السلام عليكم
انا كنت مخطوبة ومحصلش نصيب بعد شهرين اتعرفت على واحد وهو قريبنا وعارفين اهله كويس وهو كان مطلق بقاله شهر كان بينهم مشاكل ومحاكم اسرة و بدا في الكلام معايا وقال انه عايز يتقدملى ونتجوز وقلت لاهلى وهو عرف اهله بس باباه قاله يستني كام شهر الاول يظبط فيها حالته المادية وعشان طليقته متطعلش عليا كلام انه طلقني عشانها واتفق معايا ابلغ اهلى انه دى كانها فترة خطوبة ولما يجي لى رسمي مش هنطول وهنتجوز علطول وكان فرحان بيا وبيحبني وكنا كويسين ومبسوطين وبعد مرور ٣شهور بدا يتغير وكلامه يقل وفجأة قالي انه مش مستعد يدخل في علاقة وخايف يفشل فيها زي اول مرة وخايف من الفشل والزعل لانه بيته اتخرب قبل كدا ومش قادر يكرر التجربة تاني مع انه في اول ماكلمني كان بيقول انه حابب الجواز والاستقرار دلوقتي كل كلامه خوف من الفشل وحاسس انه مش مظبط وعايز نبعد فترة جايز يتحسن ويرجع والله اعلم الايام كاتبة ايه
انا مش عارفه اعمل ايه انا متعلقة بيه ومش عارفه هل المفروض افضل جنبه لحد ما يبقي كويس ولا المفروض ابعد عشان يعرف قيمتي ويحدد
عليك أن تفهمي أولاً أن العلاقات تحتاج إلى وقت لكي تنمو وتتطور. قد يكون الشخص الذي تتعاملين معه يمر بمرحلة من عدم الاستقرار بسبب تجاربه السابقة، وقد يكون هذا سبب تراجعه في الحالية. من الجيد أن يكون الحوار بينكما مفتوحًا بشأن المخاوف والانطباعات. قد تحتاجين إلى مناقشة مشاعرك واحتياجاتك معه بصراحة، وأن تعبري عن ما تشعرين به. من المهم أن تهتمي بنفسك وبحاجاتك أولاً. قد تحتاجين أيضًا إلى إعطاء المسافة اللازمة لتفكير وتقييم الوضع على مستوى شخصي.
تم النشر الأربعاء، ٢٢ مايو ٢٠٢٤
ابعتيله رسالة قوليله انا هحترم رغبتك وهبعد فترة لحد ما تقرر و تصلي استخارة وتشوف انت حابب تعمل ايه بس لازم تعرف ان محدش زي التاني و مينفعش الحياة تقف علي تجربة وحشة في حياتنا لان ده بيبقي مجرد درس لينا و اختبار من ربنا وتحاولي في المسدج دي تطمنيه كتير اووي بكلام كتير و في الاخر تقوليله و برضو هبعد لحد ما تشوف بس ياريت تقرر علشان انا برضو اشوف مفروض اعمل ايه في حياتي
تم النشر الأربعاء، ٢٢ مايو ٢٠٢٤
بصي انا شايفه إنك المفروض تعدى شويه مش تختفى خالص وهو صراحه فى احتمالين الاحتمال الأول انه تعب فعلا وخايف وكده أنا شايفه آنه لو هو إنسان متفهم وكده المفروض إنك آنتى عارفاه كويس ف اقترح عليه يروح لدكتور نفسي وعلفكره الدكاتره النفسيين مش للمجانين خالص وانا شايفه انهم مهمين جداا ف حياتنا وخليه يتعالج ولازم يفضفض هو مش هيكون حابب يفضفض معاكى أو مع حد يعرفو ف الدكتور النفسي انسب حل الاحتمال التانى انه ممكن يكون حابب يرجع لطليقته وبالذات لو فى عيال وحس إنه اتسرع وكده لأن ف الوقت ده العقل مبفكرش بشكل صح وبيبقى عاوز يعوض الفقد أللى حصله ف حياته ومنغير م يكون حاسس يعني هو مكنش بيلعب بيكى ولا حاجه ف ممكن يكون حس بعدها انه كان غلط وانه بيظلمك معاه ف كده هو إنسان محترم وبيحاول يبعد ع ميبقاش إسمك مطلقه أو حاجه مهما حصل هيبقى أحسن ليكى ميت مره لأن أكيد ربنا مبيجبش حاجه وحشه وكله خير ليكي
تم النشر الثلاثاء، ٩ يوليو ٢٠٢٤
لعرض السؤال في فدني اضغط هنا