من فضلك يا دكتور
أنا عندي ٣ بنات أكبرهم 21 سنه
وعندي قطتين سيامي
هما متعلقين بالقطط جدا خاصة الكبيره
في واحده من القطط لها معنا حوالي 7 سنوات
والثاني سنتين تقريبا
عايزه امشي القطط بقالي أكثر من سنه
لكن بمجرد فتح الموضوع بنتي بتدخل في حاله نفسيه سيئه وبكاء لا نهائي
محتاجه مساعده حضرتك
ازاي اتخلص من القطتين مع قناعه من بنتي وبدون مشاكل
بعتذر لحضرتك
الامر قد يكون تافه بالنسبه لحال الدنيا ومشاكلها
وربي الاعلم بما عندي
لكن بنتي مسببه لي ارق خاصة أن والدها مصمم على أنهم يمشوا خلاص
محتاجه مساعدة حضرتك فعلا
مع جزيل الشكر لحضرتك
الفكرة إن 7 سنين دا مش قليل خالص وهما إتعلقوا بيهم أكتر من كونهم قطط بل كونهم جزء من العيلة .. وانا بقول كدا عن تجربتي لأني عندي قطتين برضو من 2017 ورغم إن أهلي كانوا رافضيهم في البداية بس حاليا بيحبوهم كأنهم اخواتي الصغيرين مثلا.. لو هما فعلا مسبيين مشاكل الأول جربي تتكلمي فيها مع بناتك ولو ليها حل بالنسبالهم هيحلوها.. ولازم تحطي إعتبار للأسئلة من النوع ( إيه الجديد ما إحنا عايشين في كدا من 7 سنين مثلا ) هل في حاجة معينة جدت ؟ أو مشكلة محددة؟ ولا هو فجأه حسيتوا إن كفايه؟ هل ليها علاقه بمصاريفهم المادية مثلا أو النظافة الخاصه بيهم ؟ حددي الأول أسباب رغبتك في التخلص منهم ( اللي مكنتش موجودة السنين اللي فاتت ) وإتكلمي فيها مع بناتك وإطلبي مساعدهم في حلها لأن والدهم مش متقبلها.. لو وصلوا لحلول يبقى الأمر إتحل ولو موصولش لحلول يبقى تبدأي تكلميهم في إننا محتاجين نلاقي بيت تاني للقطط يهتم بيهم و هنبقى نكلمهم ونطمن عليهم كل فتره هتقابلي اعتراض كبير طبعا منهم قوليلهم إن المشاكل اللي إتكلمتي معاهم فيها متحلتش ومحدش عنده حل و دا الحل الوحيد حاليا ..
تم النشر الجمعة، ٥ أبريل ٢٠٢٤
البنات كبار ما شاء الله ...يعنى فاهمين فلو حضرتك او والدهم عاوزين تقرروا شىء وهو ليه ابعاده واسبابه فتقدروا تفهموهم انما لو بعد السنين دى كلها والموضوع كده بدون سبب او مجرد زهق منهم فده هيكون نوع من الظلم للاولاد لا داعى منه فى الحقيقة فلو فى اسباب ياريت توضحيها ونحاول معاكى فى الطريقة اللى ممكن توصليلهم بيها الموضوع عشان يكون برضاهم وبدون اثر سىء ليهم
تم النشر الخميس، ٤ أبريل ٢٠٢٤
تحياتي اولا اولا قبل أن تتخلصي من القطط تؤهلي ابنائك نفسيا بطريقة لطيفة أن هذه القطط تسبب ازعاج لولدك وطاعة الوالدين واجبة ثانيا وجودههم في المنزل شيء غير مرغوب فيه لأنهم قد يؤذيكم أثناء نومكم ثالثا عليكي أخذ القطط في شنطة دون علم ابنائك وتلقيهم في مكان بعيد وإذا سالوكي عنهم قولي فتحت باب الشقة فخرجوا ولم الاحظهم وهم يخرجون من الشقة واقنعيهم انني سااسال عنهم الي اين ذهبوا وابحثوا معي أيضا عليهم بمرور الوقت سينسون ذلك الأمر ويتقبلوه الأمر الواقع
تم النشر الخميس، ٤ أبريل ٢٠٢٤
لو ف مكان تربي فيهم القطط بعيد عن البيت زي السطح مثلا يكون كويس
تم النشر الخميس، ٤ أبريل ٢٠٢٤
- ولماذا تتخلصي من القِطط ؟
تم النشر الجمعة، ٥ أبريل ٢٠٢٤
لعرض السؤال في فدني اضغط هنا