اما بقا بالنسبه للعناصر فانت مطالب تحفظ عناصر ومركبات الباب الاول فانا من رايي اتبع طريقتين انا كنت بمشي عليهم لاني كنت بنسي بسرعه وهما انا كتب وانا بذاكر واني اكرر الحاجه اكتر من مره على مدي متباعد يعني ذاكرتها النهارده مره بالورقه والقلم بكره برضو اراجع عليه برضو بالورقه والقلم وبعده وهكذا مع مذاكرة الجديد يعني بذاكر جديد واراجع على القديم مع التكرار هتلاقي انك حفظتها وثبتت وده اللي المستر بتاع الكيمياء كان بيعمله معانا بيحفظنا كيمياء زي ما بيفهمهلنا
تم النشر الجمعة، ١ نوفمبر ٢٠٢٤
بص بالنسبه للاسئله فامرها سهل لو عرفت تركز على اسماء العناصر واهم حاجه في اسئلة الكيمياء انك تفصص السؤال وتكتب معطياتك على جنب يعني تمسك السؤال تقراه بتاني وتطلع كل المعطيات اللي فيه وتطلع اي كلمه تكون مهمه لان في الكيميا بيبقى لعب بالالفاظ وحل كتير ايدك هتاخد على الحل في الاول السؤال هياخد وقت بس مع التكرار الموضوع هيبقى سهل
تم النشر الجمعة، ١ نوفمبر ٢٠٢٤
لو نصائح في حل اسئلة الكيمياء علشان انا مش بحب احل كيمياء اوي لاسف
تم النشر الجمعة، ١ نوفمبر ٢٠٢٤
شكر تاني و معلش سؤال تانية واسف لو انا رخم وبسأل أسئلة كتير بس هم بيقولوا استفادة من تجارب الآخرين ممكن نصائح في الكيمياء في موضوع اسماء والعنصرية والمكربات اني مش حافظهم خلاص وده عامل لي مشكلة في اي حاجة له علاقة باي معادلة مش بعرف اعمل حاجة ف انا مش عارف اعمل اي بالظبط ودلوقتي انا حساس ان الماده رخمه ومحتاج مجهود محترم و وقت وانا مش عارف اجيب منين الوقت والمجهود لكل ده منين و آخر حاجة انا جربت اقعد واحاول احفظ اسماء الحاجات اللي انا محتاجها بحاجة اسمها تقنات الذاكرة والطريقة هي ان انا اعمل رمز لكل عنصر او مركب او من اخر اطلق عليها اسم معين و اتخيل صورة في موقف علشان افتكره هي الطريقة دي كويس ولكن هي باخد وقت و مجهود كبير وانا بقي مش عارف استخدمه ولا لا علشان ممكن اقعد ساعة في الموضوع ده وكل ده وانا لسه مبداتش في اي حاجه من اللي عليا فممكن نصحتك ومعلش انا عارف اني تعبتك
تم النشر الجمعة، ١ نوفمبر ٢٠٢٤
بص بالنسبه للتنظيم كل اللي عليك تصحى تصلي الفجر تحدد هتذاكر اي طول اليوم من غير ما تضغط نفسك او تحملك نفسك فوق طاقتها تبدا تذاكر من بعد صلاة الفجر صدقني الوقت ده فيه كمية بركه مش طبيعيه هتذاكري كميه كبيرة وهتحس كان الوقت مش بيعدي واشتغل بتكنيك البومودورو لو مش عارف عنه ابحث هتلاقيه على النت وانك تروح الجيم زي ما قولتلك هيحافظ على جسمك ونفسيتك خصوصا انك هتفرغ الطاقه السلبيه وانت هناك وتاخد شاور بعدها وهتحس انك فايق وعندك باور كبيره انك تكمل وحاول تتجنب السهر لان المعلومه اللي هتذاكرها وانت سهران ممكن متثبتش وكانك بتضيع وقت على الفاضي وبيخليك متعرفش تلحق وقت الفجر وصدقني موضوع مذاكرة بعد الفجر دي مش انا لوحدي اللي جربتها ونفعت غيري كتير جربها ونفع معاه واهم حاجه حاول تخلص المتراكم وانت بتذاكر الجديد علشان متراكمش زياده وربنا معاك
تم النشر الجمعة، ١ نوفمبر ٢٠٢٤
طبعا جزاك الله كل خير المشكلة في موضوع تنظيم الوقت ان ممكن الاقي نفسي فضلت أجل واسويف لحد باليل وأقول هسهر لحد بعد الفجر واخلص اللي عليا وطبعا الإنتاجية فيها بتكون واحشة اوي وكمان موضوع النفسية ده انا مش عارف ازاي أفرغ طاقتي وضغط في حاجه كويس وكمان مكنش بتسهلك وقت كتير ومش عارف اعمل اي لو في اي اقتراحات ف جزاك الله كل خير
تم النشر الجمعة، ١ نوفمبر ٢٠٢٤
لعرض الإجابة في فدني اضغط هنا