انا كنت عوزه اتعلم البرمجه و لغه من لغاتها يعني و كنت بدور علي اي حاجه اتعلم فيها بس مش عارفه منين عوزه اتعلم الهاكينج و كل ما يتعلق بالكمبيوتر
و نفسي اعمل لعبه علي التليفون أو الكومبيوتر بس مش عارفه اعمل الحاجات دي خالص
أهلا بك! أنا سعيد لأنك تريدين تعلم البرمجة والهكر في سن مبكرة. هذه بعض النصائح لك: - تعلم أساسيات البرمجة مثل لغة Python أو JavaScript. هذه لغات سهلة للمبتدئين ويمكنك بناء العديد من المشاريع الممتعة بها. ابحثي عن دورات مجانية على الإنترنت. - جربي صناعة ألعاب بسيطة باستخدام محركات ألعاب مثل Unity أو Unreal Engine. ستتعلمين الكثير عن البرمجة من خلال صناعة الألعاب. - كوني صبورة ولا تستسلمي. تعلم البرمجة يتطلب الكثير من الممارسة والتدريب. لا تقلقي إذا واجهتِ صعوبات في البداية. - انضمي لمجتمعات البرمجة على الإنترنت لتتعلمي من الآخرين وتحصلي على الدعم عند الحاجة. أتمنى لكِ التوفيق! إذا كان لديك أي أسئلة أخرى حول تعلم البرمجة، يسعدني المساعدة.
تم النشر الاثنين، ٧ أغسطس ٢٠٢٣
البرمجة مجالات كتير، زي العربي ممكن اكتب بيها شعر أو مصر أو مقالات صحافية مثلا. ممكن نفس لغة البرمجة أعمل بيها تطبيقات أعمال، ألعاب، أو مواقع ويب. في لغات هاتبقى مناسبة لحاجات أكتر من غيرها، وفي لغات متخصصة في حاجات معينة زي PHP مناسبة المواقع تطبيقات ويب، وفي لغة R ، إسمها كدة حرف R لوحده، متخصصة في علوم البيانات والإحصاء. لو هاتتعلمي برمجة ممكن تبدأي بلغة بايثون وتشوفي كورسات CS50 على edx.org. لو على تصميم الألعاب ممكن تبدأي بمحركات الألعاب Game Engines من أول الحاجات البسيطة زي Twine إللي بيعمل ألعاب نصية بقصص متفرعة branching stories، زي إن اللاعب ممكن ياخد قرار معين في الاحداث باللعبة توديه الأحداث نهاية مختلفة. Twine بيعتمد على جافاسكريبت وHTML. من نفس المستوى تقريبا هاتلاقي محرك رن باي RenPy ودي بيشتغل على بايثون. المحركات دي بسيطة بتعتمد على النصوص والصور أكتر من الجرافيك، لكن مع مهاراتك في لغة البرمجة ممكن تتوسعي وتعملي حاجة 2D باستخدامهم. أكبر شوية هانلاقي محركات تانية زي Game Maker و RPGmaker. في محركات ألعاب أكبر شوية زي Cocos من مايكروسوفت على ما أذكر، وجودو Godot. جودو محتاج لغة خاصة بيه شبه بايثون من حيث طريقة الكتابة. الاتنين دول يقدروا يعملوا حاجات 3D. بعدها هانلاقي أكبر وأشهر اتنين Unreal Engine وUnity ويدخل معاهم CryEngine. تفضيل شخصي عندي هو Unreal Engine إللي محتاج لغة C++ أو البديل إنك تستخدمي Blueprints ودي واجهة رسومية تقدري تستخدميها بدل البرمجة بكود C++. البرمجة بالطريقة دي إسمها Visual Scripting. القائمة كبيرة جدا على ويكيبديا https://en.m.wikipedia.org/wiki/List_of_game_engines الألعاب محتاجة أكثر من برمجة وخصوصا لو كانت 2D or 3D، لأنها كدة محتاجة شغل الجرافيك نفسه، الصوتيات، وفي بعض الحالات قواعد البيانات وأكتر. مش محتاجة محرك ألعاب عشان تعملي لعبة، وممكن تبدأي من الصفر لو حابة، بس محركات الألعاب بتوفر عليكي شوية حاجات. في رأيي تبدأي بمحرك صغير زي Twine وإللي هايسمح لك تحولي قصصك ورواياتك لألعاب بدون ما تدخلي في شغل جرافيك وصوتيات من الأول. ممكن تبدأي من قناة Extra Credits على يوتيوب https://youtube.com/@extracredits دي مش هاتشرح البرمجة على قد ما هاتشرح طريقة عمل الألعاب، وتديلك نصائح وتنبيهات تاخدي بالك منها.
تم النشر الأربعاء، ٢٤ يوليو ٢٠٢٤
اتفضلي ده لينك مجموعة واتس اب فيه مهندسة بنوتة هتعلم البنات عليه البرمجة من الـ 0 بشكل مجاني ان شاء الله تفيدك https://chat.whatsapp.com/EvLF5fENFgI8ejdLVHhJt0
تم النشر الجمعة، ١١ أغسطس ٢٠٢٣
قناة الزيرو على اليوتيوب ممكن تتعلمي من عليها برمجة https://www.youtube.com/@ElzeroWebSchool وممكن كمان تبدأي مع مستر ابراهيم عادل من على المنصة الجديدة اللي عملها https://www.youtube.com/@OctuCode ديه قناة اليوتيوب شوفيها الاول قبل ما تحملي الابليكشن الايفون https://apps.apple.com/us/app/octucode/id6449018676 الاندرويد https://play.google.com/store/apps/details?id=com.base.octucode وطبعا فيه منصة كورسيرا وادراك فيهم اغلب المجالات
تم النشر الثلاثاء، ٨ أغسطس ٢٠٢٣
ايه هدفك من التعلم ده؟ فضول ولا شغل ولا ايه بالظبط
تم النشر الاثنين، ٧ أغسطس ٢٠٢٣
انا ethical hacker ومريت بنفس التشتت في بداية تعليمي عليك انك تاخد الأساسيات الاول بأنك تتعلم operating system وبعدين ccna وبعدينnetwork + وبعدين python وبعدين ندخل في الجد شوية بانك تتعلم kali linux وتتعرف اكتر علي انظمة وبرامج الاختراق والتقنيات المستخدمة فيه
تم النشر الثلاثاء، ١٥ أغسطس ٢٠٢٣
مشوار طول جدا ولازم يكون عندك صبر كافي والبرمجة مش هي هي الهاكينج
تم النشر الثلاثاء، ١٥ أغسطس ٢٠٢٣
لعرض السؤال في فدني اضغط هنا