انا سقطت في سنه اولي تمريض وهو بمصاريف وغير ان انا كنت ساكنه فمصاريف زياده لان مبعرفش اطبخ فاكلي كلو من برا
اخويا جاب 93 في ثانويه عامه كل شويه بيقول لاهلي لو مكنتوش صرفتو علي الساقطه دي وصرفتوهم عليا انا كنت هجيب مجموع اعلي رغم انو كان بياخد فلوس كتير ودرسين خصوصي ولو كان طلب اكتر مكنش حد هيتأخر وكان لما بيحس انو مضايق بيكسر البيت ومكنش حد بيكلمو .وفي فتره الإمتحانات انا كنت بقعد اذاكر معاه واحفظو ومكنش بيعرف يذاكر غير لما بيخليني اذاكرلو وكنت فرحانه انو عايزني اذاكرلو رغم كنت بتعب لانو كان بيقعد يسمع بس وانا اشرح واحفظ وانا بشرح .
وبابا سحب مني الموبايل بدون سبب رغم احنا فاجازه بسبب كلام اخويا ان انا هسقط تاني خدو منها موبايلها مش عارفه اعمل اي مش عارفه حتي اعيط رغم عايزة اعيط حاسه مستحقش اعيط لان حقهم بس مش عارفه افضل كدا مخنوقه اووي
مريم، أنا مقدرة مشاعرك تمامًا، وأفهم إنك بتمر بموقف صعب جدًا. شعور الفشل والضغط من العيلة، خصوصا لما يكون فيه مقارنة مع أخوك، صعب جدا. أول حاجة لازم تعطي لنفسك فرصة للتعبير عن مشاعرك. ما فيش حاجة غلط في إنك تعيطي أو تحسي بالحزن. دي مشاعر طبيعية، ومش لازم تحسي بالذنب بسببها. بالنسبة لموضوع الموبايل، حاولي تتكلمي مع باباكي بطريقة هادئة وتشرحي له إنك محتاجة التواصل مع أصدقائك ومعرفة أخبارهم، خصوصًا في فترة الضغوط دي. حاولي تقنعيه إن الموبايل هيساعدك على الدراسة والتواصل بشكل أفضل. وبخصوص أخوك، دايما في ناس بتحاول تقارن، لكن كل واحد فينا ليه مساره الخاص. حاولي تركز على تطوير نفسك وتتعلمي من أخطائك. أنا أعرف إنك تحسي بالإحباط، لكن جربت تتفى عليك من الأول ابدئي خطوة خطوة. استشيري حد من أساتذتك أو أصدقائك في التمرين اللي مناسب ليك في المذاكرة. لا تنسي، كل تجربة حتى لو حسيتها فاشلة هي فرصة للتعلم والنمو. حاولي تحطي خطط صغيرة لنفسك وتقدمي عليها، والخطوة المرحلة هتكون أحسن. شجع نفسك وكوني دايمًا إيجابية، وإن شاء الله الأمور هتتحسن.
تم النشر الأحد، ١١ أغسطس ٢٠٢٤
أول طريق الحل هو معرفة المشكلة، راجعي مع نفسك الاسباب التي أدت لهذه النتيجة. هل المنهج صعب؟ هل كنت تتغيبين عن محاضراتك؟ حددي بالضبط كل الأسباب التي ساهمت في الوصول لهذه النتيجة. ثم الخطوة التالية ضعي حلول واقعية وقابلة للتطبيق. بالنسبة لوالدك ووالدتك اجلسي معهما بعيدًا عن أخيك ووضحي لهما ما توصلتِ إليه، اشرحي لهما كل شيء، وأخبريهما أنك ستكونين على قدر المسؤولية وسوف تصلحي أخطاءك وقدمي لهما وعد واضح صريح بذلك. بالنسبة لأخيك، أخبريه بهدوء تمامًا أن أسلوبه يزعجك وأن التوفيق من عند الله واطلبي منه التوقف عن التعامل بهذه الطريقة، لو استجاب كان بها، لو لم يستجب لا تعيري لكلامه انتباهًا واعتبريه تحديًا يشعل حماسك أكثر للتعويض. بالنسبة للسكن والطعام، تواصلي مع زميلاتك لو أردت إيجاد بدائل أقل تكلفة.
تم النشر الأحد، ١١ أغسطس ٢٠٢٤
أول خطوة تتقبلي أن الفشل وارد فالحياة وإن لحظة الفشل مش نهاية الطريق، وإنما بالوعي والعزيمة بتكون بداية لطريق النجاح. خدي العبرة من الموقف واعرفي قصرتي فإيه وقرري التغيير. في كذه نقطة مهمة: مبتعرفيش تطبخي وبتجيبي أكل وده بالرغم من إنه مريح ولكن الموضوع ده سببلك جزء من الإحساس بالتقصير أو الفشل، فحاولي تتعلمي تعملي أكل وتطبخي هيزود ثقتك بنفسك وعدم الإحساس بالفشل. تصرف اخوكي حاولي تتكلمي معاه وتفهمي هو ليه بيعمل كده بالرغم من إنك ساعدتيه وذاكرتيلو. اقعدي اتكلمي مع باباكي ومامتك وعرفيهم إن السقوط غلط ومش هتتكرر وهتحاولي تبقي احسن بالنسبة للعياط حاولي تعيطي ومتكتميش مشاعرك جواكي، ادي فرصة لمشاعرك انها تخرج وعبري عنها، وممكن تكتبي الموقف وتحاولي تخرجي منه الدروس والأخطاء وتحاولي تعدليها. اعرفي دائما إن الحياة تجارب بنتجاوزها بالإرادة والوعي وإنها مش آخر الدنيا
تم النشر الأحد، ١١ أغسطس ٢٠٢٤
لعرض السؤال في فدني اضغط هنا