما شاء الله من إعجابي بشكلها لكن معاها أنا مش هاممني أى حاجه غير المواصفات اللي قولتها (الااخلاق و الاحترام و الفكر و الصلاة و النزاهة و الحياء فى لبسها ) غير كده مش هاممني
فتنصحوني بأي من الاختيارين دول:
1 اكلمها و فى تانية أو ثالثة جامعة بإذن الله اتقدم لها مع أهلي بشكل رسمي (لو هيا وافقت طبعاً على التعارف).
2 بلاش و معملش كده و متخالفش مبادئك علشان حاجه زي دي .
لو عندك رأي تاني أحب اعرفوا،
و شكراً ليك حتى لو اهتميت بالقراءة حتى الآن.
الرد باختصار: لا ترتكب الحماقة لو عايز تكلمها (تحجزها أو تعلقها بيك سميها زي ما تحب) سنتين تلاتة وبعدها تتقدم رسمي فاسمح لي أقول لك هي دي النذالة بعينها! أنت أكيد عارف أن البنت دي ربنا سماها في كتابه (المحصنات الغافلات) وحضرتك عايز بمكالمة تليفون تخرجها من الجو اللي هي محافظة بيه على قلبها لحد ما يتقدم لها ابن الحلال وتقعد تحب فيك سنتين عقبال ما تجهز وطبعا بعد السنتين دول الله أعلم اللي ممكن يحصل في العلاقة دي ووارد جدا ترفض العلاقة دي من بدايتها والله أعلم أنت ممكن يحصل لك إيه ساعتها اتق الله واصبر لحد ما تقدر تتقدم ولا تقتحم قلبها بسبب قلة صبرك
تم النشر الخميس، ٢٢ يونيو ٢٠٢٣
صاحبي انتا مغجب بدينها وحياءها والتزامها عشان انتا خلوق وملتزم ف الشيطان مش هيزينلك البنت الوحشة الي كل الرجالة بتلفتهم وانتا بتكره تشوف منظرها ( البنت الي مش بتلبس منيح ومش اخلاق وغيره) ف شوف انتا ملتزم ف اجا الشيطان من نقطة ضعفك وفتنتك ف فتاة ملتزمة وغيرها، هاد اختبار من ربنا ليك اوعى تقرب منها او تحكي معها او تفكر فيها.. انههيا من عقلك نهائيا، ازا معاك تتزوجها دلوقتي، بتقدر تفتح حوار وتعمل تعارف، اما غير كدا اصرف بصرك واصرف قلبك واوعى تقع، عشان هتكون الوقعة جامدة اوي ومش هتفوق منها الا ان يشاء الله. مثلا انا كفتاة محجبة منتقبة ملتزمة وخلوقة >>اكيد بعجبني وبلفتي الشب الملتزم الخلوق الملحتي.. الخ، ربنا حبب الي الايمان والخير وكل حد ملتزم بيه، وكرَّه الي المنكر كدة اشكره؟ كجة بشكره عالنعمة الي اصطفاني بيها منين كتير من الناس؟ كيف بضمن ترجعلي هالنعم وطريقة حفظها الوحيد هو شكرها، اواي افرط فيها؟ هاد فتنة يا بني ازا ما معك الان ودلوقتي فلوس[ صوم واصرف بصرك وعقلك وتفكيرك، وادعي ربنا كتير يقويك ويعينك] دي فتنة ومحط اختبار وربنا عز وجل ينظر اليك كيف هتصنع،. هل هتكون راجل بجد "زي سيدنا يوسف والصحابة والسلف الصالح" ولا هتكون زي الناس المنتكسة والي مش ماسكة دينها منيح ومن فتنة لفتنة.. نعوذ بالله. واتزكر اخي رجل دعته امرأة ذات منصب وجمال فقال اني اخاف الله،. ما تحط حالك بفتنة وخليك من الناس المميزة عمد ربنا الشب الذي نشأ في عبادة الله، استشعر نظر ربنا ليك وعطاء ربنا ليك،. كدة بتشكره؟ اوعى تقع اوعى... دير بالك هادي خطوات الشيطان وىبنا بيقول یَـٰۤأَیُّهَا ٱلنَّاسُ كُلُوا۟ مِمَّا فِی ٱلۡأَرۡضِ حَلَـٰلࣰا طَیِّبࣰا وَلَا تَتَّبِعُوا۟ خُطُوَ ٰتِ ٱلشَّیۡطَـٰنِۚ إِنَّهُۥ لَكُمۡ عَدُوࣱّ مُّبِینٌ من ترك شيئا لله عوضه الله خيرا منه، ما تقلق وقت ما تجهز للزواج رح يسخرلك رب العالمين الشخص والشريك الي نفسك فيه والي بتحلم بيه والي يناسبك بكل تفاصيلك.. لانو ربنا الي اختارهولك ( لو ضليت متقي الله وبتحاول وهتستخير لتعف نفسك). انتا ما بتعرف شو الخير الك يعني هالبنتمش هية الي مناسبة الك وممكن هية والله يعلم وانتم لا تعلمون.. احنا بزمن فتنة كبير وجهادك عند ربنا عظيم اوعى تخذل نفسك وتخذل امتك بغلطات لهوى نفسك والشيطان، استعن بالله ولا تعجز وادعي كتير وابكي لرينا مش هيسيبك ابدا
تم النشر الخميس، ٢٢ يونيو ٢٠٢٣
بلاش تكلمها و صون نفسك و صونها و ربنا يهدينا اجمعين
تم النشر الجمعة، ٢٣ يونيو ٢٠٢٣
اولاً انا معجبة جدا بطريقة تفكيرك وانك بالعقلانيه دي ولافت انتباهك الأخلاق والصلاة ونت في السن ده بجد تبارك الله ربنا يحفظك ويبارك فيك ويجعلك ذرية صالحة لأهلك ثانياً بقا انا من وجهه نظري لو بتحبها ومعجب بيها تستني للوقت المناسب اللي تقدر تكلم اهلك فيه وتروح تتقدم ليها بقلب جامد لأن دلوقتي انتوا في مرحلة سواء اعدادي او ثانوي محتاج تذاكر وتركز في دروسك واول ما تدخل المرحلة الجامعية تقدر تاخد الخطوة دي وتخطبها من اهلها وربنا يجعل ليكوا الخير في بعض ويجمعكم على خير في الحلال 🌼
تم النشر الجمعة، ٢٣ يونيو ٢٠٢٣
بلاش تكلمها.. اولا انت في سن طبيعي إنك تعجب بأي حد طبيعي، حتى لو كانت بنت تانية وبمواصفات برضه كويسة كنت هتقول برضه ديه بنت كويسة .. الخ لو كلمتها دلوقت، على سبيل انك تعرفها انك معجب وعلشان طبعا تستنوا بعض، ايش اللي يضمن لك بعدين اساسا ان الموضوع بعد كام سنة بقى ان الموضوع هيمشي اصلا؟ هتضمن منين ان مشاعرك متتغيريش او هي كمان! هتضمن منين انكم انتوا الاتنين متتغيروش؟ يعني ايه تتغيروا ... يعني انتم الاتنين دلوقت في سن مراهقة، كل حاجه بتتغير بعدين افكارنا، سلوكيتنا، مشاعرنا اتجاه الاشياء، هل ياترى كل واحد فيكم هيتقبل التاني في شكله الجديد بعد كده ولا لا؟ ثم انكم لسه صغيرين على الارتباط، لسه في حياة تانية ليكم انتم الاتنين، لسه هتشوف وهي كمان هتشوف ناس تانية.
تم النشر السبت، ٢٤ يونيو ٢٠٢٣
أترضااهااا لأختك...؟ بص يا بني أنت لسة صغير علي الكلام ده ومبقولش كدة علشان أقلل منك لأ والله علشاان أوعيك.. يعني واحد في سنك هتقدر تروح تتقدملهاا وتصرف عليهاا وكدة..؟ طبعاا لأ طب أعمل ايه...؟ والله مش بإيدك حاجة غير الدعاء يعني تدعي وتقول يا رب لو فيهاا الخير لياا اكتبهاالي يا رب لحد متبقي مقتدر انك تروح تتقدملهاا في الحلال وكدة🖤وبخصوص بداية التعليق أناا قااصدهاا علشان أقولك اللي مترضهوش علي أخت او بنت عملك أو بنت خالك أو بنتك مستقبلا..مترضهوش علي بنات الناس..وخليك عارف ان كماا تدين تدان🖤
تم النشر الجمعة، ٢٣ يونيو ٢٠٢٣
لعرض السؤال في فدني اضغط هنا