عايزة التزم في الصلاة ، انا ممكن اقعد اسبوعين او شهر ملتزمة و بعدين اقطع خالص فترة طويلة و بعدين ارجع بس بالعافيه، نفسي اوي التزم بصلاتي و اكون مع ربنا ،،،، الفترة ديه في حياتي مشتتة كتير، حاسة ان كل حاجة في الحياة حواليا بتفتني ليها و مابقتش واثقه في قدرة تحملي، سماع الأغاني عايزة ابطله ، و لكن في رغبة ملحة جوايا بتعلم آلة الجتار و فتاوي الدين كتيرة اوي في النقطة ديه ،، الحجاب برضه انا محجبة لكن مش حجاب شرعي كامل ، ازاى اتحكم في نفسي و التزم بكل تعاليم الدين ، عايزة اواظب على الصلاة و الأذكار و القرآن عايزة يكون ليا حال مع الله لكن تايه و مش عارفة المفروض ابدأ منين
ربنا يهديك يرب وتلتزم وتبقى احسن حد فالدنيا ان شاء الله
تم النشر الخميس، ٢٠ يوليو ٢٠٢٣
ابدأى بالخلوة مع الله. خصصى وقت من اليوم ...وكل ما يكون متأخر وبعد ما الكل ينام ...يكون افضل . الوقت ده اهتمى بكل تفصيله فيه . ده وقتك مع ربنا حضرى مكان مفيش حواليه مشتتات ...ولو قدامك حيطه فاضيه يبقي افضل. هاتى مصليه وعطريها ببرفان بتحبيه والاسدال وعطريه من نفس البرفان. اتوضى وحطى كريم على ايدك ووشك هاتى المصحف جنبك ..بس مش ع الارض طبعا خلى الموبايل بره الاوضه خاالص واقفليه كمان. صلى ركعتين واقعدى بعدهم ادعى وكلمى ربنا كتييييير ..فى كل حاجة اقعدى تأملى فى التفاصيل اللى نفسك تكونى عليها واحكى لربنا عنها. حافظى على الوقت ده وهتلاقى نفسك بدأت تهدا واللى بتحاولى تبعدى عنه ومش قادرة ربنا هيبعدك عنه من غير ما تحسي كمان
تم النشر الخميس، ٢٠ يوليو ٢٠٢٣
السلام عليكم ورحمة الله وبركاته عليكي بالصدقة لما تكوني خارجة وتلاقي حد محتاجفي طريقة تصدقي عليه الموضوع ده بيغير حياتك ٣٦٠ درجة بتحسي إنك عايزة تقربي من ربنا اكتر كمان بتلاقي ربنا بيقرب منك الصحبة الصالحة ولو فيه شئ كان ممكن يضرك ربنا بيبعده عنك
تم النشر الخميس، ٢٠ يوليو ٢٠٢٣
من رأي أظن إن من الأفضل تبدأي من أصغر حاجه و اسهلهم بنسبالك طيب ليه لأن الانتظام فى الحاجه السهله بيخليكي تنتظمي فى حاجات اكبر و أصعب لكن لو عايزة تبدأي فى حاجه معينه تحديداً ابدأ بالحجاب علشان كده كده هو ملبوس فى الراس مش هتيجي جنبو بعد الحجاب الصلاة و على فكره الصلاة هتبقى أحسن و أفضل لما تصلي بنفس عايزة فعلاً تقابل ربنا مش بس عايزة تقضي فرض و خلاص بعد كده كل حاجه هتوضح و هتختاري تبعدي عن أى و تبدأ فى أى وبس.
تم النشر الخميس، ٢٠ يوليو ٢٠٢٣
البداية تكون بترك المحرّمات، وفعل الطاعات! أنصح نفسي وإيّاكِ بعدم ترك الصّلاة ما حييت، فالصلاة عماد الدين، وأول شيءٍ نُسأل عنه يوم القيامة، وكان آخر ما وصى به النبي -صلّى الله عليه وسلّم- الصلاة، فاللّه الله في الصلاة. قال الحسن البصريّ، رحمه الله تعالى: يا ابن آدم! أي شيءٍ يعزّ عليك من دينك إذا هانت عليك صلاتك؟ وأما عن حزنك على نفسك بسبب تقصيرك وتفريطك: هذا يدلّ على صحّة الإيمان في قلبك وعلى حياته، حيث يشعر قلبك بمثل هذا الألم، ولو كان قلبك ميتًا، لما شعر، ولّا أحسّ، ولّا تألّم؛ فما لجرحٍ لميّتٍ إيلامُ! فحزنك على تفريطك يُحمد لك إذا بعث فيك داعي الإيمان وعلوّ الهمة نحو فعل الطاعات سيّما الصلاة، وإلا فيعدّ مذمومًا، ولن ينفعك، بل يضرُّك. فنصحتنا يا أخت: أن تستغلّ هذا الحزن على فعل الطاعات سيّما الصلاة، فالصلاة لحمك ودمك، ولّا تترك الصلاة أبدًا، وإن زلتك قدمك، فعُدي؛ وأول ما تسمعي النداء، اترك كل شيء من أمر الدنيا، واذهب إلى صلاتك. وأما بالنسبة للأغاني: سماع الأغانيّ حرام؛ ولّ ا بأس أن تروّحي عن نفسك بما أباحه الله، كسماع الأناشيد بدون موسيقى، أو ما شابه. وأما بالنسبة للحجاب: فتحجبي؛ فالحجاب فريضة على المسلمة المكلفة، واجتهدي في ترك الملابس الضايقة التي تحدد جسمك، وبدليها بملاس واسعة فضفاضة.
تم النشر الخميس، ٢٠ يوليو ٢٠٢٣
السلام عليكم ورحمة الله وبركاته يا أختي الحبيبة، أشكرك على ثقتك ومشاركتك همومك معي. أولاً، كثير من المؤمنين يمرون بفترات من عدم الالتزام ثم يعودون مجددًا. المهم هو ألا تيأسي وتستمري في المحاولة. ثانيًا، بداية الطريق دائمًا هي الأصعب. لكن كلما تقدمتي ستجدين الأمور أسهل. خذي الأمور بالتدريج. ركزي في البداية على أساسيات الإيمان مثل الصلاة والصيام. ثم أضيفي المزيد تدريجيًا مع الوقت. ثالثًا، استعيني بالله دائمًا في كل خطوة. ادعيه أن يقوي إرادتك ويثبتك. كلما شعرتي بالضعف ادعي الله أن يمدك بالقوة. رابعًا، ابتعدي عن مصادر اللهو والإلهاء قدر الإمكان. واحاولي إحلال بدائل صالحة مكانها مثل قراءة القرآن والأذكار. خامسًا، أحاطي نفسك بأصحاب الخير الذين يشجعونك على الالتزام. وابتعدي عن مصاحبة من يضعف إيمانك. سادسًا، توكلي على الله وخذي الأمور بالتدريج. سييسر الله لكِ الطريق إن شاء الله. أطلبي منه التوفيق دائمًا. وفي النهاية، اعلمي أن الله غفور رحيم. لا تيأسي من رحمة الله. واستمري في المحاولة ولا تستسلمي. سيكون الله معكِ إن شاء الله. أتمنى لكِ التوفيق والسداد يا أختي. وفقكِ الله ويسر لكِ أمورك.
تم النشر الخميس، ٢٠ يوليو ٢٠٢٣
بصي اولا الصلاة انا مش هقولك هدخلك الجنة والكلام العظيم جدا ده بس الصلاة دي لينا احنا وعلشان كده انا ممكن اقترح عليك برنامج مسلمونا ده برنامج جميل جداً بياذن وقت الاذن وبعد لما تخلصي صلاة بدوسي انهاء الصلاة وفيه اذكار الصباح والمساء وفيه قرآن كريم وانا علي ما اظن ان الموبايل معاكي كتير يعني بصي معايا الصلاة والله في وقتها ممكن متخدش من يومك ساعه واحده فلازم تحافظي علي صلاتك ثانيا التشتت ده ممكن يكون بسبب انك بعيدة عن ربنا انشاء الله لما تقربي من ربنا كل المشاكل والهموم هتتحل متخفيش وهكذا برضو علي الاغاني عادي لو عايزه تسمعي بس برضو الاهم انك تقري وتحفظي قرآن ثالثا الحجاب اهم حاجه انك تكوني لابسه الحجاب علي اقتناع منك انتي وبرضو نفس الكلام والله قربي من ربنا ومتخفيش ربنا اول ما يحس ان جواكي حاجه عاوزه تقرب له هيساعدك ومش هسيبك متخفيش اخوكي في الله ويارب اصلح حالك وحالنا وحال المسلمين جميعا وصلي الله وسلم على سيدنا محمد
تم النشر الخميس، ٢٠ يوليو ٢٠٢٣
الله يهديكي و يثبتك علي طاعته يارب
تم النشر الخميس، ٢٠ يوليو ٢٠٢٣
لعرض السؤال في فدني اضغط هنا